تقرير عن بروتون ساجا

[ahmed-alaa]

المشاركة الأصلية كتبت بواسطة dexter انا فعلا عايز اجيب الاوتوماتيك انا شفت المقارنة بتاعة حضرتك و بصراحة شايف انها افضل من اللوجان و هورس باور اعلى رغم ان الموتور اقل انا مش متردد غير عشان العربية لسة متجربتش.

العربية كامكانياتمحتلرمة جدا وكشل روحاتفرج عليها عند التوكيل وبعدين قرر بس انا رايي انها افضل عربية اتوماتيك سيدان في السعر ده وعربيات بروتون محترمة جدا ومبتعملش مشاكل بس اسال علي اسعار قطع غيارها لو لقيتها مش مبالغ فيها وفي المعقول كده اتوكل علي الله ومتترددش لان اساسا في السعر ده اتوماتيك سيدان تقريبا مفيش بديل الا كام حاجة صيني كده ومش هيبقو احسن منها عمرهم
وبعدين مش لازم العربية تبقي مرمية في الشوارع عشان تبقي حلوة
اتوكل علي الله العربية محترمة جدا علي سعرها ومفيش احسن من كده
ومبروك مقدما ومستنين منك تقرير محترم انشاء الله لما تجبها ولو عرفت اسعار قطع غيارها ابقي قولنا وقلنا رايك فيها بعد ما تتفرج عليها انشاء الله
ولو احتجت اي حاجة تحت امرك يا باشا

[dexter]

المشاركة الأصلية كتبت بواسطة ahmed-alaa العربية كامكانياتمحتلرمة جدا وكشل روحاتفرج عليها عند التوكيل وبعدين قرر بس انا رايي انها افضل عربية اتوماتيك سيدان في السعر ده وعربيات بروتون محترمة جدا ومبتعملش مشاكل بس اسال علي اسعار قطع غيارها لو لقيتها مش مبالغ فيها وفي المعقول كده اتوكل علي الله ومتترددش لان اساسا في السعر ده اتوماتيك سيدان تقريبا مفيش بديل الا كام حاجة صيني كده ومش هيبقو احسن منها عمرهم وبعدين مش لازم العربية تبقي مرمية في الشوارع عشان تبقي حلوة اتوكل علي الله العربية محترمة جدا علي سعرها ومفيش احسن من كده ومبروك مقدما ومستنين منك تقرير محترم انشاء الله لما تجبها ولو عرفت اسعار قطع غيارها ابقي قولنا وقلنا رايك فيها بعد ما تتفرج عليها انشاء الله ولو احتجت اي حاجة تحت امرك يا باشا

شكرا يا باشا, انا ان شاء الله هروح التوكيل و اتفرج عليها و اشوف اسعار قطع الغيار و توافرها و ان شاء الله اعمل تقرير بالمعلومات اللي هوصلها هنا على المنتدى.

[ahmed-alaa]

المشاركة الأصلية كتبت بواسطة dexter انا فعلا عايز اجيب الاوتوماتيك انا شفت المقارنة بتاعة حضرتك و بصراحة شايف انها افضل من اللوجان و هورس باور اعلى رغم ان الموتور اقل انا مش متردد غير عشان العربية لسة متجربتش.

انا مش شايف اي داعي للقلق ولا التردد انت لو قعدت تستني وتقري تقارير وتسمع اراء الناس هتلاقي 10 بيقولولك هاتها وواحد يجي يقولك لا يقوم رايك يهز متوجعش قلبك انا لما جيت اشتري رحت اتفرجت علي العربية الي كنت باجيبها وبصيت علي الفيرنا كمان وعملت صلاة استخارة وبعديها باسبوع رحت جيبتها
انا رايي تروح تتفرج علي العربية علي الطبيعة وممكن كمان تحجز test drive وتجرب العربية علي الطبيعة وتصلي صلاة استخارة واتوكل علي الله لو عجبتك ماتقعدش تشغل دماغك

