|
#1
16-07-2013, 03:09 AM
|
||||
|
||||
تجربتى مع عمل نصف عمرة للاكسيل وشكر خاص لاستاذ تامر الشافعى لقطع الغيار الاستيراد
السلام عليكم ورحمة الله وبركاته
كنت عملت موضوع من شهر يناير 2013 اللى فات عن تغير جوان وش السلندر اللى بيسرب مايه على زيت وبيسرب مايه داخل السلندرات وساعتها فاكينا الماتور وغيرنا جوان وش السلندر ولكن يشاء المولى انه بعد تغير جوان وش السلندر ان الماتور يبقى خفيف وده لانى كان بيبقى فى زيت العربيه مايه وانا مشيت عليها بتاع 30 كيلو فطبعا من اللى حصل ده الشنابر بتاعت العربيه اتئذت والماتور بقى بياكل زيت كتير وبصراحه انا محبش تبقى العربيه بتاكل زيت نهائيا فقولت لما ربنا يسهل واخلص امتحانات ابقى اعمل العربيه المهم جيت من حوالى اربع ايام الحمد لله ربنا سهلها قولت انزل اعمل الماتور بقى روحت عند الاسطى محمد الميكانيكى انا بعتبره متخصص عمرات اصلا وعلى فكره الاسطى محمد الميكانيكى يبقى اخو الاسطى احمد حنفى محفوظ اللى اشهر من نار على علم فى المنتدى فى صيانه تكيف وكهرباء السيارات وممكن حضراتكم تدخلوا اقسام التكيف وتشوفوا الاعضاء اللى راحوا واتعاملوا معاه وبصراحه الاسطى محمد فى الميكانيكا ميتخيرش عن الاسطى احمد فى التكيف والكهربا المهم روحت عند الاسطى محمد فكينا الماتور وروحت اشتريت الاتى 1:طقم شنبر NPA يبانى بتاع اللانسر بطه ب 150 2:طقم جونات كورى (علبها فيها كل جوانات الماتور اى جوانات تتخيلها هتلاقيها سواء جوان وش السلندر او اى حاجه تتخليلها من جوانات الماتور والمنفول و العادم والشكمان و جلود صبابات كل كل حاجه يعنى تتخيلها انت مش هتشترى اى جوانات اصلا العلبه ديه فيها جوانات كتير وكفايه) ب 120 3:طقم سبيكه (بيلات + كرنك ) ب 150 4:فرش شنبر ب 5 5:فلتر زيت هيونداى اصلى ب 20 6:جركن زيت التعاون 1000 كيلو ب 55 وبعدين الاسطى محمد كان فك وش السلندر ولقينا عمود تاكيهات مكسور وطبعا مفيش حد كان عنده خالص وكان فيه كام تاجر استيراد عندهم وكانوا بيتكلموا فى 300 و 350 وطبعا انا لو الماتور مكنش هيشتغل اصلا بسبب العمود ده مكنتش هشتريه بالسعر ده لانه اوووفر اوووى امال وش السلندر بكام بقى وبصراحه دوخت عليه جدااا لغاية ما لقيته عند ا/تامر الشافعى لقطع غيار الاستيراد الكورى واليبانى بصقر قريش وبصراحه راجل محترم جداااا وحسبه ليا ب 130 جنية وانا مكنتش مصدق نفسى اصلا وفك عمود التاكيهات ده من ماتور قدامى واداهونى وبصراحه قمه الذوق والاحترام فى التعامل ربنا يباركله بجد ومغلاش عليا زى التجار اللى اتصلت بيهم علشان عارفين انها بضاعه قليله وعلى فكره العمود ده عيب شائع فى الاكسيل والاكسنت لان المناطق اللى بيتكسر فيها بتبقى ضعيفه جدااا وديه صورة العمود اللى اتكسر وهتشوفوا المنطقه اللى اتكسر فيها  ورحت وديت وش السلندر عند الخراط واخد مصنعية 200 جنية وعمل روديه ودلايل وتنضيف واللذى منه للوش وطبعا عقبال ما الوش خلص كان الاسطى محمد مركب البساتم والماتور نضف بسم الله ماشاء الله وجبنا الوش من هنا والعمود من هنا وجمع الوش تانى وفتحنا علبة الجوانات بقى وغيرنا كل جوانات الماتور كلها مفيش حاجه