اسئله المبتدئين ..عفوا ممنوع الفتى :)))

[_amr.mostafa_]

بس يا استاذ وائل ممكن عشان الخبطه في الفيديو اللي حضرتك حاطو في الرفرف فا سهله

اما العتب دي هدخل ايدي فين واحاول ارضها ؟؟؟؟؟!!! وكمان الاله اللي بيستخدمها وبيحط عليها لزق

هتتجاب منين ؟؟؟!!

[حسام البورسعيدى]

المشاركة الأصلية كتبت بواسطة m.elhasafy لو فى مطبات من نوع (عين القطة) خدها بسرعة و ما تهديش ... و دى منتشرة عندنا كتير قوى فى إسكندرية

تمام كلامك ..

ودى صورة عيون القط (بس دى المظبوطة مش البلدى اللى بنشوفها عندنا)






بس لو من الحجم الكبير ولسه جديدة .. يبقى يفضل انك تاخدها بالراحة علشان تحافظ على الكاوتش والعفشة ...

النوع الكبير ده موجود كتير فى بورسعيد ولو انه بدأ يغوص شويه فى الاسفلت مع الاستعمال وخصوصا لما الدبابات بقت تمشى عليه ههههههه ...


برضو لو فى حفره بعرض الطريق (اللى البشاوات بيعملوها علشان تغيير مواسير الصرف او الغاز الطبيعى ويسيبوها بالشهور بدون ردم .. يفضل انها تتاخد على سرعة مش اقل من 40 مثلا .. ولو السرعة مش عالية (شارع ضيق او زحمة) ناخدها بالراحة خالص افضل ..

لاننا لما ناخدها على 40 العربية هتطير من فوقها ومش هتنزل فيها ..ولما ناخدها بالراحة خالص هنريح العفشة خالص ومش هنضغط عليها ..

[CARDIO]

شكرا جزيلا للمشاركات الجامده دى
طيب انا عندى سؤال على الماشى كده بم انى محتاره لانى من المبتدئين
انا دلوقتى عاجبانى لانسر بطه و بعد ما خلاص ناس كانت بتشكلرلى فيه لاقيت واحد عمال يقول لى انى مش حلاقى ليها قطع غيار بسهوله علشان موديل قديم و برضه مش حلاقى ميكانيكيه يصلحوها كتير..ايه رايكم فى الكلام ده ؟

[_amr.mostafa_]

المشاركة الأصلية كتبت بواسطة CARDIO شكرا جزيلا للمشاركات الجامده دى طيب انا عندى سؤال على الماشى كده بم انى محتاره لانى من المبتدئين انا دلوقتى عاجبانى لانسر بطه و بعد ما خلاص ناس كانت بتشكلرلى فيه لاقيت واحد عمال يقول لى انى مش حلاقى ليها قطع غيار بسهوله علشان موديل قديم و برضه مش حلاقى ميكانيكيه يصلحوها كتير..ايه رايكم فى الكلام ده ؟

والله ما اعرف بس السؤال ده ممكن تحطيه في قسم ميتسوبيشي هايفيدوكي اكتر..

[powerofdream]

طيب ايه هو تيل الفرامل دا يا جماعة ؟ بسمع عنه كتير بس ولا اعرفه ولا اعرف شكله