|
#41
31-10-2010, 02:01 AM
|
||||
|
||||
رد: شويه اسئله علي عفشه الكريستاله
انا جبتها شهر 1 - 2010
جبتها ب50 الف غاليه صحيح بس كانت حاله نضيفه موديل 2000 كامله مانيوال glx 160000 وعامله دلوقتي معايا 175000 مشاكل شفتها منها والله دي تاني مشكله اقابلها منها من ساعه ما جبتها اول مشكله كانت من طرمبه الميه في رمضان باظت مره واحده والعربيه سخنت جامد وكان يوم جبتها ب135 جنيه وغيرتها وتاني مشكله كانت مشكله الطقطقه والكلام ده وطولت معايا شويه واتضح بعدها انها بارات واتياش واللي عرفت بعدها انه عيب فيها واغلب صحابي كله ماشي بيطقطق غير كده ولا الهوا مشكلتي اني مبطيقش عليها الهوا ولازم يتعمل في ساعتها ولاني مش ناوي اغير خالص وان الكريستاله كانت حلم حياتي من وانا عندي 12 سنه تقريبا اول ما نزلت وكان جارنا جايبها جديده وكانت فيراني بردو وانا حبيتها منه كانت نضيفه علي طول ومتجنطه وحلوه اوي اوي وكان مدلعها دلع علي حق ربنا ولانها دلوقتي بقت عربيتي واوول عربيه املكها في حياتي فليها عندي معزه خاصه جدا وصعب اوي اني افرط فيها بحب فيها ان قطع غيارها رخيصه اوي ومتوفره اوي ونفسي ربنا يقدرني واجنطها واغير العفشه اخليها ميراج واسقط موتور 1600 واغير الشنطه اخليها ميراج واركب فوانيس متعدله ورا ليدات وقدام رينجات سمووك وتخش فرن دهان من اول وجديد واجيب 2 اكصدام جداد واركب فوانيس شبوره بزينون بس ده اللي نفسي اعمله فيها كله اعتقد بعد كده ممكن انام جواها ومتطلعش بيتنا تاني وانا ماشي في الموضوع واحده واحده اهو وان شاء الله اظبط نفسي عشان كده اما بقولك نفسي اجنط 15 ده حلم من احلامي العربيه دي ليها صوره في خيالي كده مش عارف افارقها تصدق انا من ساعه ما عملت الموضوع هنا وانا ماشي في الشارع ببص علي اي كريستاله متجنطه في الشارع وابص عالكاوتش اشوفه مركب مقاس ايه وامبارح وانا في التوفيقيه كان فيه سايس جراج حيضربني عشان لقيت كريستاله واقفه ومتجنطه جنط جامد اوي اوي وكنت عاز اصورها واخد مقاس الكاوتش فعمال اقرب منها اوي وده عمال يقول مين العبيط ده واما طولت ولقيته حيتكلم مشيت  ياريت ياحازم باشا نعمل مقابله كريستاله ونتصور ونتبادل الخبرات انا عملتها بيني وبينك بس هناك مش هنا وان شاء الله اتعرف علي الناس الحلوه اللي هنا دايما تلاقي في كل منتدي ناس تحببك في المنتدي
__________________
my mitsubishi love 4 ever  
|
|
#42
05-11-2010, 12:04 AM
|
||||
|
||||
|
رد: شويه اسئله علي عفشه الكريستاله
الحمد لله خلصت مشكله العفشه
اشتريت طقم بارات واتياش وتيل فرامل وبطاحات واربع مساعدين kyb وظبطت الاداء والحمد لله كله تمام وزي الفل يتبقي لنا ان شاء الله الجنوط والكاوتش ادعولي قلبي يطاوعني واركب ال14 ده مش عارف حاسس اني في اخر لحظه حروح قايله هات 15 مش متخيل اني بدفع الفلوس دي كلها وفي الاخر بعمل حاجه انا مش عاوزها افرح ياحاززززززززززززززززززززز ززززززززززم
__________________
my mitsubishi love 4 ever
|
|
#43
05-11-2010, 01:17 AM
|
||||
|
||||
|
رد: شويه اسئله علي عفشه الكريستاله
استني هنا انت بتقلب ولا ايه
مش تقول جبت جديد ولا استعمال و جبت الحاجات بكام و منين ايه المشاركه النص كم دي (بهزر معاك ما تزعلش)قبل ما تركب بقي علشان ترتاح من صوت الطقطه حقولك علي حل لما العفشجي يفك اليايات خليه يحط قطع خراطيم في بدايه و نهايه الياي كل قطعه 10 سم علشان تعمل عازل بين جسم العربهي و الياي و ما تسمعش الاصوات دي تاني الصوت دا كان مضايقني و لما غيرت المساعدين العفشجي بتاعي عمل كده و الصوت اختفي لان اليايات اصلا بينزل فيها حاجه زي دي بس مع الزمن بتتآكل
__________________
حـازم خـضـر
|
|
#44
05-11-2010, 06:24 AM
|
||||
|
||||
|
رد: شويه اسئله علي عفشه الكريستاله
حاااااااااااااضر يافندم
جندي مجند وهدان محمد الجهيني عدد 2 مساعد خلفي kyb السعر 385 عدد 2 مساعد امامي kyb السعر 575 عدد 1طقم بارات واتياش دركيسون 555 ياباني السعر 325 عدد 1 تيل فرامل ياباني السعر 60 جنيه عدد 2 بطاحه مساعد امامي السعر 120 جنيه عدد 2 جلبه بطاحه امامي السعر 60 جنيه عدد 8 كاوتش ميزان السعر 16 جنيه 2 جنيه للواحده عدد 4 كاوتش تراب مساعدين هيا دي الخراطيم اللي انتا بتقول عليها السعر 100 جنيه (اهبل واضحك عليا الطقم عامل 30 جنيه بس عاوز لف شويه ) عدد 2 كاوتش بيانو السعر 25 جنيه جميع الحاجات من عند الزقازيقي شارع التوفيقيه عدا كاوتش التراب جبته من عند واحد جمبه وباعهم بالسعر ده عشان هوا الوحيد الي كان عنده ساعتها الكاوتش الرخيص موجود عند واحد جمب محمد ابراهيم بتاع المسامير بس مش فاكر اسمه بالنسبه للاستعمال لا طبعا ممجبتش استعمال عشان ابويا نزل الحرفيين يسألي عليهم وواحد قال له بلاش ياحج من هنا المساعدين مضروبه كلها وبتتغسل وبتتباع تاني وهيا ضاربه اصلا فريحت نفسي بدل ما البس في الحيطه والسلام عليكم ورحمه الله وبركاته اظن بقي كده المشاركه لبست شرز واتدفت ودي العربيه بعد تركيب الحاجه  هههههههههههههه
__________________
my mitsubishi love 4 ever
|
|
#45
05-11-2010, 11:27 PM
|
||||
|
||||
|
رد: شويه اسئله علي عفشه الكريستاله
حد يعرف مكان عدل اجيب منه جنوط 15 او 14 غير اشرفكو عشان التشكيله اللي عنده معجبتنيش
والبطل الروماني ناس كتير اشتكت منه وفيه واحد اسمه عيسي عوض معرفش ايه ظروفه وبعيد عليا انا من سكان مدينه نصر فيه حد تاني ترشحوهولي وايه رأيكو في الجنوط الاستيراد
__________________
my mitsubishi love 4 ever
|
 |
|
|
