العودة   مصر موتورز مجتمع السيارات > السيارات الكورية والماليزية > كيا KIA > كيا سيراتو Cerato

كيا سيراتو Cerato من انجح سيارات كيا عامة وسميت باكثر من اسم منها فورت و سبكترا وشوما قديماً


إضافة رد
 
أدوات الموضوع
  #1  
قديم 23-09-2008, 12:03 PM
ahmed_su ahmed_su غير متواجد حالياً
عضو ذهبى
التخصص العملى: IT Consultant Engineer
 
تاريخ التسجيل: Jun 2008
الموقع: القاهرة
المشاركات: 106
ahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond repute
تقيم السيراتو Ex بعد 1000 كم - بالصور

بسم الله الرحمن الرحيم

الاصدقاء الاعزاء كما وعدتكم بعمل تقرير عن السيراتو بعد ال 1000 كيلو متر
الحمد لله تم قطع ال 1002 كيلو متر على خير وموعدكم الان مع التقرير




بس احب اوضح عدة اشياء
التزمت فى التقرير بالحيادية التامة وجنبت اي انحياز للعربية علشان اشترتها

كمان حاجة مهمة انى حبيت ان يشاركنى فى التقيم شخص اخر ويكون قاد سيارات مختلفة

علشان لما اقول العربية ناعمة مثلا يبقى اقول ناعمة زى العربية الفلانية علشان يبقى اللى بيقرا التقرير متخيل انا باقول ايه يعنى يبقى فيه مرجع (ريفرنس) للكلام اللى بنقوله

وانا اشركت اعز اصدقائى فى قيادة السيراتو و قام بقيادتها حوالى 100 كم
وهو لديه كورلا 1600 اتوماتيك 2005
نتوكل علي الله ونبتدي

المحرك DOHC 16v CVVT





طبعا لسه شباب وصوته هادى نوعا ما بس مش صامت وبيعبر عن عنفوانه بعد 3000 لفة/د وصوته يبتدى يعلى بس مش مزعج بل هو صوت محبب (زئير القوة)

استهلاكه فى البنزين معتقدش انه موفر طبقا لحسابتى 210 كم/صفيحة (20 لتر) بنزين 92 بس طول الوقت التكيف شغال والترفك عالى

الفتيس استبترونيك
طبعا بالنسبة لى ممتاز اتوماتيك وطول عمرى باسوق المانيول استجبته معقولة لحد كبير وان كان فى بعض الاحيان باحس انه فيه تاخير (delay ) فى التسارع الفجائى وان كان ممكن تعويضه بالكبس على دواسة الاكسلاتير لاخر المشور (Kick Down) طبقا لكتالوج العربية فبتحس ان ركبها ميت عفريت وتنطلق بسرعة هائلة

الوضع الرياضى او المانيول جربته مرة واحدة بس ... بس خفت اجربه يعنى ما تقدروش تقولو انى جربتوه بمعنى الكلمة فهنتجاوز عن تقيمه دلوقتى

طبعا السرعة فى هذه المرحلة لم اتجاوز ال130 كم وده كان اقصى سرعة جبتها فى حدود ال 3000 لفة/د
والعربية كان RPM بتعها دائما على 2300 لفة/د فى سرعة ال 100كم وده عجبنى جدا مقارنة بالتمبرا المانيول (عربيتى السابقة) كان ال100 كيلو على 3100 لفة/د فى احسن الاحوال

رأى قائد الكورولا

المحرك صوته اهدىء من محرك الكورلا ... التسارع تقريبا واحد وان كان الكورولا افضل نسبيا بدرجة لاتذكر عددلفات الكورولا فى ال100 كيلو 2300 لفة /د
الاوفر دريف فى الفتيس اكثر عنفا من الوضع الرياضى (المانيول فى السيراتو) بس مش هنحكم عليه اوى لاننا مش عارفين نستخدمه صح

الكيك داون فى الكرولا استجابته اسرع نسبيا بصورة مش محسوسة
استهلاك الكورولا افضل فى الوقود 270 كم /صفحية داخل البلد والتكيف شغال طول الوقت بس متننساش ان العربية لسه فى التليين واكيد فى الوضع ده مش فى افضل حالتها بالنسبة للاستهلاك

التعليق



العربية مرتفعة عن الارض بمقدار 16 سم وده رقم مش وحش بيحميها من المطبات (الحمد لله) والتعليق ناعم ومريح خدنا بيها عدة مطبات سواء للتجربة او عن غير قصد او مضطر وكانت جيدة جدا




الباور


الباور ناعم جدا ومريح نماما ومقدرش اقول انه خفيف زى العربيات اللى توجيهها كهربائى بس مقارنة بباور التمبرا يبقى ده ميه ويستجيب لادنى حركة وسهل التحكم

