مشكلة و محتاجة ليها حل

[Tota El Masry]

المشاركة الأصلية كتبت بواسطة ابو هيما على فكرة معظم اللى أنتى بتحسي بيه ده لأن العربية جديدة وأنتي خايفة عليها أوى وكمان خايفة أنك تتحسدي من الناس .. أنا من رأى الشخصى تشيلى كلأم الناس من دماغك .. تصدقى بالله أنا كنت عايش فى أوكرانيا وكانوا الأوكران دايماً يقولوا لى أن الكلب أحسن صديق فى الدنيا وبيحفظ الجميل عن الناس .. عشان كده تمشى فى شوارع أوكرانيا تشوفى كلأب وأنواع كتيرة وأحجام مختلفة مالهاش حل مش زي الكلأب البلدي اللى ملية الشوارع عندنا .. صدقينى البعد عن البشر غنيمة ومكسب . وأنا أنصحك أنك تصحى من النوم كل يوم الصبح وتقرأئى أذكار الصباح وحاولى تصلي الفجر حاضر .. صدقينى طريقة متجربة ومضمونة مليار فى المية .. يقول النبي صلى الله عليه وسلم ( من صلى الفجر فى جماعة فهو فى ذمة الله ) .. ساعتها ولأ هتخافى من حسد ولأ هتهتمى بكلام الناس , لأن الناس دي كلها من الأخر مبيعجبهاش العجب .. هو فى أحسن من أشرف الخلق سيدنا محمد صلى الله عليه وسلم .. ماكنش عاجب أهل مكة والطائف وقاسي وعانى منهم وبعدها قال دعاءه المشهور " اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك".. والله الدعاء ده لما تيجي تقرائيه وتتمعنى فى كلماته هتحسي أد أيه بمعانة النبي صلى الله عليه وسلم من ظلم الناس وأفتراهم وهتلأقى دموعك بتنزل من عينك لوحدها طب أنتى بعد كل ده مستنية أيه , وبتقولى الناس كرهتنى فى العربية .!!!!!!!!!!!!!! أنصحك يا أختى .. 1- بقراءة أذكار الصباح والمساء 2-المحافظة على الصلأة فى مواقيتها وبالأخص صلأة الفجر 3-المداومة على الأستغفار والبقاء على وضوء وأن شاء الله هاتدعيلى .. وأستمتعى بالعربية وأستمتعى بحياتك وشيلى الناس والحاجات دي كلها من دماغك وأعملى زى دبور ماقال لعادل أمام فى فيلم مرجان ( كبر الجى وروق الدى ) .. أضحكى بقى ((((-:

ربنا يعزك و يعليك و يرزقك الفردوس الأعلى و يصلح لك دينك و دنياك و زوجك و ذريتك

أتشرفت بك كأخ في مصر موتورز
ربنا يجمعنا صحبة عند حوض النبي نشرب من يده الطاهرة المطهرة شربة لا نظمأ بعدها أبداً
و الحمد لله رب العالمين و سلام على المرسلين

[Tota El Masry]

المشاركة الأصلية كتبت بواسطة حسام البورسعيدى مبدئيا كل سنه وحضرتك طيبه يا استاذه توتا وربنا يعود الايام عليكى وعلينا وامه المسلمين جميعا بالخير والصحه والسعاده ... عربيتك رينو لوجان احسن عربية فى سعرها بلا منافس الحمد لله .. عربية واسعه وجميله ومريحه والاهم من كده انها عجباكى وبتحبيها .. مش كده ؟!! يبقى خلاص مالناش دعوه بالناس اللى مش بتفهم فى العربيات او اللى بيحبوا يبخسوا الناس اشياؤها ويطلعوا عيوب فى كل حاجة ونثق فى نفسنا وفى اختيارنا ومنعطيش اهميه لكلام الناس ...... معلش بس ممكن علشان الجو حر اوى اليومين دول الاستغناء عن التكييف صعب شويه خصوصا بالنهار ... وعلى فكره مفيش مشكله تشغلى التكييف وقت الضروره فى فتره التليين .. عادى مش هتفرق يعنى فمتضغطيش على نفسك اوى فى الموضوع ده .... لأ للأسف مش هتلاقى تجليد بلون العربية بالظبط للاسف و الشفاف انا مسمعتش عنه قبل كده بس ممكن حضرتك تسألى عنه فى محلات الكماليات الكبيره او المولات .... متقلقيش حضرتك من الموضوع ده خالص .. لان المفتاح الايموبلايزر مش بيطلع غير فى التوكيل وبكود معين .. ولو دورتى العربية بنسخه عاديه من المفتاح هتدى مارش بس مش هتدور ... يا رب اكون قدرت افيدك بالقدر الكافى وكل سنه وحضرتك طيبه .......

