جمعة الغضب - تغطية لاحداث الثورة من 24 يناير 2011

[MIDO-SPICY]

المشاركة الأصلية كتبت بواسطة sad-bird ماشي يا زعيم انا بس كنت عاوز اعمل نموذج واوضح بيه الفروق اللي ممكن تحصل اعمل عنوان مثير ويشد ويجذب الانتباه خصوصا بقى لو الموضوعاصلا سخن لوحده وجاهز وفي الاخر اقول الاحتماليه لصحة او عدم صحة الخبر بس على جنب او بعد وقتها او في نص الكلام محدش ياخد باله منها وكمان اعلق علي الخبر واستضيف واحد واتنين يعلقو او ياكدو الخبر وبعدين ابقى انزل النفي وبكده انا راجل موضوعي وراعيت المهنية في النقل للأخبار ورصدها قولت اللي عندي وكذبته في حاله انه خطأ لكنقولته امتى وازاي وكذبته امتى وازاي هنا بقى بتفرق تخيل لو انا جيتلك دلوقتلي قولتلك الحق فيه لحمة بلدي طازة بتتباع ب 10 جنية في اخر الشارع بس استني لما ابقى اتأكدلك بدل ما تنزل المشوار على الفاضي انت اصلا مهيأ لرد الفعل قبل ما تتأكد وهتروح على طول قايل لنفسك وانا لسه هستني لما تتاكد فيه والا مفيش ما الشارع اهو وانا اهو وجري على هناك وتنزل تشوف متلاقيش فيه حاجة هناك تقعدلك ساعه والا اثنين يمكن تكون لسه جاية في الطريق او لسه مفتحوش او . او او او او وبعدين ترجعلي تلاقيني اتصلت بيك اقولك معلش بقى ، ده واحد قالي انها في مكان تاني او انها مش النهاردة او انها ب 100 مش بعشرة انا اتلخبط وقلتلك غلط

عارف يا محمد التصرف اللى دايما بيبقى واحد مننا ومش قادر انى الاقيله سبب او تفسير
ان الناس لما تسمع خبر زى موضوع اللحمه بتبقى متاكده مليون % ان الخبر مش صحيح ورغم ذلك بتروح وبتتقاتل علشان توصل لمكان الاشاعه
عندك تفسير ؟؟

[sad-bird]

المشاركة الأصلية كتبت بواسطة mido-spicy نسيت اقولكم ان المقاومه الشعبيه اللى فى شارعنا دلوقتى ساهره تحرس البيوت والناس حولوا الشارع الى نادى رياضى اجتماعى .. كالتالى :- واخيرا ونظرى وودانى مش جايبين اكتر من كده .. فيه دوره كوره رمضانيه منظمه من فريقين عمارات الصف اليمين وعمارات الصف الشمال

يا عم احمد احد فوائد اللي بيحصلنا ده ورب ضارة نافعة انك عرفت جيرانك وبتتعامل معاهم ويمكن يبقى فيه مودة بعد كده بينكم
تقدر تقولي انت كنت عارف كام واحد من جيرانك قبل الموضوع ده

[MIDO-SPICY]

المشاركة الأصلية كتبت بواسطة sad-bird يا عم احمد احد فوائد اللي بيحصلنا ده ورب ضارة نافعة انك عرفت جيرانك وبتتعامل معاهم ويمكن يبقى فيه مودة بعد كده بينكم تقدر تقولي انت كنت عارف كام واحد من جيرانك قبل الموضوع ده

اقولك على حاجه انا عارف انها مش حاجه مشرفه قوى علشان تتقال
العمارة اللى انا ساكن فيها دى عمارة والدى قاعدين فى شقق فيها وبايعين الباقى
منها 5 شقق بس اللى ساكنين غيرنا
وربنا انا ما اعرف كل واحد فيهم ساكن فى انه شقه ولا حتى انه دور
واول مره اشوف الساكن اللى فوق منى كان يوم الجمعه اللى فاتت رغم انه ساكن من حوالى 5 شهور

[sad-bird]

المشاركة الأصلية كتبت بواسطة mido-spicy عارف يا محمد التصرف اللى دايما بيبقى واحد مننا ومش قادر انى الاقيله سبب او تفسير ان الناس لما تسمع خبر زى موضوع اللحمه بتبقى متاكده مليون % ان الخبر مش صحيح ورغم ذلك بتروح وبتتقاتل علشان توصل لمكان الاشاعه عندك تفسير ؟؟

