العربية لسة ماكملتش 40000 ك و الميكانيكى بيقولى عاوزة عامرة

[matrix_man1]

السلام عليكم و رحمة الله و بركاتة
ارجو النصيحة من خبراء المنتدى
عربيتى فيرنا موديل 2009 كامت مركونة من 1-1-2012 لحد ما اشترتها فى 5-1-2014 و كان العداد عامل حوالى 34000 ك غيرتلها زيت و كانت العربية تمام التمام
حتى اليومين اللى فاتوا بقيس الزيت لقنة ناقص جداااااا يدوب فى اول المقاس رحت للميكانيكى و قلتيلة ان العربية الزيت بينقص من العربية بسرعة جدا قالى طيب هاكشف عليها
روحت صليت المغرب و رجعت لقيتوا بيقولى الماتور خفيف و عاوز عمرة كاملة .. و قالى ان العربية لما تدوس بنزين هاتلاقيها بتطلع دخان اسود .. عموما انا خليت واحد صاحبى يدوس بنزين و فعلا لقيت دخان اسود من الشكمان .. و انا محتار العربية مافيهاش اى مشاكل غير موضوع نقص الزيت دة .. يعنى سحب كويس .. تكيف كويس .. و مش معقولة ارمى ماتور مكملش 40 الف دلوقتى و اروح اشترى ماتور تانى او اعمل عمرة .. فا انا عاوز اتاكد من الكلام دة بشكل فنى ... و ممكن يكون محتاجة شنبر بس .. ارجو النصيحة من الخبراء و اسف على الاطالة

[zing0]

لامؤاخذة فى اللى هأقوله, ده كفتجى و نصاب و أبن 60 .....
شوف حد غيرة و متوديلوش العربية تانى
الزيت بينقص لازم تزوده و أوعى تمشى بالعربية من غير زيت
ممكن تشوف تحت العربية فى المكان اللى بتركن فيه فية نقط زيت تحت الموتور, يعنى فيه تسريب من جوان الكرتيرة, أنا أعتقد انه يكون نشف من الركنه و بيعمل كده

العادم الإسود معناه بنزين غير مكتمل الحرق (بنزين زياده) أكيد الباشا لعب لك فى حاجه علشان تقتنع إن العربية بايظه و المكنه عاوزة عمره, و ضبط البنزين أمره سهل إن شاء الله

لو العربية محتاجه شنبر أو عمرة هتطلع دخان أبيض مائل للزرقه, مش اسود
و تتأكد أكتر من وجود زيت على سن البوجيهات (على السن مش القلاووظ) بتاع البوجيه
و طول ما أنت ماشى فى دخنه بيضاء

نصيحتى زى مقولتلك:
1- تغير الميكانيكى بواحد فابريكا يكون بيفهم, و ترمى القديم فى صفيحة زباله و أنت الكسبان
2- تتابع تسريب الزيت من تحت العربية, أو ترفعها فى بنزينه أو محل تغيير زيوت و تشوف الجوان ناشف و بيسرب زيت و الطبه مقفوله حلو و لا لأ

الكلام ده فى أسرع وقت و أوعى تمشى بالعربية من غير زيت, لازم تزودها زيت أول بأول

أعانك الله

[zing0]

بالمرّة ممكن تراجع على أولسيهات الكرنك, برضو ممكن تكون نشفت و بتسيل زيت
المهم عاوز أقولك أن اللى عندك مش زيت محروق, ده زيت بيسرب من مكان ما
شوفه منين

[matrix_man1]

متشكر يا باشا على الاهتمام
اولا يا باشا انا مابشوفش زيت تحت العربية وانا فعلا روحت غير زيت و سالت الراجل بتاع الزيت يشوف اذا كان فى زيت الو الطبة مش مظبوطة و هوة قالى ان العربية ناشفة من تحت و انا شاكك فى ان جلد الصبابات ممكن يكون نشف ولا حاجة و هوة دة اللى بيخلى الزيت ينقص من العربية .. لكن السؤال هل لو روحت قيست كبس الماتور فى اى بنزينة هايدينى دليل او حل للمشكلة دى و لا اية رايك .. و شكرا يا باشا

[modygamal2000]

اعتقد ان موتورك مافهوش مشكله انت كل اللى محتاجه تغير زيت تانى بنوع كويس ومكان تكون واثق فيه وتتابع اذا كان هناك ترشيح للزيت تحت العربيه وعلى جسم الموتور ونصيحتى ما تتعاملش تانى مع الميكانيكى اللى انتا قلت عليه ده وتحياتى