العودة   مصر موتورز مجتمع السيارات > السيارات الكورية والماليزية > Hyundai هيونداى > Hyundai Excel - اكسيل


إضافة رد
 
أدوات الموضوع
  #1  
قديم 21-08-2014, 12:05 AM
الصورة الرمزية sayed2077
sayed2077 sayed2077 غير متواجد حالياً

من انا؟: انا مش فارس ولا فتى احلام انا زحمة وربكه وشغل جنان
التخصص العملى: طالب هندسة قسم اتصالات
هواياتي: الكمبيوتر و السيارات
 
تاريخ التسجيل: Jul 2011
الموقع: القاهرة
المشاركات: 1,405
sayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond repute
مميز مشاكل تتميز بها الاكسيل وطرق حلها حصرى على مصر موتورز

السلام عليكم ورحمة الله وبركاته
النهارده هنتكلم على كام حاجه بخصوص الاكسيل
ممكن اكون متكلمتش عليهم قبل كدا فى المواضيع اللى كتبتها
مع انها من الحاجات اللى قابلتنا كلنا كملاك للاكسيل او حتى لو لسه حد ما قبلهاش فنسبه كبيره اوووى ممكن يقابلها مننا طوال فترة امتلاكه للعربيه
ملحوظه:المشاكل اللى هتقابلك فى الموضوع ده وحلولها لازم تنفذها بالملى حتى لو قولتلك ان مثلا عندك مشكله كذا وحلها انك تروح عند الصنايعى كذا لازم تبقى عارف ان الصنايعى ده من افضل الصنايعيه اللى هيحللك مشكلتلك ولو روحت عملت المشكله عند حد تانى ولقيت المشكله لسه موجوده يبقى لا تلوم الا نفسك لان اى مشكله لو مش سهله لازم بتمشى تبع خطوات حلها 1 2 3
نبداء
بسم الله الرحمن الرحيم
المشكله الاولى
(العربيه بتاكل بنزين )
من اكتر المشاكل اللى بسمعها من ملاك الاكسيل ان الحق عربيتى بتاكل بنزين ومش عارف اعمل ايه واحد يطلع يقوم يقوله انا اعرف واحد فى المكان الفلانى بيظبط كربراتير 100 100 ممكن فعلا الراجل ده يكون حلو وممكن يكون وحش لو طلع حلو يبقى خير وبركه طلع مش كويس تلاقى صاحب العربيه انا روحت ظبت كربراتير و لسه المشكله موجوده
علشان كدا انا هقولك تظبط عند مين وخليك عارف ان الناس ديه مش قرايبى ولا ليه منهم مصلحه ولا اى حاجه علشان برضو فيه ناس بتفكر
بطريقة دا هيبعتنى لحد يبقى عاوز يطلع مصلحه من ورايا وخلاص واعتقد ناس كتير اوووى من مصر موتورز الحمد لله يشهدو انى فعلا لما وديتهم للناس اللى نصحتهم بيهم كانوا فعلا افضل صنايعيه
نيجى بقى نشوف حل المشكله
لو لقيت عربيتك بتاكل بنزين يبقى لازم تعرف ان فيه بعض خطوات لازم هتمشيها ولازم تعملها كلها علشان تكون متأكد انك كدا قفلت موضوع اكل البنزين تماما
1:هتظبط كربراتير ممكن تيجيلى المعادى اظبطلك الكربراتير بتاعك وده رقمى 01007490168

