عيوب ومميزات الجين 2 بالكامل

[shawky6]

منك للة على الكلام دة دى عربية وحشة جدا وفيها عيوب كتير وكفاية اوى انها ماليزى دا الكورى احسن منها دى البرتون دى عربيات فاشلة اتقى اللة فى كلامك وبلاش تضلل الناس .........

[fineart607]

المشاركة الأصلية كتبت بواسطة shawky6 منك للة على الكلام دة دى عربية وحشة جدا وفيها عيوب كتير وكفاية اوى انها ماليزى دا الكورى احسن منها دى البرتون دى عربيات فاشلة اتقى اللة فى كلامك وبلاش تضلل الناس .........

كلام يشهد الله عليه انا لست املك جين تو ولكن هناك 3 اصدقاء مقربيين يملكون جين 2 2008و2009و2010 فعلا بيشكروا فيها جدا جدا لدرجة انى ان شاء الله بفكر اجيبها باذن الله ممكن حضرتك توضح ما سبب هجومك على السيارة انا اتمنى تفاصيل
وكذلك معظم الشباب الى فى مدينتى يملكون جين 2
اخى

[ezzat2002mo]

السلام عليكم
العربيه جميله وتحفه وعمليه بس المشكله مش فيها المشكله فى توكيلها اللى مش مضبوط
وعن تجربه ابن عمتى معاه ساجا موديل السنه جابها زيرو فيها خبط فى الجنب الشمال قدام راح التوكيل الصبح من النجمه قاله تعالى خدها الساعه 4 العصر قاله ازاى وانا جاى ومفيش حد قاله طيب استنى شويه بعد مفيش ربع ساعه قاله احنا حلينا المشكله وغيرنا سيور وفلاتر وشويه حاجات كده وطلعنا جربنها كمان شوف كل ده فى المده دى يعنى بسرعه الصوت
من الاخر عاوزين 1200 جم تخيلوا الرقم وهيه فى الضمان وبعدين بعد الفصال 900 جم المهم طلع كانها هيه هيه مفيش حاجه اتعملت راح لعفشجى فى السويس قاله ده جلده عند مش عارف المقص ولا المساعد المهم من الاخر الموضوع كلفه 50 جم واتحلت .
مما سبق طبعا انا مش باقلل من العربيه بس قصدى ان الواحد مش بيحكم على العربيه نفسها بس لكن التوكيل كمان لان مش كل حاجه فى العربيه هاروح لميكانيكى او عفشجى برة لانها معقده الى حد ما ومشكله التوكيل ده فى معظم العربيات الجديده اسبيرانزا بى واى دى بروتون وجه اللى انا متابعه بس معظم اللى بيروح التوكيل بيقول الاتى :
1- اسلوب غير جيد فى المعامله .
2- ممكن لا يعطيك القطعه المستعمله يعنى متعرفش اتغيرت ام لا .
3- مغالاه فى الصيانه واسعارها
4- عدم ضبط المواعيد للدخول .
5- ممكن تدخل العربيه وتخرج والمشكله مااتحلتش
6- ممكن فى بعض الحالات ما تلاقيش قطعه غيار ويقولك كمان اسبوع .
7- الفصال وده انا عاوز افهمه المفروض كل حاجه محدده بدقه والعمل منظم .

بعد الكلام ده كله انا رايي الشخصى ان المشكله عندنا مش فى العربيات والمشكله مش فى العربيه صينى ولاهندى ولا منجاوى حتى المشكله فينا احنا كمصريين لا يوجد امانه فى التعامل عند البيع الدلع كله والامانه كلها والوقت كله متفرغ لك لكن عند حدوث مشكله البوز شبرين والعطله والقرف ويكون الاهتمام بالبيع اكثر من الاهتمام بخدمه بعد البيع وفى الحاله دى اقدر اقول اننا مش هنصنع عربيه ولا بعد 50 سنه الا بعدما نعدل سلوكياتنا (ودى عائده على اصحاب التوكيلات والقائمين عليها والقائمين على كل عمليات الاستيراد )
أسف للاطاله بس ده رايي الشخصى واتمنى ما يضايقش حد

[محمد اشرف]

موضوع رائع فعلا

[mhamdy75]