التفاسير موجوده وتختلف من شخص للتاني على حسب طبيعة الشخص وتهيأه النفسي للخبر

التفسير الاول وهو الاكثر قربا لحالة شعبنا الغلبان
دلوقتي احنا مقهورين بقالنا فترة وحاسين بالظلم وووارثين الظلم والقهر من اهالينا خصوصا اللي اتقرهوا قوي ايام فترة عبد الناصر كله ده موروث لدجرة ان فيه اوقات لما كنا بنتكلم في حاجة ليها شق سياسي كنا بنتلفت حوالي نفسنا
النهاردة ومرة واحده وفجأة فيه حرية مطلقة ومفيش ضابط ليها بالعكس دي فيها فرصة ذهبية لكل اللي عنده كبت يطلعه غلط او صح يطلع ( وانا كنت منهم وكنت بتنشق على الاخبار خصوصا من الجزيرة )
وبعدين الاخبار بتيجي سخنه ومولعة وانت جعان وقدام اكل سخن وشهي وشكله حلو هتاكل لما تفتري والا هتفضل جعان
طبعا هتاكل لما تفتري ويجيلك تخمه ومش تقدر تتنفس
ده اللي حصل عنداغلبنا كلهلقى متنفس ومفيش ضوابط تحكمه
حتى اللي خايف وملوش في الكلام قال لما اروح ابص بصه اشوف فيه ايه هناك يمكن الموضوع يكون بجد وطبعا فيه عامل ايحائية كتير تساعد منها مثلا ان التحرير مش كل اللي كانو فيه الاول متظاهرين لأ فيهم ناس كانت بتخلص مصالحها وبتتمشي ، وكمان وجود قوات شرطة جازة ساعد انك تتاكد اكتر ، وكمان لناس في التجمع في الاول بيكونو مجموعات متباعدة وانت على الارض شايف قدامك الميدان كله كبييييييييييييييييير وملياان من اول اللي قدامك لغايه اخره عند المجمع ا
الله
دي مصر كلها هنا بقى وانا اللي كنت نايم في البيت
طيب يلا بقى لما ادخل واكمل معاهم واللي يسري عليهم يسري عليا الحكومة هتعمل في دول ايه دول ملايين ياعم مفيش سجون تكفيهم
مع العلم ان اي واحد لو طلع مترين لفوق وبص على المساحة اللي هو شايفها هيلاقي فيها فجوات كتير فاضية وان مش كل المساحة دي ناس
انت تيجي وصاحبك يجي وتتصلوا ببعض وتبى شبكة تكبر ، الشبكة تمشي في متوالية حسابية
1
2
4
8
16
32
64
وهكذا
يبدأ العدد يزيد ويبدا التصوير يتاخد بزوايا معينة يأكدلك ان البلد كلها هنا ( لو تفتكر ايام ما الرئيس راح توشكي والمصور كان بيلقطله صور يحسسك ان الصحرا دي كلها خير كانبيلقط الزاوية من على وش الزرع مع ميل بسط لفوق يعمل عمق كبير قوي قدامه يوحيلك ان لارض زي زيها زي الارض الطينية بتطلع رز وقمح )
وياسلام بقى لو جبت 20 أو 30 واحد وصورتهم وهما بيهتفوا وانت راجل غلبان وملكش في الشعارات تسخن وتشتغل معاهم
وطبعا فرحان
بقالك كتير نفسك تتكلم ومش لاقي منفس تكلم فيه ويوم ما تفكر تتكلم بتتكلم على المتغطي وجاتلك الفرصة وعلى طبق من ذهب
طبعا دول الغلابة المطحونين اللي زي حالاتنا

الناس التانيين بقى
اصحاب الاجندات السياسية الخاصة دخلوا في اللعبة وركبو الموجه والناس اللي مكنش ليه عقل مدبر وبيتحركوا بمشاعرهم بس اصبح بينهم موجهين روحو هنا واعملو كذا واتصرفوا كذا
وكمان يشحنوا اكتر
انتو نستوا اللي بيتعمل فيكم ايه
خدو حقكم
اعملو
سوا
ده انتو ياما اتعمل فيكم
خدوا حقكم
هما دول الظلمة اللي عملو وسوا فيكم
كل ده كلام بيحفز اللي قدامك ويستثير الهمم والادرينالين يطلع وما ادراك ما هو الادرينالين المصري بيطلع منه عجببببببببببببببببببببببب ببببببببببببببببببببببببب بببببببببببببببببب
أسألني انا عليه
هههههههههه


انا رغاي قوي كده ليه

[sad-bird]

المشاركة الأصلية كتبت بواسطة mido-spicy اقولك على حاجه انا عارف انها مش حاجه مشرفه قوى علشان تتقال العمارة اللى انا ساكن فيها دى عمارة والدى قاعدين فى شقق فيها وبايعين الباقى منها 5 شقق بس اللى ساكنين غيرنا وربنا انا ما اعرف كل واحد فيهم ساكن فى انه شقه ولا حتى انه دور واول مره اشوف الساكن اللى فوق منى كان يوم الجمعه اللى فاتت رغم انه ساكن من حوالى 5 شهور

طيب اهي دي فرصة ليكم تتعرفوا على بعض وتتعاونو مع بعض وابدأ انت باي حاجة بسيطة
ممكن تجيب كرسيين بلاستيك وتكرنهم في مدخل العمارة يوم الجمعة بعد الصلاة تقفوا شوية تتكلموا في اي حاجة عامة والكلام هيجيب بعضه وهكذا
ولو فيه اطفال بيعرفوا بعض بيكون فيه مدارس مع بعض بيتربوا عارفين اصحابهم فين اللي قدامهم بدل ما يجيلك ابنك وبنتك تطالبه لما يدخل الجامعة والا ثانوي تقوله فين اصحابك عاوز اعرفهم