[ahmed-alaa]

عشان تطمئن اتقضل

المشاركة الأصلية كتبت بواسطة A. Ibrahim السلام عليكم اليوم كان ال test drive للساجا . طبعا زي ما انت شفتوا اليوم كان الجو صعب و لكن اليوم عدي رحت علي الساعه 12 تقريبا ايمن كان عندع امتحان و مأدرش يجي و حل كويس فب الامتحان. ركنت عند المدخل و دخلت العرض كان في الجراج اللي امام الستروين و كان مقبول لهو جامد و لا ضعف . قبلت أ\محسن و مهاب و هيثم و أ \ نادين . الصحافه كانت موجوده الاهرام و الاخبار و motor TV التجربه كانت لكل مودلات البروتون واجا ساجا و الجين 2 و البرسونا و كل العربيات كان في منها المنول و الاوتوماتك. سجلت اسمي في الساجا الاوتو لاني عاوز اجبها لمراتي. و تقيمي و فيه بعض الصور كلاتي سعر العربيه بالنسبه للامكانيات مناسب جدا و منافس في السوق لدرجه كبيره. يعني بالنسبه للاوتو ارخص عربيه اوتو هي البيكانتو و الi10 و طبعا استحاله ادفع 72 الف في عربيه من غير شنطه و موتمر 1100 الامكانيات و المواصفات: الموتور 1300 CamproIAFM و ده بيولد 94 حصان تقريبا و عزم 120 نيوتن الموتور اقتصادي و ينفع لجوه البلد . الموتور ده نفسه موجود في الجين2 الاوتو و ديه بتنزل في انجلتري . اما الفتيس الاوتو هو بتاع الجين 2. السرعه القصوه من 155 الي 160 و لكن اعتقادي بعد التجربه ان الموتور سهل انه يدفع العربيه لاكتر من كده. لان الاداء بتاع الموتور عالي و العربيه رشيقه في الوزن. 1050 Kg تظام التعليق و نظام التوجيه من احد عناصر القوه و التميز و ده لان لوتس كان ليها لمسه قويه . و لل ميعرفش لوتس هي شركه سيارات رياضيه انجليزيه و تتميز بتصميم احسن و اجود انظمت التوجيه و التعليق احسن من البورش نفسها . و لك ان تطلق خيالك في مدي كفائة التوجيه و استجابه للساجا و ده تميز اكتر عن زميلاتها من اللوجان و اللانوس و الفيرنا و البيكانتو والاي 10 . و ده له تاثير علي نظام التعليق و هو ناشف بعض الشيء و لكن مريح و غير متعب. الامكانيات تكمن في -بور جيد -زجاج كهريه امامي -سنتر لوك بالريموت -كاسيت CD MP3+ اربع سماعات (سيستم محترم) -مرايات كهربه -شبوره امامي و خلفي. -اماكن كتيره للتخزين داخل العربيه . -مساحة الشنطه 415 لتر و الاحسن هو ان شكل الشنطه يسهل تخزين احجام الكبيره ولايوجد تهدير داخل المساحه -جنوط اسبور -ضبط ارتفاع كرسي السائق. -حساسات رجوع -Air bag للسائق اما عن التجربة فكان هناك عربيتين واحدة مانيوال و واحدة اوتوماتيك اختارت الاوتوماتيك . اولا انطباعي عن العربية من بره الشكل جيد الفوانيس الامامية و الخلفية واضحة جدا الشبكة الامامية و شبكة الاكصدام بتتدي انطباع رياضي للعربية بالنسبة للصاج فهو مش بسمك الجين 2 و لكن هو عادي التقفيل الخارجي للعربية مناسب جدا و لا يوجد فراغات او تعويجات واضحة حتي مع التدقيق