أخويا الكريم حسام البورسعيدي
بعد ربنا
صاحب الفضل الكبير علي في شراء لوجي
ربنا يرزقك الحلال كله و يصلحلك دينك و دنياك و آخرتك و زوجك و ذريتك ليوم الدين
عندك حق
حسبي الله و نعم الوكيل نعم المولى و نعم النصير

[Tota El Masry]

المشاركة الأصلية كتبت بواسطة ahmedashraf يا أخت توتا، كل الموضوع إن .... إللي ميعرفش يقول عدس أنا واجهت الموضوع ده قبل ما أحجز العربية كل ما قول لحد هاحجز لوجان يوقللي ياعم حرام عليك طب ماتشوف كذا أو كذا أحسن، دي أصيانتها معرفش إيه دي أسعار قطع غيارها معرفش مين .... إلخ وكنت خلاص هقفل وأتراحع عنها بسبب الكلام ده. لاكن بعد كده لما ركزت وفكرت لاقيت إن محدش من الناس دي ركبها أصلا قبل كده، تخيلي إن عمى شغال في تجارة السيارات لما سألته برضه حاول تبعدني عنها ويقنعني بلانوس!!! ولما سألته، طب ياعمي ليه؟ هو إنت سمعت عنها حاجة وحشة؟؟؟ قاللي لأ ... بس عربية صغيره وضيقة كده! عرفت إنه شغال في العزبيات آه لاكن اللوجان ممرتش عليه قبل كده وإنه مركبهاش بتاتا ولو على سبيل التجربة ( وطبعا قررت مش هستعين بيه في شراء عربية بعد كده ههههه). الخلاصة، إحنا ناس بتحب تفتي لمجرد الفتوى، إزاي حد يقوللي إنه هيشتري عربية وملخبطهوش آآآ قصدي مساعدهوش بخبرتي الفذه وتجاربي اللانهائية والممتده من سنوات وسنوات في جميع أنواع السيارات ما ظهر منها وما بطن؟ ده إحنا نفهم الكفت هههههه أختي العزيزة، متوسوسيش نفسك، إستمتعي بعربيتك. هي مديقاكي في حاجة عشان تبيعيها؟ عجباكي ومريحاكي؟ صدري الطرشة لكلام الناس وتعاملي مع الموضوع بأسلوب "معلش ناس غلابة وتفكيرهم على فقدهم". أنا لحد دلوقت كل كام يوم سايس الجراج ألاقيه بيقوللي، "هي فرامل العربية مبتفرملش؟؟"، "هي زراير الزجاج دي صيني؟ أصلي جيت أقفل الزجاج لقيتهم سخنين" وهكذا، وأنا كل إللي بيطلع مني ... إبتسامه عريضة وأقوم راكب وماشي وأحمد ربنا علي نعمته وأقول في سري "غلابه ... ربنا يهدي". مفيش عربية مفهاش عيوب وأدخلي قسم أي عربية في المنتدى وشوفي المشاكل.

ربنا يعزك

ده مش عدس ده عدس من غير لا جبة و عمة و لا قفطان

نصيحة أوعى تسيب مفتاحك للسايس حتى لو كان فيه كارثة
البيه السايس حسبي الله و نعم الوكيل أخد عربيتي و خرج بيها و الناس شافته مشي 18كم و خدشها حتة 2سم و لصقها في أبن أخته و اتسبب في فصله من الجراج و أنا قلتله العربية ده شقى العمر و فلوس علاجي يعني أغلى من عيالي لو ليا عيال و ما فيش فايدة قلتله يا رب إللي يجي ناحية عربيتي بالشر عيل من عيالة قصادها أو عين من عنيه ربنا كرمه كده على الماشي بس بردو ما اتعظش ربنا يلهيه بنفسه بعيد عني خصوصاً إنه بيتحنجل علشان ياخد المفاتيح تاني لأي سبب و سال إزاي يصفر الكمبيوتر عغلشان المرة الجاية لما يخرج يقضي بيها طلبات ما أعرفش
و ما تاخدش و تدي معاه خالص زي ما بتعمل وش إيس كريم و سلام سلام