الفرامل




الفرامل استجابتها عالية وان كان فى بداية الااستخدام حسيت انها مش فعالة اوى بس مع الوقت صارت افضل واعتقد ده بعد تطبيع التيل على الطنابير

راى قائد الكورولا

العفشة ممتازة وناعمة جدا والعربية بتتحرك معاك على المطبات كقطعة واحدة مش بتهبدك او تحس باى ازعاج وهى انعم من الكورولا

الباور ناعم وممتاز واخف من باور الكورولا
الفرامل ممتازة (هو جربها وكانت العربية عملة 650 كم يعني تقريبا كلن التيل طبع على الطنابير) وحساسيتها رائعة وانا مش حاسس بنقص ال ABS الموجود فى الكورولا وان كان لايعمل فى معظم الوقت

الثبات


العربية ثبتها ممتاز حتى سرعة الـ130 كم مجربناش بعد كده (لما اوصل لسرعات اعلى هقولكوا)
العربية فيه علامة حمراء على 120 لما تتجاوزه لمبة في التبلوه مكتوب عليها 120KM بتنور ومن غير Alarm تن تن تن .....

المناورة بالعربية والتحكم حلو مع ان حجمها مش صغير وان كنت باسوقها بحزر لانى عندى مشكلة انى مش متعود اسوق من غير المراية البنوراما ( اللى هية مراية عريضة زى بتاعة سواقين التاكسى من ساعة ما اتعلمت السواقة وانا باستخدمها وكانت رائعة بس الكل اصر انى لايمكن احطها فى السيراتو – بلاش فضايح - وعلى رأسهم مراتى ptmnlo123per195 ) وبقى اعتمادى على مريات الجانابين اكثر
رد مع اقتباس
  #2  
قديم 23-09-2008, 12:16 PM
ahmed_su ahmed_su غير متواجد حالياً
عضو ذهبى
التخصص العملى: IT Consultant Engineer
 
تاريخ التسجيل: Jun 2008
الموقع: القاهرة
المشاركات: 106
ahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond repute
رد: تقيم السيراتو Ex بعد 1000 كم - بالصور

راى قائد الكورولا
المناورة بالعربية ممتازة وبتاخد غرز على سرعات عالية والتحكم فيها كويس جدا وثبتها ممتاز
مفيش (Alarm) اومنبه لزيادة السرعة سواء زنان (Buzzer) اوضوء فى الكورلا 1600 وكان موجد زنان فى الكورولا 1300 اللى كانت معى قبل دى .

الابعاد



العربية حجمها ممتاز وواسعة ومساحة كبيرة للاقدام فى الامام والخلف حتى لو الكرسى راجع لاقصى مشواره فى مساحة محترمة للركاب فى الخلف وده مرجعه لقاعدة العجلات الكبيرة 2610 مم وكانت قاعدة عجلات عربيتى التمبرا اللى كنت بعتبرها واسعة كانت قاعدة عجلاتها 2520 مم .
وهنا تفاصيل لابعاد العربية



المقاعد



مريحة جدا سواء لمقعد السائق او باقى الركاب وكمان كرسى السائق قابل لتعديل ارتفاعه (فى الموديل ده ) ودي ميزة لانه على وضعه الادنى ماتشوفش الكبوت وبرضه على وضعه الاقصى ماتشوفش الابصعوبة
والمقاعد الامامية مزودة بشكبة فى الظهر يستفيد بها الركاب فى الخلف (بس ياخسارة اتغطت بالفرش اللى عملته للكراسى)
كمان الفرش والتقفيل جودته متميزة وفيه عناية فى الفنشنج عموما
راى قائد الكورولا

العربية واسعة جدا ومن الخلف اوسع من الكرولا بس انا مش عارف قاعدة عجلات الكورلا كام بس لما ترجع الكرسى لاخر مشواره محدش يعرف يقعد وراك الا اذا كان طفل صغير
والكراسى مريحة جدا والفنشنج هايل وفى الكورلا مافيش ضبط ارتفاع المقعد

الشنطة

واسعة بشكل ممتاز وكمان امكانية طى ظهر الكنبة بنسبة الـ 3/1 او الـ 3/2 او كليهما بتدى وسع غير معقول لنقل متعلقاتك واغراضك المختلفة.
بالاضافة لامكانية فتح الشنطة كهربائيا من خلال زر فى التبلوه او من الريموت كنترول ويظهر موشر فى لوحة العدادات ان الشنطة مفتوحة
الاستبن والكوريك فى مكانهم اسفل السجادة وان كانت السجادة فى التمبرا افضل لان بداخلها كرتون مقوى او سولتكس ومقسمة على مرحلتين يعنى ممكن تفتحها على مرتين ومركبة من اطرفها بمسامير فلا يمكن تتكرمش او تنثنى (والله الايطاليين دول محترمين) بعكس السيراتو السجادة طرية وغير مثبت اطرفها وممكن تنثنى بسهولة اوتتشال
الشنطة مزودة بأضاءة
غطاء الشنطة مبطن من الداخل بنفس نوعية فرش الشنطة (فى الموديل ده واللى فيه فتحة سقف فقط)



