سؤال عن تعقيم الادوات فى عيادة الاسنان

[miam0502788391]

المشاركة الأصلية كتبت بواسطة lost2008 يعنى المفروض ان الاجهزة ديه تكون متوفرة فى اى عيادة اسنان؟,,, و هل بتقضى برضة على فيروس نقص المناعه و العياذ بالله؟

ايوه المفروض انها تبقى كلها متوفرة او على الأقل جهاز الأتوكلاف ومن ناحية بتقضى على فيروس نقص المناعة ايوه هى بتقضى عليه وعلى كل الفيروسات
وعشان اطمنك المشكلة مش فى تعقيم الفيروسات بل فى تعقيم نوع البكتريا المتحوصله اللى المفروض تتعقم عند ضغط ودرجة حرارة عالية وده بيحققه الأتوكلاف
فيه حاجه كمان فى عيادات الأسنان او عيادات الأطباء عامة ,ان اللى بيقوم بالتعقيم بتكون السكرتيرة او الممرضة اللى فى العيادة ودى لازم تكون عارفة كويس اوى خطوات التعقيم وازاى تعقم كل الة على حدة وازاى تحفظها بعد التعقيم من الميكروبات الخارجية لأن لو استسهلت او طنشت خطوة من دول يعتبر التعقيم بايظ والدكتور الشاطر هو اللى بيعلم مساعديه كل حاجة عن التعقيم لحد ما يطمن انهم بقوا ثقة ويقدروا يعملوا ده بأنفسهم

[wawa_07]

على حد معلوماتى ان اختر وسيلة لنقل فيروس سى هو دكتور الاسنان ليه بقى لان كل عياده دكتور فيها غلايه للتعقيم وليس فرن وللاسف الغلايه مش بتوصل لدرجة الحراره المطلوبه لقتل فيروس سى اما التعقيم الصح بيبقى فى افران مخصص ودى تكلفتها عليه وبتبقى فى المستشفيات وانا انصح اى حد عاوز يروح لدكتور اسنان يروح مستشفى ولي عياده ده اضمن

[lost2008]

ربنا يستر, بجد المفروض يكون فيه رقابة صارمة على الموضوع ده,, بس مدام وزارة الصحة فى الحالة المزرية الى فيها دلوقتى يبقى بخخخخخخخ على موضوع الرقابة ده,,

[ahmedsalem124]

السلام عليكم
اولا اشكر الاخ صاح الموضوع على الطرح لان الموضوع ده عاملى مشكلة انا شخصيا
عندى ضرس محتاج اخلعة من زمان
وخايف اروح عيادة اسنان لأنى عرف ان العيادات عندنا مش بتستخدم اجهزة تعقيم معتمدة ومطابقة للمواصفات العالميه
يعنى تلاقية جايب فرن صغير يشبة الميكروويف وبيستخدمه للتعقيم
وخلاص وهو مافيش حد من المرضى فاهم حاجه
انا زمان كنت فى ليبيا و شفت عندهم عيادة الاسنان لاتحصل على ترخيص مزاولة المهنه الا لما تجيب جهاز التعقيم المطابق للمواصفات
وكمان فى حملات هناك بأستمرار على العيادات غير ان الاطباء اغلبهم بيغسل الادوات قبل التعقيم بالكلور والله ده اا شفته بنفسى هناك
وفعلا نفسى الاقى عيادة كويسه اخلع فيها ضرسى
غير بقى المصيبه الكبيره مره زمان روحت لدكتورة اسنان فى المقطم وهى بتكشف عليا كان الكم بتاع ابالطو بتاعها كله دم من المريض اللى قبلى وكنت شامم ريحه زى الزفت
لدرجة انى ماكملتش الكشف ومشيت
لازم يكون عند الناس وعى بالاجات دى لان وزارة الصحة عندنا مش بتقوم بدورها
وعلى فكرة فيروسات الكبد الخطيرة بتنتقل عن طريق الحلاقين كمان

واخيرا لو حد يعرف عيادة كويسه والدكتور عنده ضمير يقولى

[lost2008]

المشاركة الأصلية كتبت بواسطة ahmedsalem124 السلام عليكم اولا اشكر الاخ صاح الموضوع على الطرح لان الموضوع ده عاملى مشكلة انا شخصيا عندى ضرس محتاج اخلعة من زمان وخايف اروح عيادة اسنان لأنى عرف ان العيادات عندنا مش بتستخدم اجهزة تعقيم معتمدة ومطابقة للمواصفات العالميه يعنى تلاقية جايب فرن صغير يشبة الميكروويف وبيستخدمه للتعقيم وخلاص وهو مافيش حد من المرضى فاهم حاجه انا زمان كنت فى ليبيا و شفت عندهم عيادة الاسنان لاتحصل على ترخيص مزاولة المهنه الا لما تجيب جهاز التعقيم المطابق للمواصفات وكمان فى حملات هناك بأستمرار على العيادات غير ان الاطباء اغلبهم بيغسل الادوات قبل التعقيم بالكلور والله ده اا شفته بنفسى هناك وفعلا نفسى الاقى عيادة كويسه اخلع فيها ضرسى غير بقى المصيبه الكبيره مره زمان روحت لدكتورة اسنان فى المقطم وهى بتكشف عليا كان الكم بتاع ابالطو بتاعها كله دم من المريض اللى قبلى وكنت شامم ريحه زى الزفت لدرجة انى ماكملتش الكشف ومشيت لازم يكون عند الناس وعى بالاجات دى لان وزارة الصحة عندنا مش بتقوم بدورها وعلى فكرة فيروسات الكبد الخطيرة بتنتقل عن طريق الحلاقين كمان واخيرا لو حد يعرف عيادة كويسه والدكتور عنده ضمير يقولى

انا بأيد راى حضرتك بخصوص ان يكون شرط لترخيص العيادة وجود اجهزة التعقيم المطابقة للمواصفات لان فعلا الموضوع ده خطير جدا و ربنا يحفظ الجميع.