بنزين 80+نفتالين بلى =90

[dr_eslam_66]

طيب يا جماعة مافيش غير مشاركة أو إتنين بيقولوا إني فيه أضرار وللاسف كانت عن كلام منقول عن ناس قالوا في حتة تانية مش هنا فا لو إلعضو الكريم تكرم بجلب اللنك الخاص للموضوع عسى أن يكون كلام الناس موثق بأدلة تخلينا نصدهم ولو سمحت إدارة المنتدى تسمح للعضو بوضع اللنك ولا تحذفه هايكون الخير أعم عليا كلنا.
إستفساري هل فيه حد من الي قالوا إنهم جربوه كانت عربيته إنجكشن ولا كله كاربيراتير؟

[sharooo]

انا ابتديت اجربه وعربيتي انجكشن وعشان اتاكد انه ذاب مع البنزين لان عندي بوابه داخليه في التنك كسرت النفتالين ودخلته في التنك وبعدين فولت
فعلا التسقيف خف جدا لدرجه غير ملحوظه لكن معرف فيه اضرار مستقبليه وللا لا بس اعتقد مفيش انشاء الله
ويبقى اللغز..ليه التسقيفه بتختفي مع النفتالين !!!!!!!!!!؟

[المفكر]

والله يا جماعة الموضوع يخوف شويه
طبعا الفرق ملموس وناس جربته
بس الضرر مش هيبان من أول مرة
لكنه هيبقى كبير
وبصراحة اللي عنده روح المغامرة والمخاطرة إنه يضحي بالموتور ويمشى 40000 كم يقولنا بعد كده الحالة أيه عشان نعرف المخاوف صحيحة ولا أيه

[sharooo]

المشاركة الأصلية كتبت بواسطة المفكر والله يا جماعة الموضوع يخوف شويه طبعا الفرق ملموس وناس جربته بس الضرر مش هيبان من أول مرة لكنه هيبقى كبير وبصراحة اللي عنده روح المغامرة والمخاطرة إنه يضحي بالموتور ويمشى 40000 كم يقولنا بعد كده الحالة أيه عشان نعرف المخاوف صحيحة ولا أيه

السلام عليكم
انا ماعتقدش انه هنضحي بالمتور
هولو ليه تاثير سلبي هيكون على الطلنبه او الرشاشات او قواعد الصبابات بتاعه العادم مش اكتر ..وكلها في الاخر حجات مقدور عليها انشاء الله

[borio1704]

المشاركة الأصلية كتبت بواسطة dr_eslam_66 طيب يا جماعة مافيش غير مشاركة أو إتنين بيقولوا إني فيه أضرار وللاسف كانت عن كلام منقول عن ناس قالوا في حتة تانية مش هنا فا لو إلعضو الكريم تكرم بجلب اللنك الخاص للموضوع عسى أن يكون كلام الناس موثق بأدلة تخلينا نصدهم ولو سمحت إدارة المنتدى تسمح للعضو بوضع اللنك ولا تحذفه هايكون الخير أعم عليا كلنا. إستفساري هل فيه حد من الي قالوا إنهم جربوه كانت عربيته إنجكشن ولا كله كاربيراتير؟

اللي كتبته عن تأثير النفتالين كان عن تجربة حقيقية حصلت معايا في البيت.. بس كنا بنستخدم أقراص "الباراديكس" أو "para-dichlorobenzene بارا- داي-كلورو-بنزين"، وهي دي المادة اللي بيتعمل منها معظم كور العته حاليا


أنا دورت شوية في النت ولاحظت إننا عندنا خلط واضح في اللي مكتوب لإننا في مصر مش مسميين الحاجت بأسمائها الصحيحة

البنزين ده اسم أحد مكونات الوقود اللي بيتحط في العربية... يعني اللي بنحطه في عربياتنا ده مش بنزين.. ده حاجات تانية إسمه "جازولين" ... وممكن يكون من ضمنها البنزين (وبنسبة قليلة كمان ويتزود كـ"إضافات للوقود")... بس مشكلته إنه ممكن يسبب السرطان.

النفتالين دي مادة كيميائية كانت بتستخدم زمان في كرات العته.. ونادر لما تلاقي كور عته دلوقتي مصنوعة من النافتالين لإنها كانت قابلة للاشتعال بسهولة، وتركيبه الكيماوي مكون من حلقتين "بنزين"، وعشان كده يعتبر محسن للأداء

كور العته دلوقتي بتتعمل من الباراديكلوروبنزين... ودي مادة لما بتتحرق مع البنزين بيتكون حمض هيدروكلوريك (HCl) والحامض ده قوي جدا وبيعمل تأثير مدمر على أي أجزاء بيلامسها.. هي ممكن تساعد في الأداء مؤقتا.. بس بتدمر الدنيا


ملخص الموضوع..

• مادة النفتالين حتحسن الأداء.. ولو لقيتها في أي مركب آخر اشتريه وحطه (الـWD-40 فيه نفتالين)
• اتأكد إن كور العته اللي حتشتيرها معمولة من النفتالين... مش من حاجة تانية

ودي وصلات على النت للي عايز يعرف أكتر:

كرات العتّة: http://en.wikipedia.org/wiki/Mothball
النافتالين: http://en.wikipedia.org/wiki/Naphthalene
الباراديكلوروبنزين: http://en.wikipedia.org/wiki/1,4-dichlorobenzene
الجازولين: http://en.wikipedia.org/wiki/Gasoline
البنزين: http://en.wikipedia.org/wiki/Benzene

تأثير كور العتّة على الوقود (المكتب العلمي لوزارة الطاقة الأمريكية): http://www.newton.dep.anl.gov/askasc.../chem00485.htm
تأثير كور العتّة على الوقود (موقع Cartalk.com: http://www.cartalk.com/content/i-hav...ht-naphthalene


...