2:تروح عند محمد حماصه لظبط التاكيهات بفم الخليج
عنوانه : الكوبرى اللى فى فم الخليج اللى بيوديك لمستشفى 57 قبل ما تطلعه هتلاقى صف عربيات فاتح كابوتها وبيظبط تاكيهات عنده
لو عملت الخطوتين دووول يبقى انت كدا ضمنت باذن الله ان سواء الخليط الهوا والبنزين اللى داخل للماتور او الكمية اللى داخله كلها مظبوطه تمام
تجرب بقى عربيتك بنسبه 99% هتلاقى عربيتك بقت تشم البنزين اساسا
طب فيه ناس هتقولك انا لسه المشكله موجوده عندى ولسه العربيه بتاكل بنزين
يبقى وقتها هتعمل الخطوه رقم 3
3:غير البوجيهات وسلك البوجيهات ولازم تغير الاتنين مع بعض لو لسلك البوجيهات عندك بقاله اكتر من سنتين
طب لسه العربيه بتاكل بنزين يبقى تروح للخطوه رقم 4
4:غير الموبينه بموبينه اصلى او موبينه ماركة DENSO واوعى تجيب موبينه صينى نهائيا ولازم تجيب الموبينه ويكون فيها المقاومه بتاعتها و تركبلها كوندنسر

طب واحد تالت يجى يقول لسه العربيه بتاكل بنزين
كده بقى يبقى طريقة سواقتك هى اللى غلط اصلا وتلاقيك بتأمرك
وبتعمل خمسات وبتعدى ال 120 و مشغل التكيف 24 ساعه و دايما بتطلع بالعربيه بسرعه ومقضيها ده علشان انت غنى :D ومش هامك البنزين
يبقى متشتكيش ان العربيه بتاكل بنزين :D

(فبرة الدنجل )
ناس كتير بتكلمنى تقولى لو سمحت عاوز اشترى دنجل فبيقوله ليه
فبيقولى ان الفبره بتاعت الدنجل باظت
فبقوله علشان فبره هتغير دنجل كامل
الحل كالاتى
1:تروح لمدحت الباشا العفشجى بمنيل شيحه انت بس قوله انا فبرة الدنجل عندى بايظه وعاوز اغيرها هتلاقيه هو وانت قاعد على الكرسى وحاطط رجل على رجل خلى الصنايعيه بتوعه فكوا الدنجل وطلعوا الفبره القديمه وعملوا ليه واحده جديده تماما وركبوها تانى والدنجل رجع اشتغل جديد من تانى ومدحت الباشا معروف برخص اسعاره وبجوده شغله العاليه
جداااااااااااا
طب واحد يجى يقولى انا العفشجى بتاعى قالى اغيرلك الفبره هقوله روح اعملها عنده براحتك بس انا غير مسئول نهائيا لو باظت منك بعد فتره قصيره ومتجيش ساعتها تقول ده فبرة الدنجل ما بتتصلحش وكده رميت فلوسى على الارض انا قولتلك الوحيد اللى اثق فيه انه يعملك الشغل مدحت الباشا فقط لاغير يبقى مدحت الباشا
ملحوظه : هبقى اكتب العنوان تحت ان شاء الله ورقم التليفون

(الرفرف لما حد بيسند عليه بيخش لجوه )
الموضوع ده قابل 99% من ملاك الاكسيل او هيقابلهم
وطبعا بيخلى شكل العربيه وحش جددداااااا و بيخلى الباب يفتح بصعوبه
وبتبقى كرهت العربيه بسببه
الحل
1:تروح للسمكرى تخليه يعملك تقويه للرفارف من جوه ومستحيل بعد كدا
هتلاقى الرفرف دخل جوه تانى الا لو السمكرى معملوش حلو
ساعتها خد قرايبك وروحوا دغدغوله المحل :D

(العربيه الشاسيه بتاعها بيشرخ )
طبعا 90% من الاكسيل اللى شوفتها لقيت الشاسيه بتاعها مشرخ
طبعا ده على قد ما انه غير موثر بس بصراحه شكلها بيخليك تخاف من العربيه وبتبعد عنها لو هتشتريها
طب واحد يقولى ايه الحل ؟؟
ارد عليه واقوله
1:هتروح اول حاجه لمدحت الباشا العفشجى فى منيل شيحه يكشفلك على العفشه كامله وهتغير كل اللى يقولك عليه بايظ
2:اول ما تخلص موضوع العفشه على طول تطلع على طول على السمكى بتاعك وتخليه يعملك شدادا من تحت العربيه بيمسكلك المقص اليمين بالمقص الشمال
طب انت خلاص عملت الحلين دوول
يبقى انسى ان الشرخ باذن الله يجيلك تانى حتى لو اكلت كام مطب تقال
طب واحد يجى يقولى انا كان عندى شرخ كدا كدا اعمل ايه
هقوله اعمل الخطوتين اللى قولتهم فوق وعلى الاقل هتبقى ضامن باذن الله ان الشرخ عندك مش هيوسع اكتر من كدا

