هـــو فـــي ايــــــــــــــــــــه!! ؟؟

[nayra nona]

السلام عليكم و رحمه الله
في البدايه احب اشكر كل العاملين على المنتدى

وبعدين بقي انا موضوعى غريب شويه
انا بقالى فتره بدخل المنتدى عشان كنت عاوزة استفسر عن العربيات البيرليانس عموما و ال frv و السيدان بوجه خاص

و كان الكلام فى المنتدى عن الناس اللى فعلا معاهم العربيه دى .. وكل الناس كانت بتشكر فيها وحتى اللى مش عاجباه ف هى مش عجباه عشان اسمها صيني مش اكتر ولا اقل
وناس كتير متخيله ان العربيه مدام صيني يبقي هتبقي هى والارض في سواا واحد بعد اول مطب واحنا مش مقتنعيين بالكلام دا
و بصراحه من كتر الناس اللى شكروو فيها احنا اطمنا وكمان لآن فيها وسائل امان كتير اوى والتوكيل بتاعها محترم جداا

فعلا اقتنعنا ان العربيه جامده جدااا و سعرها مناسب و الأوبشن اللى فيها عاليه وكمان شكلها رهييب

وفعلا توكلنا على الله وروحنا عشان نجيب العربيه
.
.
.
.

الاقي بقي كل ما ادخل معرض نسأل على العربيه دى

لقيتها مش موجوده فى معارض كتير برغم من انها معارض كبيره ويوجد بها جميع انواع السيارات
وبعدين نلاقي المبيعات فى المعرض يقولنا لا لا لا ابعد عن العربيه دى
دى مش منتشره وخلاص قربت تسقط في مصر
واللى يقولى دا البفاريه هتقفل قسم البيرليانس
واللى يقولى العربيه من اسوء العربيات

والكلام دا اتكرر فى اكتر من 3 معارض

لغايه ما بالفعل قلقونا و اتراجعنا فى قرارنا وقولنا هنشترى عربيه تانيه ( غالبا تيجو اسبيرانزا )
ف انا بجد مش عارفه

هل العربيه فعلا وحشه ؟
هل قله تداول العربيه ممكن تخلى البفاريه تبيعها لوكيل تانى لو يتم التنازل عنها و غلق التوكيل فى مصر ؟

ولا دى مؤامره في السوق المصري لأسقاط العربيـــــــــــــــــــ ـــــــــــــــــــــــــ ــــــــه فى مصر ؟؟؟؟ بسبب سعرها اللى اقل من اسعار عربيات كتير فى نفس امكانيتها وانا شايفه كدا لآن العربيه لو فعلا انتشرت كلو هيشتريها
اصل ليه هدفع اكتر لما ممكن ادفع اقل فى عربيه محترمه برضو

ptmnlo123per183ptmnlo123p er183



اسفــــــه على التطويل

و ارجو سماع الأراء

[Bendary]

كلام حضرتك منطقى جدا
احتمال تكون مؤامرة - واحتمال تكون اشاعات لمجرد ان العربيه صينى
واحنا كشعب عندنا ثقافة اصيله وهى :" اللى تعرفه احسن من اللى ماتعرفوش "
لكن الكلام المؤكد لابد ان يؤخذ من مالكى السيارة نفسهم
حاولى دراسة الموضوع بعناية اكثر - وربنا يوفقك .

[MosTafaFox]

انا بقول مفيش دخان من غير نار وعامة الناس بتقلق من الصينى والاسبيرانزا اتقال فيها كلام كتير بس انتشرت واثبتت نفسها لكن البرليانس لا انتشرت ولا سلمت من الانتقاد فالاحسن عدم المخاطرة

[azazi]

انا احب اقولك ان العربية ممتازة و مافيش اي حاجة من اللي سمعتيها دي حقيقة و لو عايزة العربية عندك معرض المجموعة البافارية نفسه
و خلينا نستخدم عقلنا شوية ؛ ازاي هتقفل و عمالين ينزلو موديلات جديدة و يستثمروا ملايين فيها و لو نلاحظ ان اي وكيل قفل قبل كدة كان قبل ما يقفل مر بسنوات من تقلص في نشاطه يعني ولا بينزل موديلات جديدة ولا بيستثمر في مراكز صيانة و خدمة عملاء ؛ هيصرف عشان يقفل وللا يلم فلوسه و يكسب!!

[vito.vito]

انا بصراحه بحترم البريلياننس جدا ووالدي شافها فايقولي العربيه دي الماني قولتله لا دي صيني فمصدقش قالي بس شكلها عربيه فخمه قولتله هي اعلي اسعار الصيني وامكانيتها كلها الماني وعربيه شكلها رهيب بس هو مقتنعش بها لانها صيني بس هو لا ركبها ولا جربها وحكم عليها فا دا غلط طبعا فا انا بصراحه مش عارف انا لو ماكانك هاجبها لانها عربيه خطيره توكلي علي الله واشتري ومفيش حاجه قافله ان شاء الله