من احد المميزات التي تلفت النظر عند فتح باب السيارة الامامي او الخلفي تجد سهولة في الدخول و الخروج من و الي السيارة و ده نتيجة ان الباب بيفتح 90 درجة و السقف ارتفاعه كويس . اما بالنسبة لارتفاع السيارة فهو مناسب جدا للظروف المصرية و لا يقل عن من 15 الي 17 سم و يمكن اكتر و طبعا مع نظام التعليق الجيد فدي ميزة تانية للعربية داخل العربية الخامات بوجه عام جيدة و انا اديها تقدير جيدة جدا بالنسبة لعربية بالسعر ده من تابلوه و بابان و كراسي بالنسبة لتصميم التابلوه وجهة نظري الشخصية انه جميل و مرتب و سهل و زي ما قلنا اماكن التخزين هايلة و كتير و مختلفة الاحجام و الاشكال القاعدة في الكرسي الامامي جيدة من حيث مكان الرؤية و التمكن من كل الحاجات اللي جوه العربية حتي بالنسبة للكنبة الخلفية مع الاخذ في الاعتبار اني طويل187 سم و لكن القعدة اللي ورا مريحة جدا ان كان في طول الرجلان او الراس المرايات تعتبر ممتازة بالنسبة طبعا للجين 2 و مجال الرؤية واضح جدا في التلت مرايات العدادات سهلة و مريحة و ليها طابع رياضي شوية و طبعا نفس لون الجين 2 البرتقالي هي و الكاسيت اول مادورت العربية المارش سلس و سهل و الصوت هادي . مارشدار و رجعت لورا مجال الرؤية من الشباك الخلفي جامد جدا و بدأ يظهر اول عيب دواسة البنزين صغيرة و علي الجنب اوي و الكونسول من تحت عريض فمخليها ضيقة شوية حركة الفيتيس سهلة و ناعمة وهو اوتوماتيك مع اول انطلاقة و الخروج علي الطريق فوجئت من الموتور استحالة ان هو يكون 1300 الاداء بتاعه عالي جدا و سلس و انطلاقه في رشاقة و قوة ملحوظة و اللي بيديله ده ان 94 حصان و خفة وزن العربية الكيك دون بيحول العربية من عربية اقتصادية صغيرة الي عربية سبق من حيث القوة و الاداء و الصوت انا وصلت بيها لغاية 90 كم و الاداء كان هايل بالنسبة للموتور و الاستجابة لدواسة البنزين سريعة حتي الاستجابة مع الفيتيس جيدة العفشة علي الرغم من ان الكاوتش بتاع العربية كان منفوخ بزيادة و لكن العفشة كانت جيدة و ادائها كويس من حيث النعومة هي مش ناعمة قوي و لكنها مقبولة و مريحة نظام التوجيه في استجابة عالية جدا و في المناورة و دخول المنحنيات اما عن الغرز فخد ت واحدة كده في السريع و تقديري انها حتبقي جامدة و متماسكة حتي لو الغرز جامدة و ده شئ كان متوقع من بروتون فرامل العربية استجابتها حلوة و فيها قوة و زي الجين 2 فيها جزء فراغ في الاول و لكن بطريقة مقبولة في المجمل انا شايف ان هي صفقة رابحة جدا من صفقات بروتون امكانيات عالية موتور و ثبات هايل جدا مساحة داخلية و شنطة كبيرة بالنسبة للحجم الخارجي اما عن العيوب فهي طبعا سعر اعادة البيع و توافر قطع الغيار و اسعارها و اامل ان في المستقبل الموضوع ده يتحسن العربية مناسبة للفئات (شباب اسري سيدات كبار السن)

