الفتيس الاستربترونيك

[ahmed_menaiem]

كنت عايز اعرف نظام عمل الفتيس من جوه
1 . هل الفتيس من الداخل على اربه فتيس زى كل الفتايس الاتوماتيك ؟
2 ز هل الفتيس ده من الداخل على اربة فتيس اتوماتيك + نظام دسك واسطوانة ؟

[Injection]

أنا هحاول أشرح ببساطة, الأستيبترونيك والأكس ترونيك والتيب ترونيك ,ألخ كلها مسميات لنوع واحد من الفتيس اللى هو الmanumatic والكلمة جاية من جمع مانيوال وأوتوماتيك.

وسبب التسميات المختلفة هى أن كل شركة بتدى التكنولوجيا اللى بتستخدمها أسم مختلف, زى ما المايفك وال vtec وال cvvt هما نفس الحاجة.

والفتيس بيستخدم نفس تكنولوجيا الفتيس الأوتو وفيه torque converter اللى هى متهيألى قربة الفتيس ومافيهوش ديسك ودبرياج, مبدأيا هو فتيس أوتو بيسمحلك أنك تغير النقلات بمزاجك زى المانيوال, أو تسيب الكمبيوتر يغيرها.

وبتنقل غالبا ببدالات على الدركسيون من ورا, وكان زمان بتنقل زى المانيوال بعصاية الفتيس.



بتستخدم النظام ده بأنك بتحط عصاية الفتيس فى نقلة معينة بتسمحلك أنك تستخدم النقلات المانيوال.

والنوع ده من الفتيس يعتبر معتمد أعتماد كلى على الحساسات والكهرباء, لأن عملية النقل كلها الكترونية من أول البدالات لحد الفتيس.

أنا مسوقتش أى عربية من النوع ده, وكنت عارف حاجات عن الفتيس, بس زودت شوية حاجات من الدعبسة على النت.

سلامات.

[xabi]

تسلم ايديك على المعلومات دى ياعمووووور

[ابو جودة]

مشكوررررررررررررعلى المعلومه

[احمد بدر1978]

تسلم ايدك على المعلومات القيمة