بس لو عندك نصيحة ليا في التعامل مع البيه ربنا يلهيه بنفسه و يكفيني شره قل ليب بالله عليك

أختك توتة المصري

[ahmedashraf]

المشاركة الأصلية كتبت بواسطة Tota El Masry ربنا يعزك ده مش عدس ده عدس من غير لا جبة و عمة و لا قفطان نصيحة أوعى تسيب مفتاحك للسايس حتى لو كان فيه كارثة البيه السايس حسبي الله و نعم الوكيل أخد عربيتي و خرج بيها و الناس شافته مشي 18كم و خدشها حتة 2سم و لصقها في أبن أخته و اتسبب في فصله من الجراج و أنا قلتله العربية ده شقى العمر و فلوس علاجي يعني أغلى من عيالي لو ليا عيال و ما فيش فايدة قلتله يا رب إللي يجي ناحية عربيتي بالشر عيل من عيالة قصادها أو عين من عنيه ربنا كرمه كده على الماشي بس بردو ما اتعظش ربنا يلهيه بنفسه بعيد عني خصوصاً إنه بيتحنجل علشان ياخد المفاتيح تاني لأي سبب و سال إزاي يصفر الكمبيوتر عغلشان المرة الجاية لما يخرج يقضي بيها طلبات ما أعرفش و ما تاخدش و تدي معاه خالص زي ما بتعمل وش إيس كريم و سلام سلام بس لو عندك نصيحة ليا في التعامل مع البيه ربنا يلهيه بنفسه و يكفيني شره قل ليب بالله عليك أختك توتة المصري

والله أنا مكنتش بسيب المفتاح، بس للأسف الجراجات عندنا بتتستف لحد المطلع فمع مرور الوقت إتخنقت (لازم أدي تقرير كل يوم عن مواعيدي تاني يوم عشان ترتيب العربيات ولازم متأخرش بره عشان متكونش كل العربيات دخلت وأنا آخر واحد وهكذا) فبقيت أسيبه على عيني. بس السايس عندنا هو نفسه صاحب الجراج (مأجره) فبيحترم نفسه ومبيعمل الحركات دي، هو آخره يحكها عصب عنه وهو بيطلعها أو بيدخلها عشاني. بس طبعا وارد ينام بالليل في التكيف مثلا بس أنا بعمل شوية إحتياطات، مثلا أضبط مؤشر الحراره على آخر درجتين أو ثلاثه في السخن عشان أشوف هل قيه حد علاه ولا لأ (حركة زباله مش كده ههههه) وكبعا براقب إستهلاك البنزين من كمبيوتر الرحلات.

وربنا الحافظ، نفسي في محل صغير إيجار أعمله جراج خاص بس للأسف غاااااالي قوي في المنطقة عندي.

[Tota El Masry]

المشاركة الأصلية كتبت بواسطة ahmedashraf والله أنا مكنتش بسيب المفتاح، بس للأسف الجراجات عندنا بتتستف لحد المطلع فمع مرور الوقت إتخنقت (لازم أدي تقرير كل يوم عن مواعيدي تاني يوم عشان ترتيب العربيات ولازم متأخرش بره عشان متكونش كل العربيات دخلت وأنا آخر واحد وهكذا) فبقيت أسيبه على عيني. بس السايس عندنا هو نفسه صاحب الجراج (مأجره) فبيحترم نفسه ومبيعمل الحركات دي، هو آخره يحكها عصب عنه وهو بيطلعها أو بيدخلها عشاني. بس طبعا وارد ينام بالليل في التكيف مثلا بس أنا بعمل شوية إحتياطات، مثلا أضبط مؤشر الحراره على آخر درجتين أو ثلاثه في السخن عشان أشوف هل قيه حد علاه ولا لأ (حركة زباله مش كده ههههه) وكبعا براقب إستهلاك البنزين من كمبيوتر الرحلات. وربنا الحافظ، نفسي في محل صغير إيجار أعمله جراج خاص بس للأسف غاااااالي قوي في المنطقة عندي.

والله أنا كمان نفسي بس العين بصيرة و ربك يدبرها
لما تلاقي قولي و نفتح الجراجين على بعض زي شقة أسوان و شقة اسكندرية و نعزم كل مصر موتورز تركن معانا
تحياتي