|
تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ... |
|
أدوات الموضوع |
#1
|
||||
|
||||
سؤال مهم بخصوص الفلتر الرياضي
نزلت عشان اجيب فلتر رياضي سيموتا وانا عندي عربية سيتروين ايه اكس مو 95 ف الراجل قالي ان الفلتر المخروطي مش بيركب غير علي العربيات الانجيكشن وانا العربية عندي كاربيراتير وقالي ان فلتر المشروم هو اللي ممكن يركب عندي ف كنت عايز اسال بخصوص اذا كان فعلا الكلام دة صح وايه الاخبار بخصوص الفلتر المشروم دة من نحية الهورس باور ومن نحية الصوت
__________________
|
#2
|
||||
|
||||
رد: سؤال مهم بخصوص الفلتر الرياضي
ياجماعة ماحدش عنده اي معلومة تفيدني
__________________
|
#3
|
||||
|
||||
رد: سؤال مهم بخصوص الفلتر الرياضي
بالتعديل وشوية مواسير ممكن تخلى الفلتر يركب عندك, لكن الموضوع مش مستاهل تعب, لأن الفايدة منه قليلة علشان الفلتر هيزود الاداء شوية, والصوت هيرتفع سنة, لكن مش هيبقى عامل زى صوت العربيات الأنجكشن.
الراجل قال على الفلتر المشروم لأنك هتخلع العمة (سواء فى حالة تركيب الفلتر المخروطى بطريقة المواسير أو فى حالة تركيب الفلتر ده), وهتركب الفلتر بدالها وبما أنه الفلتر المخروطى أرتفاعه كبير, فمش هينفع تقفل الكبوت وهو متركب (علشان كده حل المواسير موجود), أنما الفلتر المشروم صغير والكبوت هيتقفل عليه. بصراحة انا لا أنصح بالحلين لأنهم وجع دماغ بدون فائدة مماثلة, الفلتر المشروم هيبقى لازق فى الكبوت فالهوا اللى داخله هيبقى قليل, وكمان هيبقى هواء سخن فهيكتم العربية زيادة, والمخروطى هتتعب على ماتوصله بمواسير, بس لو عملتها هتخلى الفلتر تحت حوض الموتور والعربية هتاخد هواء بارد, فده حل أفضل فى رأيى. ده الفلتر المشروم. واللى راكب ده فلتر K&n أصلى, وده طبعا مافيش بعده, الفلتر المشروم هيركب مكان العمة فى الصورة, المخروطى هتجيبله مواسير و "كيعان" من عند محل ادوات صحية, وتركب المواسير بدل العمة وتعمل للفلتر توصيلة على جنب لو حضرتك فهمت قصدى. دى كل الحلول الموجودة, بصراحة أنا انصح بتغيير الفلتر الموجود (الأصلى) بواحد جديد وخلاص, هتحس بفرق عن الفلتر القديم, وهتتلافى وجع الدماغ والفلوس . أرجو انى أكون عرفت أجاوب على حضرتك.
__________________
|
#4
|
||||
|
||||
رد: سؤال مهم بخصوص الفلتر الرياضي
مشكور يا انجيكشن اوي علي ردك واهتمامك وبصراحة افدتني جامد
__________________
|
#5
|
||||
|
||||
رد: سؤال مهم بخصوص الفلتر الرياضي
افادكم الله يا استاذ عمرو
|
|
|