عربيتى بى ام يا بشوات ومعرفش ابتدى بأيه برجاء الجدية

[mohamedhabib]

السلام عليكم ورحمة الله

انا لسه شارى العربية Bmw model 82 316 سبور
بتواجهنى اعطال بس الحمد لله تحت السيطرة
الرجاء الافادة من حيث انى يعنى مفهمش بوجه الخصوص
ولاكن استطيع النقاش بوجه عام
برجاء الرد لأن الموضوع فى غاية الاهمية
عربيتى الاولى بقى ونفسى اعمل حاجة روشة فى حدود 5- 7 الاف كده
طبعا لازم اقول المواصفات واليكم الاتى
السيارة موديل 82 316
موتور 1700 سى سى
حالة فابريكة دواخل نص لبه بس اوكى
العربية من وجهة نظرى تحتاج الى تظبيط شوية
موتور السيارة الاصلى والاساسيات كاملة ولله الحمد

كل ما احتاج اليه بعض الاساسات اللى ابنى عليها سيارة تواكب العصر
شوية
معلش انا هتعبكم معايا بس اعمل ايه مبتدأ ومحتاج المساعدة يا احبائى وشكرا
الى اللقاء

[bmkbmk]

من غير تفكير كتير يا باشا
اهم حاجة انك تظبط المشاكل الموجودة فى العربية و تحاول تظبطها من جوة على قد ما تقدر لأنك بتقول الدواخل مش اللى هى ....
ده اهم بكتير من اى روشنة تتعمل فى العربية
و ألف مبروك عليك يا باشا

[Bahi]

1- أساسيات الأمان على الطريق (كاوتش - فرامل) علشان ربنا يمد فى عمرك وتستمتع بالعربيات الأحدث اللى حتشتريها فى المستقبل
2- أساسيات العربية (موتور - عفشة) علشان العربية تتحرك ومتضظرش كل شوية ترميها فى كل حتة أو تسيبها مركونة تحت البيت
3- أساسيات رفاهية القيادة (كاسيت - سماعات - DVD) علشان نص وقتك حتقضية جواها ولازم تدلع نفسك
4- أى حاجة تانية لو فضل معاك فلوس

ربنا يباركلك فيها ويكفيك شرها.

[ابن فنان]

ألف شكر يا باشا

[amrmohamed1975]

استاذ محمد الف مبروك العربية و ربنا يديك خيرها و يكفيك شرها و طبعا زي ما الاستاذ هشام قال لك ابتدي باللاساسيات اول و بعد كده الكماليات و ربنا يوفقك