|
#1326
28-10-2010, 08:12 PM
|
||||
|
||||
رد: أدب الرحلات
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#1327
28-10-2010, 09:13 PM
|
||||
|
||||
|
رد: أدب الرحلات
ونكمل الفيلم
المرافق فى المستشفى كانت الى حد ما معقولة يعنى كهرباء 24 ساعة خزان كبير للمياه وصرف صحى جيد لم يكن هناك مشكلة الميه كانت بتيجى من الأسكندرية وعلى حد ما علمت ان المياه تبقى موجودة من الساعة 7ص - 11ص وبس يعنى اربع ساعات ودى فترة كافية لكل واحد انه يملأ خزان المياه الخاص بيه علشان يكفيه باقى اليوم ( كل البيوت تقريبا كان فيها خزانات ) ضواحى الضبعة لم يكن هناك نظام صرف صحى جيد وإنما نظام بيارات الوضع مختلف فى القرى التابعة للضبعة الكهرباء لا تتواجد الا 8 ساعات فقط من 4 م - 12 ص ده ان كان فيه كهرباء اصلا الأماكن البعيدة عن العمران لا لوجود لوصلات مواسير مياه وكان الناس فى المناطق دى بيتغلبوا على مشكلة المياه انه يبنى خزان مياه كبيير 10متر مكعب مثلا ويجيب تانكر مياه من المدينة ويملا بيه الخزان ده وبكده الميه تكفيه لمدة اسبوع او اكثر حسب الإستعمال بالليل فيه انارة هالوجين للشوارع الرئيسية فقط فى المدينة وباقى الشوارع جهود ذاتية لا يوحد اى اماكن للتسلية او التنزه او الفسح فى المدينة يعنى مفيش سينما او كافتريات او متنزهات وكانت فسحتنا الوحيدة فى البلد نخرج باليل فى اشهر الصيف ونفضل نتمشى لحد ما نوصل الطريق الساحلى ونكمل فيه شوية وبعدين نرجع البلد فعلا كانت هادية ورغم انى ما حبتهاش الا انى الفترة اللى كنت بقضيها فيها بحس براحة البال وهدوء الأعصاب مفيش مشاكل ومفيش دوشة ولا دياوله اهل البلد كانت معاملتهم جافة بعض الشيء ويغلب عليها البدواه اكثر من المدنيه اللهم الا من فئة المتعلمين منهم تجد فيهم من يمكن ان يتفهمك ويحاورك مرة اخرى الكلام ده كان من عشرة سنوات ويا عالم الأحوال ايه النهاردة
__________________
د / محمد إن الله لا يصلح عمل المفسدين
|
|
#1328
28-10-2010, 09:41 PM
|
||||
|
||||
|
رد: أدب الرحلات
شخصيات قابلتهم هناك
د / أحمد احمد ده كان من محافظة الشرقية وتقريبا من مركز ابو حماد وكان دفعتى متكلف على الضبعة وكان استلم قبلى باسبوعين ولما قابلنى وجدته انسان طيب جدا جدا ولا ابالغ ان قلت انه من اطيب الناس اللى قابلتهم فى حياتى بل يمكن اطيبهم على الإطلاق وتحس انه من فئة الناس الطيبيين اللى انقرضوا من زمااااااااان احمد ده كان مقدم على تظلم زى علشان يروح محافظة الشرقية وكان مستنى نتيجة التظلم لأنه كان وحيد الأب والأم وكان يقولى انه فضلة عيله ولما سألته قلتله يعنى ايه قالى انه ملوش اخوات او اعمام واذا كان له اعمام توفوا وملهمش اولا ذكور كان دايما حريص على الصلوات فى مواعيدها سواء فى المسجد او منفرد وكنت اشوفه يقرأ القرآن كتيير ودايما في عينيه حزن ولما اسأله مالك يا احمد يقولى دى اول مرة فى حياتى اتغرب عن اهلى ومش واخد على كده ده كان ساعات يبكى تخيلوا كان عامل زى السمك اللى خرج من الميه والميه هنا بيته واهله لما نزل اول اجازة ورجع حكى لى ازاى امه وابوه قابلوه وكأنه كان غايب عنهم سنين مش اسبوع ولا اتنين بس الحمد لله نتيجة التظلم بتاعته طلعت وتم قبول التظلم ورجع الشرقية وطبعا مشفتوش بعد كده الله يمسيك بالخير يا أحمد تستاهل كل خير
__________________
د / محمد إن الله لا يصلح عمل المفسدين
|
|
#1329
28-10-2010, 10:04 PM
|
||||
|
||||
|
رد: أدب الرحلات
د / سيد
