استفسار في التقسيط 2009

[Saif eldien]

الى كل الاعضاء والى كل الاسفسارات يا جماعة انا برد على الميل بتعكم ال بتبعتوة وكمان برد على الميل الخاص بكم فى مصر موتورز بس لية انتم مش بتبعوا الموضيع بتعتكم وتعرفوا الردود
ارجوا المتابعة

[تامين سيارات]

تم الرد فى رسالة خاصة لك استاذ سيف الدين راجع صندوق رسائلك

[بوكي شوماخر]

على فكرة مش كل الشركات يعني أنا مقسطه عربيه من عند شركه معينه ومحترمين جدا في تعاملهم وتأمينهم هايل جدا وفعلا مريحين بس لازم تكون طبعا منتظم في الأقساط وبتدفعها في مواعيدها، ما هو مش معقوله تطالب بحقوقك وما تديش الناس حقوقها، وعلى العموم يا سيدي لو الأسهل إن انت اللي تقسط اشتريها واعمل توكيل بالبيع لوالدك.

[AbOnOrA]

طبعا فى نظم ممكن تكون مش مناسبة خالص لناس وفيه بنوك حرامية بمعنى الكلمة زى سيتى بنك بس ممكن التقسيط اقتصاديا يكون حل لو مدروس صح والبنك كويس

بس عامة التقسيط فى حد ذاتة مش مشكلة المشكلة فى نظم التقسيط الربوية والاستغلالية والمشكلة الاكبر فى ان العربيات عندنا اصلا سعرها اكبر قيمتها فمش مستحملة فوائد كمان

انا بشجع دايما على شراء كسر الزيرو او حتى الساكند او ثيرد هاند احسن من التقسيط خاااااااصة التقسيط المريييييييييييح

[Saif eldien]

يا جماعة المشكلة مش فى اى بنك ولا شركة تمويل ولا اى شى ولا تجار ولا وكلاء انتم نسيتم نقاط مهمة جداfficeffice" />
لما البلد تعمل جمارك على السيارات اكثر من نصف ثمن السيارة ورسوم تنمية وموارد وغيرة من المصاريف عيزين سعر العربية يوصل كام
اى بنك او شركة تمويل سيارات دة معها فلوس من ودايع الناس وبتديهم ارباح عليها مثال 8% فى السنة وتقوم هى تدى الناس تمويل شراء سيارة ب 9.5 % فى السنة دة فرق من 8% فرق 1.5% ربحها ومصريف البنك وعمالة وغيرة من المصاريف صح
ولما البنك المركزة محدد فائدة على ودايع العملاء لاى بنك والبنك فى الاول والاخر مشروع عندة مصاريف ومحتاج يحقق ارباح يعمل اية يطلع الودايع ال عندة بكام
ولما مستورد السيارة عندة مصاريف استيراد وجماريك وشحن يدوب يجيب مصاريفة ويقول ربنا يسترها والم الفلوس بتعتى بربح بعد ميغطى مصاريف الشركة
كل واحد وعندة هم ويجى الناس تتمنى تركب عربية بسعر كويس وال عايز يقسط اما انة بيدور على واجة اجتماعية زى ناس او انة عايز يعمل مشروع وفاكر ان الدنيا ربح وبس
ارفعوا صوتكم وقولوا للحكوما تخفض الجماريك على السيارات قبل متتهموا ناس ملهمش زنب (وتقولى خلوها تصدى وتقول بنك نصاب او شركة نصابة ) دة لفظ كبير يا جماعة
وشوفوا الناس ال عيزة تقسط اصلا عندها امكانية سداد ولا فكرها نصاحة دة منظومة يا جماعة مش طرف واحد ال غلطان