راى قائد الكورولا

الشنطة
واسعة وكبيرة وتقريبا زى الكورلا من ناحية الاتساع وامكانية طى ظهر الكنبة بس الشنطة فى الكورلا بتفتح من داخل العربية بوسطة كبل سلك مثل الكبوت وتنك البنزين وليس كهربيا ولا من خلال الريموت كنترول
التكيف

ممتاز الى حد كبير وبيوصل لدرجة التبريد بسرعة وبكفاءة التحكم به تاتش Climate Control والشاشة الرقمية الخاص به تعرض وضع التبريد ... التهوية .... التدفئة .... سرعة المروحة ... اتجاه مخارج الهواء ... درجة الحرارة الخارجية ...درجة الحرارة المطلوب الوصول اليها
التكيف مبيأثرش على سحب الموتور غير بصورة طفيفة جدا تاكد تكون غير ملحوظة (بس انا باحسها) وكمان مابيأثرش على الار بى ام دائما ثابت فى مكانه سواء التكيف On أو Off
على فكرة التمبرا القديمة كان تكيفها تاتش Climate Control وهى موديل 93 مش بقلوكو الايطاليين دول ناس محترمين

راى قائد الكورولا

التكيف ممتاز ودرجة تبريده عالية وما شاء الله مابيأثرش على سحب الموتور والتتش دى فكرة ممتازة وعندى فى الكورلا بكر عيب عليهم اوى اشترى عربية بـ 140 الف وتكيفها بكر .

الاضاءة الداخلية

قوية فى الصالون فى منتصف الصالون تعمل مع الابواب وتنطفىء بخفوت بعد 30 ثانية من غلق الابواب او وضع المفتاح فى الكونتكت او مع غلق الابواب بالريموت
يوجد مصباحين للقراءة فوق مراية الوسط Maps Light بمفتاح مستقل لكل منهما ضوءهم قوى وفعال مزودين بعدسة .
مساحة التخزين الداخلية

كتيرة ومتعددة واشرت اليها من قبل فى موضع تغطية السيراتو بالصور
النظام الصوتى

الـ سى دى الكينوود اللى مركبه الوكيل مش وحش وادائه ممتاز وبيشغل Audio,MP3,WMA بالاضافة للراديو.
السماعات عادية صوتها معقول للى استخدامه عادى بس مش جبارة ....عادية مش سيئة
سماعاتين فى الابواب الامامية واتنين على الرف الخلفى.
الايريال كهربائى وبيعمل اتوماتكيا مع الردايو (بس هو مودة قديمة – كان المفروض يبقى مدمج فى الزجاج مثلا بدل من الميكانزم والذى قد يتعطل بسهولة)
بس كان من الافضل انها تنزل بالـ سى دى الاصلى اللى راسم الكونصول الاوسط بطريقة رائعة …بس نعمل ايه بقى فى التوكيل اللى لازم يحلق لكل حاجة فى العربية …. وده موضوع لسه هنتطرق له فيما بعد

رأى قائد الكورولا
الاضاءة ممتازة ولايعيبها شىء واماكن التخزين حلوة وكتيرة و لاتقل عن الكورلا و الـ سى دى ممتاز والصوت انت مش عايز احسن من كده .

الفوانيس



شكلها حلو وبسيطة التصميم بس شكلها تقليدي اضائتها قوية والضوء الواطي بيفرش حلو ولمسافة طويلة بدون مضايقة السيارات المقابلة والضوء العالي قوي ويمتد لمسافة شاسعة
الانوار لو نسيتها مفتوحة اول ماتفصل مفتاح الكوننتكت وتفتح الباب النور يقفل اتوماتكيا

الفوانيس الخلفية



بسيطة التصميم وذات اضاءة قوية وواضحة

زراع النور الرئيس والاشارات تحس انه ردىء الصنع نسبيا وغير مضىء التمبرا هذه الزراعات كانت مضيئة وتعرف تقراءة المعلومات اللى عليها فى الظلام
نفس الكلام ده فى الكورولا ولا لاء نسيت اسئل مصطفي

العزل

العزل في السيراتو ممتاز وتقدر تقول انه رائع بمجرد ماتقفل الزجاج تبقي في جو تاني لادوشة طريق ولا موتور ولا دوشة الاطارات

رأى قائد الكورولا
العزل ممتاز ميقلش عن الكورلا في حاجة .
الاطارات

Kumho Solus KH15 مقاس 15/185/65
ولقيته علي النت بيسمي Low Noise tire




وهو فعلا هادئ وقليل الضجيج الي حد كبير
ولما شوفت راى صديقي العزيز مصطفي في العربية خلاني ادور على النت اشوف راي الاخرين لقيت الامريكان بيسمو الاسبكترا 2008 اللي هي السيراتو الكوريان كورولا Korean Corolla بس طبعا هناك كاملة من غير مابيعملولها Downgrade انما هنا .... حدث ولا حرج.


