عايز أشتري عربية، تنصحوني بايه

[ayman raslan]

بسم الله الرحمن الرحيم

أعضاء المنتدى الكرام، السلام عليكم ورحمة الله

ندخل في الموضوع،

انا عايز أشتري عربية، ودي أول تجربة ليا وبالنسبة لموضوع السواقة فانا تقريباً ميييح

استخدام العربية هيكون مشوار الشغل ريح 40 كيلو وراجع زيهم، وكمان مشوار سفر للبلد كل شهر تقريبا 200 كيلو رايح وراجع زيهم.

انا عايز عربية مستعملة في حدود 70 إلى 80 ألف وتكون أتوماتيك علشان تريحني في السواقة

بصراحة أنا ميال للياباني لأنه بيعيش وبيستحمل، وخايف من الكوري

انا اتناقشت مع كذا حد، وعايز اختار بين الاقتراحات دي:

تويوتا ياريس
ميتسوبيشي لانسر (بوما)
رينو لوجان
نيسان صني
كيا ريو
هيونداي أكسنت

المهم في العربية انها تريحني ومتبهدلنيش، وعلشان كدة هحاول أجيب حاجة موديل قريب 2008 مثلاً ومتكونش مشيت كتيييير،

ايه رأي حضراتكم

متشكر جداً

[aldebbas]

نصيحة اشترى عربية لانوس كسر زيرو
قطع غيارها رخيصة ومتوفرة
تتصلح فى اى مكان لسهولة تصليحها
تمشى ببنزين 80 واقتصادية جدا
لو فكرت تبيع حتلاقى فلوسك

[adamlion]

نصيحتى لانسر بومة 2008 الاختيار الاول سيارة اعتمادية حمالة قاسية وقطع غيار متوفرة ثم تاتى النيسان لصنى بس معدل استهلال وقود اعلى شوية

[ayman raslan]

المشاركة الأصلية كتبت بواسطة aldebbas نصيحة اشترى عربية لانوس كسر زيرو قطع غيارها رخيصة ومتوفرة تتصلح فى اى مكان لسهولة تصليحها تمشى ببنزين 80 واقتصادية جدا لو فكرت تبيع حتلاقى فلوسك

وجهة نظر محترمة، بس أنا عايز عربية أتوماتيك علشان تسهل عليا موضوع السواقة

[ayman raslan]

المشاركة الأصلية كتبت بواسطة adamlion نصيحتى لانسر بومة 2008 الاختيار الاول سيارة اعتمادية حمالة قاسية وقطع غيار متوفرة ثم تاتى النيسان لصنى بس معدل استهلال وقود اعلى شوية

طيب لو قارنتها بتويوتا يارس، ايه الأفضل من وجهة نظرك