(التكيف باظ وعاوز يتصلح )
ناس كتير برضو الاقيها بتكلمنى وتقولى ان الكمبريسور بتاع التكيف قفش وعاوزين كمبريسور جديد تفضل تتحايل عليهم ان نصيحه وفروا فلوسكم
وبدل ما تجيبوا كمبريسور ويقفش منكم بعد شهر تانى
لا اعملوا الاتى
1:هتروح لاحمد حنفى محفوظ بالمعادى تخصص كهربا وتكيف
وتخليه يحولك عربيتك من نظام التكيف القديم الى النظام اليبانى زى بتاع الفيرنا بالظبط والتكلفه هتكون فى حدود 2000 جنيه
وصدقنى بال 2000 جنيه دول هترحم نفسك بمعنى الكلمه وهتوفر على نفسك كل شويه هتجيب كمبريسور غير حق شحن الفريون غير المصنعيه
فيه ناس تيجى تكلمنى واقوله نصيحه لو حتى مش معاك ال 2000 جنيه حوشهم وزود عليهم فلوس ولما تجمعهم روح واعمل التكيف زى ما بقولك
الاقيه يحسسنى انى بضحك عليه وكأنى هاخد التكيف اركبه فى عربيتى
ويقولى لا انا هجيب الكمبريسور بتاعها وهركبه عليها والاقيه بعد شهر بيتصل بيا ويقولى الكمبريسور قفش وادينى رقم الراجل اللى قولتلى عليه
طب ما كان من الاول ياعم الحج ليه العناد

ارقام الصنايعيه وعناوينهم اللى انصح بالتعامل معاهم

كما ذكرت فى حل المشاكل اللى فوق





كربراتير
الاسم: سيد عصام (العبد لله)
العنوان :ش12 مكرر المعادى بجوار مدرسة مصطفى كامل الابتدائى
التليفون :01007490168

كهربا وتكيف
طبعا الغنى عن التعريف
الاسطى : احمد حنفى محفوظ
تليفون:01065020100
العنوان : شارع التعاون بجوار مكتب صحة المعادى قريبا من ميدان سوارس وشارع 77 ونادى المعادى وقريبا من مترو المعادى

ميكانيكا
الاسطى :محمود حامد
تليفون: 01096700145
العنوان نفس عنوان الاسطى احمد حنفى بس الشارع اللى وراه على طول وممكن الاسطى احمد خنفى يوصفهولك او اتصل برقمه يوصفلك الطريق اكثر

عفشه
طبعا فى العفشه فلا منافس مع الاسطورة بمعنى الكلمه
الاسطى :محدحت الباشا
تليفون : 01001514998
العنوان منيل شيحه على الطريق الرئيسى اسئل اى ميكانيكى على الطريق فين مركز مدحت الباشا للعفشه و الف مين هيدلك عليه بس اهم حاجه تروح بدرى من الساعه 9 الصبح علشان تلحق مكان علشان متستناش كتير لانه المركز بيشيل حوالى 20 سياره فقط لا غير وهتروح تلاقى طابور اطول من طابور البنزين وناس هتلاقيها واقفه من الفجر اقف فى الطابور ده

ابواب و كالون وتعديل كل ما يوجد به باب فى السيارة

الرجل الاكثر من رائع وادعوا له بالشفاء
الاسطى :محمد كالون
العنوان :حدائق المعادى شارع حسنين دوسقى امام سايبر ماتريكس (ممكن لو روحت عند الاسطى احمد حنفى هو هيوصفلك طريقه لانه وراه بشارعين بالظبط )




وارجوا منكم الدعاء الى الله عز وجل لى بان يبارك لى ويرزقنى رزقا حلال وان يرزقنى الزوجه الصالحه والذريه الصالحه