مغيرناهاش والماتور ركب تانى ووصل كل الوصلات والردايتير و حط الزيت وكل حاجه وبعدين سيبنا العربيه تليين لغاية ما اخدت حقها فى التلين واخدتها امبارح بليل وطلعت على الدائرى وخدتها شوية تليين وقريب هروحله ان شاء الله نظبط تاكيهات و نربط على الوش تانى يبقى كده المصاريف اللى صرفناها كالتالى :طقم شنبر NPA يبانى ب 150 2:طقم جونات كورى ب 120 3:طقم سبيكه (بيلات + كرنك ) ب 150 4:فرش شنبر ب 5 5:فلتر زيت هيونداى اصلى ب 20 6:جركن زيت التعاون 1000 كيلو ب 55 7:عمود التكيهات ب 130 8:مصنعية خراط 200 9:مصنعية الاسطى محمد (الميكانيكى ) 250 يبقى كله 1080 جنية ونقول 20 جنية مصاريف نثريه يبقى كله كله 1100 جنية وادعولى ربنا يباركلى فى العربيه ان شاء الله وبجد شكر مره تانية للاسطى محمد حنفى الميكانيكى و استاذ تامر الشافعى لقطع غيار الكورى واليبانى بصقر قريش فى المعادى وبياناته كالتالى أ:تامر الشافعى لقطع غيار الاستيراد (كورى ويبانى ) تليفون: 01221089751//01146637788 العنوان :85 صقر قريش - المعادى الجديده - بجوار مركز تويوتا بيانات الاسطى محمد حنفى محفوظ الميكانيكى الاسم :محمد حنفى محفوظ العنوان :شارع التضامن بالمعادى بجوار مكتب صحة المعادى (نفس ورشة الاسطى احمد للكهربا والتكيف ) التليفون :01005252878 وانتظروا قريبا تظبيط العفشه و التكيف ان شاء الله وربنا يسهل و السلام عليكم ورحمة الله وبركاته
__________________
التعديل الأخير تم بواسطة sayed2077 ; 11-04-2015 الساعة 12:37 AM 
|
|
#2
16-07-2013, 04:47 AM
|
||||
|
||||
رد: تجربتى مع عمل نصف عمرة للاكسيل وشكر خاص لاستاذ تامر الشافعى لقطع الغيار الاستيراد
مانت لو تعدى عليا وانت رايح ولا وانت جاى
كنت باركت لك عيني عينك 
__________________
دموع القلب .محمد هازي دموع القلب نازفة ... دمِ ودمعِ وأهاااات وأشجـــــــانبالأمس كنت إلى الإحسان تدفعنا ...حتى صرنا جميعاً أهلِ وخلانِ لا لن أصدق ما قد بث من خبرِ... العقل ينكره والقلب حيران كل المصائب قد تنسى وإن عظمت ... إلا فراقك يبقى دون نسيان أما رأيت دموع الحزن موقدة ...في العين دمعِ وفي الأحشاءِ نيرانِ واليوم أنت تقول إنك راحلٌ كلا ......... ذكراك تبقى عالقة في القلب والوجدان فإذا ماطال العمر سأتذكرٌ أخاً ...فالذكرى أحلى علاج الصبر والنسيان[/B] انتقل إلى رحمة الله تعالى اعز أصدقائي اللهم ارحمه واغفر له و صبر اهله يارب ارزقنا حسن الخاتمة مثله يااااارب 
|
|
#3
16-07-2013, 05:10 AM
|
||||
|
||||
رد: تجربتى مع عمل نصف عمرة للاكسيل وشكر خاص لاستاذ تامر الشافعى لقطع الغيار الاستيراد
هههههههه حبيبى والله يا استاذ محمد
ووالله العظيم حضرتك واحشنى جدااااا وخلاص حدد يوم واجيبلك اكل بيتى من اللى قلبك يحبه ونفطر مع بعض وبكره ان شاء الله هعدى واتمنى اشوف حضرتك وانا عند كلامى حضرتك حدد اليوم وانا عليا الفطار ونفطر سوا ولو مش عاوز تفطر فى الشارع اختار البيت اللى يعجبك سواء بيت المعادى او بيت دار السلام وتشرفنا فيه ونفطر سوا برضوا وعلى فكره البيتين يعتبروا على الكورنيش علشان ميبقاش عندك حجه بقى 
__________________
|
 |
|
|