نيجي بقي للحاجات اللي موجدة في العربية في كل الدول ماعدا مصر (ادعو لتوكيل العربية)

قائمة المحلوقات

(مش الملحقات) نسبة الى الحلاقة يعنى الحاجات المحلوقة او متشالة من العربية

فرامل ايه بى اس



اير باج



السى دى الاصلى



مدخل لل اى بود



تدفئة الكراسى



(مش مهمة اوى فى مصر )


شعار كيا النيكل من عجلة القيادة



ضوء التوقف الخلفى


غمازات الرفرف



عواكس فى الاكصدام (شبورة خلفية)






(حتى دى!!!!!) حاجة تقرف


عواكس الابواب



غير مضيئة هنا


غطاء المحرك

الكبوت متبطن


الفبرة اللى مغطية الموتور من غير ولا كلمة... برة موجود عليها اسم كيا بالنيكل




الريموت كونترول



برة ليه اوبشن بضغطة واحدة تفتح باب السائق بس وضغطتين تفتح ال4 ابواب هنا لاء وكمان اللى هنا واخدين منه الليد اللى بيبين الضغطة على مفاتيح الريموت كنترول.



حامل اكياس المشتروات



ازالة الشبورة من المريات




الطفاية الخلفية




درج القفزات

به أضاءة داخلية واستك لحفظ الاوراق ويمكن غلقة بالمفتاح





اجمالا ده انطباعى عن العربية (وانطباع صاحبى كمان ) فى اول 1000 كيلومتر أتمنى من الله انه يدوم ويبركلى فيهاوتكمل على خير

وموعدنا ان شاء الله فى التقيم القادم بعد اول صيانة (5000 كم ) وبالمرة يشمل تقيم الوكيل
دعواتكم
__________________
رد مع اقتباس
  #3  
قديم 23-09-2008, 12:18 PM
ahmed_su ahmed_su غير متواجد حالياً
عضو ذهبى
التخصص العملى: IT Consultant Engineer
 
تاريخ التسجيل: Jun 2008
الموقع: القاهرة
المشاركات: 106
ahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond reputeahmed_su has a reputation beyond repute
افتراضي رد: تقيم السيراتو Ex بعد 1000 كم - بالصور

معلش فيه بندين نسيت اضيفهم للتقرير

1- الكلاكس صوته مش قوى هو مش ضعيف بس مش ملائم على حجم العربية محتاجة حاجة اقوى شوية.

2- عند استخدام زرار قفل التحكم فى النوافذ للركاب لا يستطيع السائق ايضا التحكم فى نوافذ الركاب الا اذا قفل هذا الزر (حركة غبية ptmnlo123per111 )
رد مع اقتباس
  #4  
قديم 26-09-2008, 05:24 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: تقيم السيراتو Ex بعد 1000 كم - بالصور

موضوع موسوعى واكثر من رائع زى موضوعك الاولانى واكتر تسلم ايدك وعدت فاوفيت ولى الشرف ان اكون اول من يعلق عليه

وفى انتظار تقاريرك القادمة بأذن الله
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #5  
قديم 26-09-2008, 12:39 PM
الصورة الرمزية taha_elgazzar
taha_elgazzar taha_elgazzar غير متواجد حالياً
من انا؟: مهندس ميكانيكا
التخصص العملى: مهندس ميكانيكا
هواياتي: لعب كرة القدم
 
تاريخ التسجيل: Jun 2008
الموقع: القاهرة
المشاركات: 92
taha_elgazzar will become famous soon enoughtaha_elgazzar will become famous soon enough
افتراضي رد: تقيم السيراتو Ex بعد 1000 كم - بالصور

الله ينور يابو حميد تقرير شامل ووافى
ربنا يبركلك فيها ويكفيك شرها
وبجد حببتنى فى السيراتو
__________________

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ
إذا كانت الدنيا بحر من الهموم********فسر فيها بقارب من الصبر

ptmnlo123per1120
رد مع اقتباس
إضافة رد

الكلمات الدليلية
kia, كيا سيراتو

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:29 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017