وده كان من اسكندرية وبالتحديد من القبارى على ما اذكر سيد هذا كان ملتحى بانطلوناته كلها مقصرها عنده حرص على الصلوات كلها فى مواعيدها فى المسجد وكان يقوم يصلى الفجر فى المسجد فى الشتاء البارد القارس - اللى سافر مطروح يعرف يعنى ايه برد مطروح فى الشتا - على الرغم من انه كانت بتجيله نوبات ربو شعبى وتسمع نفسه تلاقيه مزيق والبخاخة معاه بصورة شبه دائمة ومع ذلك كان بيقاوم ويروح يصلى فى البرد كان يحب الكورة والشيكولاته والآيس كريم ولما كان يخرج يشترى حاجى لينا او للسكن كان لازم يرجع ومعاه شيكولاته او آيس كريم وكنت اقوله انت بتحسسنى انك لسه طفل يا سيد كان يقوم بعمله على اكمل وجه عنده ضمير فى شغله وراجل فى تعاملاته مش عيل يخلع وقت الجد يحب الخير للناس ومش بتاع ضرب زنب فى زمايله عند المدير جسمه كان نحيف شوية وكان اقل واحد ياكل فينا ساعة الغذاء , ومع الوقت عمل صداقة مع بعض شباب الضبعة وكل يوم جمعه ساعة ما يكون موجود يتفق معاهم ويلعبوا كورة مش عارف فين كانوا بيلعبوا فى ملعب ولا منطقة واسعة كده وخلاص لما كنت ارجع من الأجازة كانت الست الوالدة تدبحلى كام فرخة بلدى اصلى واللى اكل الفراخ البلدى الاصلى دى يعرف ان حجهما بيكون صغير مش زى الفراخ البيضاء او الهجينى كبيرة الحجم , المهم ارجع السكن ولما يقابلنى يقولى جبت معاك حاجه اقوله فراخ يقولى وهو بيضحك الفراخ اللى عندها سل دى ( فكرنى بسمير غانم فى مسرحية المتزوجون)
__________________
د / محمد إن الله لا يصلح عمل المفسدين
|
|
#1330
28-10-2010, 10:49 PM
|
||||
|
||||
|
رد: أدب الرحلات
د / منير
د/ منير ده كان حكاية ده كان دكتور تكليف عنده 55 سنة مسيحى قاهرى غير متزوج ( من القاهرة يعنى) وفى احدى جلساتنا استغربت وسألته ازاى حضرتك فى السن ده ولسه تكليف فقالى انه ساب كلية الطب فى البكالوريوس وبعدين لما كبر كده طلع قرار رئيس جمهورية ان اى طالب مكملش البكالوريوس ممكن يرجعله تانى ( مش عارف ازاى ده وامتى القرار ده نزل بس ده اللى حصل) فالراجل حن للطب تانى وذاكر وامتحن ونجح وحصل على البكالوريوس وساعة التكليف رغم انه كان لظروف سنه ممكن يتكلف فى القاهرة الا انه فضل مطروح وعرفت انه بيحب البحر فذلك اختار مطروح طيب هى الضبعه فيها بحر انت بينك وبينه مسافه ومرضيتش اسأله هو لسه لم يتزوج الى الآن ملحوظة : الدكتور بعد ما يخلص الطب لازم يقضى فترة التكليف قبل ما يقرر ياخد تخصص فى فرع من فروع الطب زى الجراحة او الباطنة مثلا يعنى كله بيتخرج ممارس عام وبعد ما يخلص التكليف يقوم يختار التخصص ويحضر الدبلوم او الماجستير د/منير كان منظم جدا ويصحى فى ميعاد وينام فى ميعاد وكان له طقوس غريبة كان مستولى على دولابين فى وقت ما ولما يفتحهم تجد زجاجات المياه المعدنية الفارغة يقوم يملأها ميه عادية من الخزان بتاع المستشفى ويحتفظ بيها فى الدولاب طيب بيخزن الميه ليه مش عارف كان يفضل يشتغل طول الشهر وينزل اجازته الشهرية بانتظام ولما يرجع الاقيه شايل لكل واحد مننا تسالى كان يعمل خلطة عبارة عن لب اسمر وابيض وفول سودانى ويوزع علينا كل اجازة فترة الصوم الصغير او الكبير بتاع اخوانا المسحيين تجده ملتزم تماما ولا يأكل اى حاجة فيها الروح وكان معظم اكله فى فترة الصيام يقوم يعمل حلة فول مدمس ويحط عليها بصلتين على طماطم على زيت وياكل سألته ملكش اخوات قالى كلهم مهاجرين كندا وتقريبا كانت له اخت وحيدة عايشه فى القاهرة اكتر صفه حلوة فيه كانت حياءه ولا يضع نفسه فى مواقف محرجة الله يمسك بالخير يا دكتور منير اذا كنت لسه عايش
__________________
د / محمد إن الله لا يصلح عمل المفسدين
|
 |
|
|