[ahmed-alaa]

واتفضل ده كمان ده واحد اشتري العربية ودي ملحوظاته

المشاركة الأصلية كتبت بواسطة powerofhelll بسم الله الرحمن الرحيم اخيرا استلمت الساجا (اسود مانيول) بس علشان اكون عملت الي عليا العربيه 63900 جنيه اول حاجه تكون عامل حسابك و متفق علي نمر تجاريه تخدها معاك و انت رايح علشان دلوقتي في المرور مش بيفحصوا من غيرها ولا بياخدوا البصمه روحت التوكيل الساعه 9 صباحا مكان الفراع الرئيسي كيلو 1 طريق اسكندريه القاهره الزراعي بعد بنزينه موبيل بشويه صغيره هتلاقي علامة ستروين هو ده المكان مضوني علي اقرار استلام الافراج الجمركي و اقرار استلام السياره و طبعا لازم تشوف العربيه و تتطمن ان كل حاجه تمام قبل لما تستلم شيكت علي العربيه طبعا بصيت علي البويه كلها و الاكصدامات و فتح و غلق الابواب و تجربت قفل الاطفال و المرايات شغاله يمين و شمال و السنتر بيفتح و يقفل و الانزار شغال و الكراسي تمام فوق تحت و الرجوع و حزام الامان و نوره في العدادات والزجاج الكهربائي في الامام و العادي في الخلف والتكيف و المروحه و جميع اللمض في السياره الانتظار و الاشارات و النور العالي و الواطي و الفجات قدام و في الخلف و نور الصالون و الشنطه كمان انوار العدادات و فتح الشنطه و التانك و دور العربيه و شوف العربيه عامله كام كيلوالحمد لله (11كيلو) جرب المساحات و الكلاكس بعدين شغل الكاسيت بفضل كمان تكون عامل حسابك و جايب معاك اسطوانه الجنوط و الكاوتش و السينسور بارك الحاجات الي بتستلمها مع العربيه الدواسات شنطه العده (مفتاح ربط العجل - اريال السقف - شنكل القطر - زراديه - مفك - مفتاحين ربط كبير و صغير - مفتاح تاني تقريبا بتاع ربط الاستبن ) الاستبن و الكريك كتالوج العربيه كتالوج الكاسيت كتيب الظمان طبعا نسختين المفتاح (للاسف كان في مفتاح واحد و قالولي هيبعتوا يجيبوا التانيو طبعا كتبت ده في الاقرار) اهم حاجه الكود الي بيجي مع المفتاح ده تشيله في الخزنه في البيت علشان لو مفتاح ضاع تعرف تطلع عليه استلمت و توكلت علي الله طبعا مشغل ازاعة القران الكريم روحت المرور (ابيس) جبت ملف عربيه جديده من المبني الي فيه الخزنه 40 جنيه بعدين جيت طلب فحص و استمارة طفايه 16 جنيه اشتريت طفايه 121 (طبعا انسي لو في باقي لازم تقفله) تروح نختم الطفايه جبت الراجل بتاع البصمه هتلافيه لابس عفريته و ماسك قلم رصاص طويل جدا هيعمل البصمه و شوفه في 5 جنيه هتخش علي الفحص المهندس اركن العربيه في حته مش ملطش علشان انت عارف مهارات الشعب المصري وبعدين تدخل علي مكتب الترخيص الجديد هتلاقي موظفه قاعده مش طايقه نفسها و هتكتب شوية حجات علشان تجبها ركز في الحاجات علشان مش هتسمع حاجه و خطها بيبقي منيل الي انا فاكره و البنت الي عملتلي التامين قالتلي علي الباقي 2 صورة بطاقه 2 صوره طلب نمر و تدفع التامين الاجباري 225 جنبه للثلاث سنوات (ضرب علي القفا طبعا بس لابد منه) و ترجع للموظفه تاني هتاخد منك الملف و تهتقولك استنا لما تسمع اسمك طبعا انت و حظك (طبعا متستناش لما حظك اليوم في الجرنان يكتبلك هتخلص في ساعه) هتسمع اسمك هتديد و رقتين