والدعاء: بالمغفره لاموات واحياء المسلمين والمؤمنين

اللهم اغفر للمسلمين والمسلمات والمؤمنين والمؤمنات الاحياء منهم والاموات اللهم امين

و

السلام عليكم ورحمة الله وبركاته
__________________

جروب رابطه هيونداى اكسيل على
Facebook
اضغط هنا
-------------------------
للبيع قطع غيار السيارة هيونداى اكسيل
وكل السيارات الكورى
اضغط هنا
--------------------------
سبحان الله وبحمده سبحان الله العظيم
اللهم اغفر للمؤمنين والمؤمنات والمسلمين والمسلمات الاحياء منهم والاموات

سيد عصام

التعديل الأخير تم بواسطة sayed2077 ; 11-04-2015 الساعة 12:34 AM
رد مع اقتباس
  #2  
قديم 21-08-2014, 08:47 AM
maahab maahab غير متواجد حالياً
 
تاريخ التسجيل: Mar 2013
المشاركات: 2
maahab is on a distinguished road
افتراضي رد: مشاكل تتميز بها الاكسيل وطرق حلها حصرى على مصر موتورز

جزاك الله خيرا كثييييييييييييييييييييييي ييييييييييرا يا باشا على المجهود الراااااااااائع
ومنور الجروب على الفيس ...
رد مع اقتباس
  #3  
قديم 21-08-2014, 01:03 PM
الصورة الرمزية ahmed_eng2001
ahmed_eng2001 ahmed_eng2001 غير متواجد حالياً
 
تاريخ التسجيل: Jun 2008
المشاركات: 2,509
ahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond repute
افتراضي رد: مشاكل تتميز بها الاكسيل وطرق حلها حصرى على مصر موتورز

ربنا يباركلك و يديك على قد ما بتساعد الناس

انا جربت الاسطى احمد حنفى بتاع التكييف ... صنايعى كويس ... بس انا فضلت ادور عليه نصف ساعة ... من جوة المعادى

ايه هى فبرة الدنجل دى ؟؟
__________________

رد مع اقتباس
  #4  
قديم 26-08-2014, 12:21 PM
medo_001 medo_001 غير متواجد حالياً
 
تاريخ التسجيل: May 2011
المشاركات: 3
medo_001 is on a distinguished road
افتراضي رد: مشاكل تتميز بها الاكسيل وطرق حلها حصرى على مصر موتورز

موضوع اسطووووووووووري من شخص اسطوووووووووووووري
جزاك اللــــــــــــــه خيرا
انا كلمتك من كام يوم بخصوص الدنجل وقولتلي روح لمدحت باشا عشان يغير فبره الدنجل بس انته عارف المنصورة للقاهرة مشوار
عملتها عند واحد عفشجي برده محترم في المنصورة وظبطها في المخرطه
الحمد لله الصوت راح
ادعيلي متتعملش تاني لو عملت هروح علي مدحت باشا
بس ظهرلي مشكله في الدنجل السوسته راكبه علي قاعده ولحده سليمه والتانيه واكلها البرومه من النص الواحد خايف البرومه تاكل القاعده كلها والسوسته تتفك من مكانها
بارك الله فيك الواحد بيستفاد من موضوعاتك في المنتدي وخلتني احول الدروكسيون من عاده الي باور بصراحه الفرق شاسع جداااااااا
وبارك الله فيك مره ثانيه
رد مع اقتباس
  #5  
قديم 31-12-2014, 12:22 AM
اكسيلاوى اكسيلاوى غير متواجد حالياً
 
تاريخ التسجيل: Dec 2014
المشاركات: 1
اكسيلاوى is on a distinguished road
افتراضي رد: مشاكل تتميز بها الاكسيل وطرق حلها حصرى على مصر موتورز

جزاك الله كل خير ياباشا بس المشكله انى ساكن فى اسكندريه يعنى كل الناس اللى قولت عليها دى مش هعرف اروحلها فاايه الحل؟؟\
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:22 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017