ايه رايكم لو نعمل ورشه مصر موتورز

[Mr.Shams]

وانا كمان مستعد انى اساهم لو الاداره وافقت على المشروع
واى حد ممكن يساهم حتى ولو بدنيا

[AbOnOrA]

لاء مش للدرجة ديه يا شيخ طارق
الادارة ترحب باى مشروع خدمى ويسعدنا المشاركة فيه كمان لكن اى صفه تجارية مباشرة محتاجة تقنين ونظام والا هنتحول من عمل عام لنشاط تجارى بحت زى اى توكيل او شركة

ليه ميكونش عندنا مستثمرين من الاعضاء يبداؤ مشاريع جدية بالتنسيق معانا والتعاون لكن مع الفصل بين الصفة التجارية للمشروع والصفه العامة لعمل الموقع

[مهند سالم]

أتمنى من إدارة مصر موتورز أن تدرس الموضوع بجدية، وأن تطرحه على الأعضاء في صورة أسهم، بمعنى أن ندرس تكلفة المشروع، ونحسب قيمة السهم، وكل من يريد أن يشارك من الأعضاء يشتري عددا من الأسهم يتحدد ربحه أو خسارته بناء عليها، ثم ننتخب مجلس إدارة للمشروع.
وأنا عندي استعداد أن أشارك في المشروع، بل وأعمل كميكانيكي أو كهربائي في المشروع بعد عملي الأصلي، أهو يبقى مصدر رزق تاني للأعضاء ويتعلموا إزاي يصلحوا عربياتهم ويشرفوا عليها من غير ما حد ينصب عليهم.
نرجو أخذ الموضوع بجدية من الإدارة، وأكيد التمويل مش هيبقى مشكلة كبيرة. وربنا يوفق الجميع

[AbOnOrA]

ان شاء الله ندرس كل الاقتراحات المقدمة بجديه ونناقشها بالتفاصيل فى اقرب وقت

[nktis]

انا مع كلام ا.وائل ....
لو فيه احد الاعضاء يستطيع عمل هذا المشروع ويطلق عليه اسم المنتدي وطبعا اللي عربيته لا قدر الله تعطل هيروح علي الورشه انما قصه اسهم وتجاره كده احنا بنفتح باب للخلافات الماديه..