هتروح تدفع الضربيه علي الثلاث سنوات 773 جنيه ( طبعا متستناش الباقي برضوه ) هيديك صورتين من الايصال واحد ليك و التاني للموظفه و بعدين تروح مكتب اللوحات هتديها الورقه الثانيه هتختمهالك (طبعا متستعجلهاش) هترجع تاني عند الشباك للموظفه هتديها الايصال و الورقه الي اتختمه عند مكتب اللوحات شويه من عشر دقائق لنص ساعه برضوا انت و حظك هتديك و رقه تروح توديها في اخر المكان الي انت فيه الي بيطلعوا منه الرخصه ( طبعا متحاولش انك توصل للشباك اوصل لاقرب مكان و ادي الورقه للي قدامه هتوصل ) هتستنا تاني هتكون تعبت طبعا من كتر اللف شوف حته اقعد فيها قربيبه علشان هتسمع اسمك علشان تستلم الرخصه هتستلم الرخصه و تروح جري علي المكان الي جبت منه الملف في الاول و دفعت في الضريبه تجيب ايصال تركيب لوحات 8 جنيه (ضرب قفا برضوا) و تروح لمكان اسمه الخطاط هيكونوا بعتوا اللوح عليه هتديله الرخصه و الايصال و هيطلع النمره و يديك الرخصه تستنا شويه هينادي علي الرقم بتاع العربيه تكون انت في الشويه دي خرمت العربيه علشان تعلق النمر هتسمع النمره هتقول تمام يا فندم هيجي الباشا يركبلك النمره هتراضيه برضوا 5 جنيه و كده الف مبروك خلصت المرور ( طبعا لازم تكون راضي ابوك و امك علشان يدعولك تخلص في يوم واحد ) هتاخد العربيه و تروح تناااااااااااام لانك هتكون اتهديت نيجي بقي للانطباع عن العربيه انا معايا عربيه تانيه 505 بيجو انا حبتها 1300 علشان تبقي اقتصاديه و ترحمني من الركنه اكتشفت انك راكب عربيه عربيه الموتور قوي جدا بسم الله مشاء الله لا يقارن بالسيارات 1300 اطلاقا العربيه واسعه و مريحه جدا جدا و دي ميزه لم اجدها في سيارات اخري كتير جدا و خلي بالك ان انا بتكلم في الوسع و الراحه و انا راكبي عربيه كبيره اكيد معظمكم عارف و سع و راحت البيجو مكان المفاتيح و التحكم سهل جدا جدا الدبرياج مريح جدا و استجابه البنزين سريعه جدا بسم الله مشاء الله الفرامل ممتازه و اقصد ممتازه بمعني الكلمه افضل بكثير من (الانوس- الابترا - الافيو - الوجان - فيرنا - شاهين - ماتركس) مساحات الكنبه الخلفيه ممتازه انا برجع الكرسي بس مش للاخر يعني انا بكون مرتاح و الي في الخلف مرتاح جدا صديقي الي قعد في الخلف طوله 186 سم بالنسبه للتكيف مجربتهوش بصراحه الجو مش ناقص روحت فولت العربيه التانك 40 لتر هيا اخدت حوالي 32 الاجمالي 60 جنيه بنزين 92 العفشه بالنسبالي مش ناشفه اطلاقا انا مش بحس بالمطبات بالنسبه للعزل من جيد الي جيد جدا متنسوش اني برضوا راكب عربيه قديمه يعني لو قلت شبه ممتاز ابقي مش متحيز لحاجه السنسور بارك ممتاز انا بصراحه اول مره اجربيه و اكتشفت انوا بيجيب الرصيف كمان مش العربيه الي وراك بس طبعا بيشتغل مع الريفرس صوت الكاسيت جيد انا لسه مجربتهوش بجد المرايات ممتازه في تغطيه المساحات العربيه في التقيم من و جهت نظري بالنسبه للفئه السعريه و القيمه هي افضل سياره ممكن تقتنيها بالسعر ده و هي افضل من سيارات اخري اعلي سعرا طبعا كل ده انطباعات اولي و ليست اخيره اي استفسار انا جاهز و هايز رايكوا في اسم حلو كده للعربيه انا بفكر في بلاكي