ازاى تظبط عربية قديمة و تحس انك راكب عربية جديدة

[mustafa mahmoud]

المشاركة الأصلية كتبت بواسطة ahmed_zamalek7 الموضوع جميل جدا بس فى ادوات عزل بتفرش الارضيه بيها قبل الجلد ونفس النظام بالنسبه للسقف ولو حبيت تعمل بانوراما تشوف حد شاطر يذود العتب بالرصاص عشان يحافظ على وزن العربيه كمان والزجاج بردو يتركب ليه عازل حرارى يعمل حوالى 1500 او اقل عشان التكييف ساعتها هيبقى زى الجديد واحلى بس الكلام ده عايز واحد رايق غاوى التميز يعنى كل فين وفين لو لقيت عربيه قديمه تحس انها جميله جدا وكل واحد وباله بقى البيعمل كده اعتقد بشترى شاسيه بس وعضم وهو بيعمل الباقى على ايده وفعلا مش مكلف يعنى هيكلف مثلا بالكتيرقوى العربيه والتظبيات تعملها 45 الى 50 الف ده لو هتركب احسن حاجه وهعمل عربيه وهميه فيها كل الاوبشن وبتجمع بين الراحه والرفاهيه والقوه والمتانه والابشن الحديث انا حتى ممكن اعمل تابلوه جديد واعمل فرش للبيبان جديد يبقى جمبى السنتر زى الجديد واعمل مرايات فيها اشارات وضم ونفس الوقت عربيه عضمها قوى جدا والله فكره كويسه قوى قوى قوى قوى بس هتاخد وقت مش اكتر

بص الموضوع ده مش بيفرق معايا فى الفلوس الحمد لله و تانى حاجة انا كرهت الجديد عشان خفيف و عامل حدثاتين بى اكسنت و صنى عشان كدة مش عايز اركب جديد تانى انا عامل عندى المرايات ضم و كهربا و السنتر و الازاز و التحكم بتاع المرايات جمبى فى الباب و كل باب فى زرار الزجاج بتاعه و عايز اوصل انى اركبلها ABS و هعملها ان شاء لله بس كل المشكلة انها عايزة واحد صايع زيى انا كدة معنديش اى حاجة ورايا و هاوى عربيات و تظبيطها

[ahmed_zamalek7]

المشاركة الأصلية كتبت بواسطة mustafa mahmoud بص الموضوع ده مش بيفرق معايا فى الفلوس الحمد لله و تانى حاجة انا كرهت الجديد عشان خفيف و عامل حدثاتين بى اكسنت و صنى عشان كدة مش عايز اركب جديد تانى انا عامل عندى المرايات ضم و كهربا و السنتر و الازاز و التحكم بتاع المرايات جمبى فى الباب و كل باب فى زرار الزجاج بتاعه و عايز اوصل انى اركبلها ABS و هعملها ان شاء لله بس كل المشكلة انها عايزة واحد صايع زيى انا كدة معنديش اى حاجة ورايا و هاوى عربيات و تظبيطها

طب تمام وكمان خد بالك اصلها حتى لو عملت 50 الف وده بالكتير قوى مفيش زيرو بى الفلوس ديه يجمع بين المميزات الهتبقى عندك وربنا يوفقكك ان شاء الله ومش تنسى تبقى ترفعلنا الصور

[Hisham.Elgazzar]

العربية مش بسعرها
أهم حاجة لما تيجى تركب عربية تقدر على مصاريفها
وتعمل حسابك انها ماتحرجكش قدام الناس مش تسيبها لما تقع

[mustafa mahmoud]

المشاركة الأصلية كتبت بواسطة Hisham.Elgazzar العربية مش بسعرها أهم حاجة لما تيجى تركب عربية تقدر على مصاريفها وتعمل حسابك انها ماتحرجكش قدام الناس مش تسيبها لما تقع

شكرا لرد لالجميع و التحفيذ و الحمد لله انا ايدى على طول فى العربية و العربية ديه معروفة بنضافتها فى كل حتة كل اسبوع ليها يوم تتغسل و تتلمع بى البولش و مرة كل شهر Car Care

[omskmaher]

اولا شكرا للرد
تانى حاجة انا مثلا صارف 32 الف جنيه على عربية ارجنتا بس عشان بحب العربية ديه و معانا من ايام الزيرو كانت بتاعت جدى و بحبها جدا عشان كل اما بركبها بفتكر جدى الله يرحمو عشان كدة انا صارف و بعدين فى ناس تحب تعمل كل حاجة فى العربية عشان لقدر الله و عطلت يكون هو عارفها احسن ما تقف منك فى الشارع و انت مش عارف فيها ايه بالظبط يعنى انا مثلا معدل العفشة بعفشة اسبور على سكاكين مش طنابير و المكنة 2500 تربو و انشكشن و الصالون ريكاردو كامل و زينون و عدة صوت و كل حاجة انا فى ناس بتشد معايا على الدائرى و انا رايح الجامعة مش بتتخيل حتى انها موديل 84 و معروض عليا فيها دلوقتى 55 الف جنيه و انا مستحيل ابعها و كل واحد و دماغو فى عربيتو
و اختلاف رأى لا يفسد للود قضية ...................روح يا شيخ الله............... يرحم جدك