تجربتي مع الريداتير

[احمد الجارحـي]

السلام عليكم
بصراحة انا قررت أي شئ أعمله ف العربية انقلهُ هنا عشان خاطر كلنا نتعلم و نستفاد من بعض
انا من حوالي اسبوع كنت بواجهة مشكلة ف الموتور و عملت طقم شمبر و كان موضوع كبير بالشرح
و اللي مكانش متابع يقدر يضغط هـــنـــا وهو هيعرف ايه الموضوع،
المُهم بعد ما عملت الموتور و كله تمام و زي الفل قابلتني مُشكلة ف الريداتير و هي كالأتي



مكان خرطوم الفايظ للأسف انكسر و كان لازم يتلحم و كانت الاعراض ان المياة بتنقص بطريقة بشعه قررت أسأل الأول علي بتاع الريداتير كويس ف منطقة الحلمية المهم من هنا لهنا وصلت لواحد أسمه رمضان و ده ومن خلال الشغل بتاعه اللي اتعمل ف العربية بصراحة أقدر أقول عليه حد مُحترم
المهم فك الريداتير و نظفة و فك الرأس بتاع مدخل الريداتير و نظفة بالنار و الفرشة و لحم فيه الماسورة بتاع خرطوم الفايظ و نظفة و عمله بالصفنرة و بعدها جرب يشوف في أي اخرام ف الريداتير ملقاش حاجة والحمد لله ركب الريداتير ونصحني اني اغيره قبل دخول الصيف عشان انا ريداتيري فبريكة بتاع بلدها ( حديد )
ف قولتله إيه الفايدة قالي الافضل تجيب واحد جديد توزيعة 3 ماسورة عشان الحرارة مش تعلي معاك ف الصيف و ده نصيحة
المهم انا بعد ما ركب الردياتير تخيلت بصراحة هيقولي 50 و 60 خاصاً انه بقاله ساعة وربع شغال ف الريداتير
ركب الريداتير و سألته ع السعر و حطيت ايدي ف وداني لقيته بيقولي 20 جنية
قولتله كام ،، قالي 20 جنية قولتله والله انت راجل محترم و اديته أكتر من 20 جنية لأنه هو بجد حد مُحترم.
بعدها زي ما قولتلكم انا كنت جبت جركن مياة خضراء السعودي


المهم عشان اللي ميعرفش الطريقة ازاي يستخدمها حبيت اشرح
طريقة الاستخدام انك بتجيب زجاجة مياة مثلا 1 لتر
الزجاجة فاضية هتحط فيها مياة خضرا لحد الربع فقط يعني ربع لتر و الـ3/4 الزجاجة التانية تحط فيها مياة من الحنفية عادي و بعدها تقفل الغطا و ترج الزجاجة رجة خفيفة عشان كله يتخلط ببعضه و بعدها تمليَ الريداتير و فائدة المياة الخضراء هي تمنع تراكم الصدأ داخل الريداتير و بتحافط عليه و بتأكل الصدا و الملح اللي جواها يعني بتطول ف عمر الردياتير و كل ده طبعا بأذن و أمر من الله

أسم بتاع الريداتير : رمضان
رقمهُ : 01061870937
عنوانهُ : امام شيخ البلد - النعام - الحلمية

أسف للإطالة .. و اتمني تكونوا فهمتوا شرحي

[wael15]

عشان انا ريداتيري فبريكة بتاع بلدها ( حديد )


نصيحة بلالالالالالالالالالالالا لالالالالالاش اللى فيها احسن مليون مرة من الجديددددد لانك لوركبتلها ابو تلاتة ماسورة ولا غشرة ماسورة ها تسخن العربية فاخليها باللى فيهااحسن بكثيررررررررررررررررررررر رررررررررررررررررر

[احمد الجارحـي]

المشاركة الأصلية كتبت بواسطة wael15 عشان انا ريداتيري فبريكة بتاع بلدها ( حديد ) نصيحة بلالالالالالالالالالالالا لالالالالالاش اللى فيها احسن مليون مرة من الجديددددد لانك لوركبتلها ابو تلاتة ماسورة ولا غشرة ماسورة ها تسخن العربية فاخليها باللى فيهااحسن بكثيررررررررررررررررررررر رررررررررررررررررر

والله كلامك جميل وانا مقتنع ان الشئ بتاع بلدها أفضل و ان شاء الله اخد بنصيحتك و تسلم لمرورك