نجوت من حادث فظيع

[ahmed el gendy]

يا جماعه انا كنت ماشي علي 100 هي 100 دي سرعه يتمشي لها في اقصي اليمين ولا اعمل ايه يعني 100 دي سرعه قليله قووي في مصر انا مش فاهم انتم بتغلطوني علي اي اساس اصلا وعلي فكره الطريق اللي كنت ماشي عليه حارتين رايح وحارتين جااي وبيمر علي ارياف يعني مش ماشي ع الدائري ولا الصحراوي عشان ازود عن 100 انا شايف ان اللي يزود عن 100 اصلا ف طرق زي دي هو اللي يستاهل اللي يحصل له

[احمد على 1999]

على فكرة يا استاذ احمد انا لو مكانك كنت حعمل اللى انتا عملته بالظبط

[crime]

يا باشا الحمد لله ان انت سليم وان انت عرفت تتصور الوضع قبل حدوثه والا كانت العواقب وخيمه بس اللى انا مش فاهمه هوا بتاع الكارو كان ماشى ف نص الطريق ولا ايه

[mhamdy75]

1000 مليون حمداً لله على سلامتك

[ahmed el gendy]

المشاركة الأصلية كتبت بواسطة crime يا باشا الحمد لله ان انت سليم وان انت عرفت تتصور الوضع قبل حدوثه والا كانت العواقب وخيمه بس اللى انا مش فاهمه هوا بتاع الكارو كان ماشى ف نص الطريق ولا ايه

بص يا باشا هو اللي حصل كان فيه عربيه نص نقل ماشيه في اليمين علي 80 تقريبا وانا كنت ماشي علي 100 فانا سبقت النقل بمسافه كويسه بس تعدي منها نقل بمقطوره يعني لان فرق السرعه مكنش كبير والباشا بتاع الفيرنا جاي بقي طاااااااااااااااير علي 140 ع الاقل طبعا عدي النقل من الشمال عادي و وصل وبقي ورايا ف 5 ثواني يعني وجيه يعدي من الناحيه اليمين اللي جنبي طبعا الباشا معدي وحاطط في بطنه بطيخه صيفي من البطيخ الصحراوي طبعا لقي قدامه الكارو راح كاسر عليا وكل ده في ثواني يعني الباشا بتاع الفيرنا جيه من ورايا لجنبي وكسر عليا كل ده في مالا يزيد عن 3 ثواني فا انا كل اللي شفته من المرايا ان الباشا اللي ورايا لو مخبطش فيا هيخبط في الكارو فكل اللي كنت اقدر اعمله اني رعشت فرامل عشان لما يتفأجأ بالكارو اللي قدامه يكسر عليا ويعدي من غير ما يخبط فيا ولا يخبط في الكارو الحمد لله عدت علي خير بس بيني وبينكم ف اول زحمه وقفت وراه وقعدت اقلب له نور وكان نفسي انزل اهزقه