|
#1
15-01-2014, 11:32 PM
|
|||
|
|||
عربيتي اتخبطت وهي مركونة ارد ع البارد ولا السخن
الحمد لله ع كل شيء
عربيتي البيكانتو راكنة تحت البيت اتخبطت واحدة ست ربنا يجازيها دخلت فيها بعربيتها التريوس طبعا خدت الباب اللي ورا السواق المهم طبعا انا بصلحها ع حسابها لان انا مليش زنب العربية مركونة في امان الله لا بيها ولا عليها هي داست بنزين ودخلت فيها فرديتها ع البارد بس طبعا باين ان الصاح مبعكك كده زي مجعد وانا بصراحة يهمني شكل العربية وطبعا الحيرة اسيبها ع كده ولا اعملها ع السخن وارش الباب ده وخايفة الليون ميظبطش وخصوصا ان لونها محير لونها مشمشي بس انا كنت ناوية ارشها كمان سنة اكون جرحت فيها شوية محترمين فيه ناس بتقلي سبيها كده علشان تمنها مينزلش لو هتبيعي بس انا مش هبيع دلوقتي انا لسه قدامي كام سنة كمان بس هل رش العربية ينزل من تمنها جامد العربية فابريكة والله فابريكة جوه وكانت بره بس اهي مبقتش فابريكة يلا النصيب فالرش ينزل من تمنها قد ايه ولا امشي بيها كده وابقي مضايقة ان عربيتي مش نضيفة وبرضه لو حبيت ابيعها اكيد هيقلولي دي واخدة خبطة اهي يا مدام صح وبرضه ينزلوا من تمنها التعديل الأخير تم بواسطة ام روجي ; 15-01-2014 الساعة 11:38 PM 
|
|
#2
15-01-2014, 11:47 PM
|
||||
|
||||
|
رد: عربيتي اتخبطت وهي مركونة ارد ع البارد ولا السخن
والله يا ست الكل انا واحد من الناس اللى مش مؤمنه بمبداء الفابريكا بره وجوه ده
انا اهم حاجة عندى اساسيات العربيه ميكانيكا وعفشه ودواخل فابريكا ولما بشترى مستعمل والاقى عربيه صاجها مبعكك وطبق ولا فيه خدوش وفابريكا بره وجوه مببصلهاش لانى مش همشى بيها كده وهضطر ارشها موضوع انه بينزل من تمنها اكيد طبعاً التجار واللى بيشترى بيستغل اى حاجة ينزل بيها من قيمة العربيه اصلها راشه خوارج اصلها متجرحة وهكذا المهم والكلام المفيد كله فى ان حضرتك تعملى العربيه ومتمشيش بيها وشكلها مش عاجبك وتعمليها فى مكان كويس علشان ممكن الصنايعى يرجعها بنفس اللون والدرجة وفينش زى الفابريكا وممكن واحد تانى يهين العربيه ويخسر من قيمتها فعلاً
|
|
#3
16-01-2014, 12:57 AM
|
|||
|
|||
رد: عربيتي اتخبطت وهي مركونة ارد ع البارد ولا السخن
والست اللي خبطتها هي قالت هتصلحها تبعها عند ناس تعرفهم
|
|
#4
16-01-2014, 01:02 AM
|
||||
|
||||
|
رد: عربيتي اتخبطت وهي مركونة ارد ع البارد ولا السخن
السلام عليكم ورحمة الله وبركاته
الف سلامة وفداكى وفدا بنتك هكلمك على الفيس او التليفون للاطمئنان عليكى وقدر الله وما شاء فعل ايه الموضوع دى تانى مرة الشهر ده العربية تتخبط امام البيت انا شايفه انك تظبتيها على الساخن وترشيها بس فعلا عند حد كويس تمام مثل ما قال م/وائل علشان تكونى نفسيا مرتاحة من شكلها بس شوفى صنايعى شاطر سلامتكم بالدنيا 
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم
|
 |
|
|
