نفسك تعدل عربيتك أدخل ومش هتندم ,كل شئ عن تعديل السيارات

[ahmedtuning]

تسلم يا باشا موضوع جامد جدا

[د. ضياء ناجى]

تسلم ايدك ياجميل ..اقتراحاتك جميله ومفيده

[mohamed81m]

شغل جميل الله ينور

[Dr. Mostafa El Nazer]

المشاركة الأصلية كتبت بواسطة mido3129 Medo Tune عاوز تظبط عربيتك تبقي جامدة هقولك علي شوية حاجات تعملها جامدة أوي لو أنت عاوز عربيتك يبقي ليها صوت مميز يبقي هتركب فلتر رياضي وده سعره من من 300-350 نوع عالمي ونضيف وده مش صوت بس لكن بيخلي الموتور يستعيد قوته الحصانية وتركب طقم شكمان تربو الي هوا الديفيل وده يتكلف حوالي 1000 جنيه هيبقي 2 شكمان واحد من اليمين والتاني من الشمال وده مصري درجة أولي علب استانلس ستيل وده برده مش صوت بس لكن بيخلي الموتور يستعيد قوته الحصانية وبالنسبة للمظهر الداخلي,الفرش هتركب 2 كرسي سبور Recaro or sparco ودول تمنهم حوالي 1650 جنيه وتركيبهم يبقي حوالي 450 جنيه بالتعديل وبالنسبة للكنب الخلفي هيعمله السروجي عشان يبقي زي الكراسي الأمامية وده يتكلف 500 جنيه وبالنسبة للدركسيون هتجيب طارة اسبور وديه بتبقي ب200 جنيه بالزور وبالنسبة للتابلوه بيتفك وبيترش رشة كويسة عشان ميقشرش وده بيتكلف حوالي 350 فك وتركيب ورش وبالنسبة لطقم الصوت هتركب طقم صوت بعشر سماعات وبازوكا و3 شاشات عرض وكاسيت دي في دي سوني وأسعارهم 1200جنيه 10 سماعات سوني 4 سماعات سوني سماعة في كل باب وسماعتين سوني في الأمام في التابلوه وأربع سماعات سوني في الرف الخلفي والبازوكا 1000 جنيه سوني وديه هتركب في الشنطة والامبليفير سوني 600 w وده معرفش سعره بالظبط والكاسيت 1200 جنيه سوني دي في دي أفلام و Mp3 و Aux والشاشات شاشة أمامية بلوتوث وتاتش وممكن تطلب عليها من الموبيل وتشوف عليها العربية من ورا وديه ب 500 جنيه والشاشات الخلفية بحوالي 700 جنيه وديه بتركب في الكرسي من الخلف زي الBMW وبالنسبة للمظهر الخارجي هتركب اكصدامين بكساحاتهم حديد وهتركب عتبتين وهتختار من الكتالوج الشكل الي انت عاوز ودول مميزاتهم ان هما حديد يعني بيستحملوا ودول ب حوالي 1300-1500 وهتركب أسبويلر وده حوالي ب 300 جنيه ولو عاوز ابواب تفتح لفوق (Lampo Doors) فديه بتتعمل البابين ب 3000 جنيه [IMG]http://www.**********.net/Nile/signaturepics/sigpic119_2.gif[/IMG] ولو عاوز أبواب تفتح بالريموت من غير اوكر (Door Handle) ديه بتتكلف حوالي ألف جنيه هتغير الفوانيس بفوانيس أسبور وهتتكلف حوالي 500 جنيه للفانوس الواحد بالنسبو لسمكرة باقي العربية والدوكو 1500 جنيه وهتترش اللون الي انت عاوزه بالكتالوج ودوكو فرن ميتاليك وهيتعمل اي خبطه في العربية وممكن تترش لونين وبالنسبة للكامليات زجاج كهربائي وده هيبقي ب 700 جنيه وسنتر لوك وإنظار ودول بحوالي 400 بالتركيب ونيون تحت العربية وده منه أربع الوان احمر واصفر واخضر وازرق وده ب500 جنيه وطقم زينون ب1000 جنيه وده هيبقي philips aw siemens وشوية علامات اصلية ومادلية للعربية بحوالي 100 جنيه وبالنسبة للجنوط هتركب جنوط 15 او 16 او 17 اسبور واربع كاوتشات اسبور ودول هيتكلفوا حوالي من 3200 إلي 3500 واتفرج علي العربية بعد كده واي سوال انا تحت امركم

خلي اي حد يحسب كل اللي انت قلته و ابقى قابلني لو عرف علشان هيلاقي عنده اصفار كتييييييير في الناتج .... الاصفار دي لوحدها هتعقده اكتر من الرقم اللي وراها ... و بعد ده كله ابقى قابلني لو عرف يتجوز بعد المصاريف دي كلها

[HaMaDa-ToUBaR]

هو المبلغ الاجمالى يخوف انا معاك 22600 بس دة لو حد غاوى او حد بيجدد عربيتة كاملة

وبعدين مش لازم اجيب كلة مرة واحدة .. .مرة اضبط الفرش ومرة طقم الصوت ومرة المكنة ومرة الجنوط ومرة العتب والاسبويلر ويدينا ويدك طولة العمر بقى