نوبيرا ام كرستاله ام فيرنا ام رايكم ايه ارجو التفصيل

[svneleven]

طبعا ال كريستالة و الفيرنا أسهل في البيع من النوبيرا.
قطع غيار النوبيرا و الفيرنا عند البقال و الكريستالة متوفرة طبعا لكن مش زيهم و أسعارها أعلي.
نفرض أن كلهم حالتهم كويسة. لو النوبيرا موديل عالي مثلا 2002 و طالع و الكريستالة 98 مثلا يبقي النوبيرا أحسن.
الفيرنا أحسنهم في حالة واحدة لو حضرتك عاوز تمشي تخيط في الناس كلها و تشد مع أي حد.
طبعا النوبيرا و الكريستالة أوسع من الفيرنا.
طبعا كل ديه أراء شخصية من واقع تجربتي للعربيات التلاتة.
لو حضرتك تحدد أولوياتك يكون أحسن و تسهل لنا الموضوع شوية.
بالتوفيق ان شاء الله.

[world_of_kill]

كان عندي الفيرنا والكرستاله ميزة الكرستاله معمره و دي ميزه الياباني كلو حمار شغل
+ ميزه الكرستاله بنزين 80 و فرامل توقفك الفيرنا بعد ال 120 مكنش في فرامل توقف الواحد

[eljazeera77]

السلام عليكم
انا هقولك من واقع خبرتى وتجربتى مع النوبيرا بأمانه ربنا انا اول عربيه ركبتها كانت ريتمو وانا طالب ثم البيجو ثم الفورد ثم النيسان صنى97 ثم مرسيدس زلمكه ثم الان معايا نوبيرا 2 ومعايا لانوس 1
بص يا سيدى بالمقارنه قارن بين النوبيرا والانسر بس طلع الفيرنا من المعادله خااااااااااااااالص حتى ولو موديل السنه معلش محدش يزعل من كلامى
النوبيرا:-
اولا العيوب :- المقصات او بالادق جلب المقصات ودى طلعت عينى فالاول لكن اتحلت دلوقتى بميت طريقه واولها تركيب جلب فيرنا وانا مركبها بقالى فتره وولا الهوا زى الفل العيب
ثانيا :- الفتيس الاوتو بتاعها اسوأ وافشل فتيس شفته فى عربيه على الاطلاق يعنى لو العربيه الى انتا شايفها اوتو اصرف نظر علطول
ثالثا :- بصراحه انا عندى مش حاسسها قوى بأمانه ربنا( استهلاك البنزين مع التكييف داخل المدينه ) بيبقا عالى
المميزات :-
اولا عربيه عائليه ومريحه بأمتياز وشنطه واسعه جدا بصراحه
ثانيا:امان هلى الطريق من ناحيه الثبات والتوازن على السرعات العاليه يعنى لحد 180 190 ثابته وان كنت بأرفض وبنصح ان سرعتك متزيدش عن ميه لاسباب كتير الكل عارفها (طريق-كاوتش-تخلف من مستخدمى الطرق الخ)
ثالثا قطع غيار متوفره ما شاء الله ودى تسوى كتير وكتير اوى يا جماعه وانا اتعرضت للموضوع ده وعرفت قيمه العربيه فالموضوع ده واسعارها فعلا معقوله وان كانت زادت الفتره الى فاتت بسبب الدولار يعنى مثلا الماكينه كلها شورت بلوك كنا بنجيبها ب1500 جنيه ودلوقتى الماكنه الزيرو النضيفه متزيدش عن 3000 جنيه وكتير كمان
تكييف ثلاجه -نعومه فالاداء-عزل ممتاز
ده الى انا عارفه عنها بالامانه العربيه كويسه بس بشرط الاهتمام بالصيانه ويكون ايدك فيها هتستمتع بيها
اما اللانسر فبصراحه مجربتهاش لكن عربيه ليها سمعتها المحترمه فى مصر وناجحه جدا واسمع طبعا من الى جربها اما انا فمقدرش افيدك فيها بصراحه
تحياتى

[mr_astra]

اشكرك
تقرير فعلا وافى جدااااااا
فعلا عربية مميزة اوى
ولايقة جدا على الموظفين اسرية وقطع غيارها رخيصة
عبها الهد بتاع المكنة سىء جدا
نادر لما تلاقى موتور صوتة عدل
بس اللى بيهون ان الشورت بلوك كولة على بعضة بـ 1700 جنية
طقم الرشاشات بمسطرة الرشاشات بـ 120 جنية
حاجات كلها فى اللذيذ وتناسب شريحة كبيرة من المجتمع

[aboalbaraa]

السلام عليكم ورحمه الله وبركاته والله فعلا مقدرش اقول غير جزاكم الله كل خيروجعله في ميزان حسناتكم باذن الله تعالي نويت علي عربيه نوبيرا 2006 بسعر 47 الف جنيه فهل السعر جيد وسوف اقوم بفحصها غدا باذن الله فاي التفاصيل الهامه التي اهتم بها عند الفحص مع العلم باني سوف ارفعها في بنزينه