|
#1271
19-10-2010, 02:05 AM
|
||||
|
||||
رد: أدب الرحلات
حسبى الله ونعم الوكيل فيك ياعملى الردى بسلامتك هايص وانا جالى تليفونين قلقونى على سيادتك وطول اليوم ماسك نمرتك موراييش غيرك وسبنا الشغل علشان سيادتك وانت بسلامتك هايص ومبروك ياعم المعزة الجديد ة ههههههههههههه ربنا يديك خيرها ويكفيك شرها اللهم آمين وانت كنت كاتب ايه خليت حازم خضر يعمل له تعديل التعديل الأخير تم بواسطة خالدخليفة ; 19-10-2010 الساعة 02:23 AM 
|
|
#1272
19-10-2010, 04:28 AM
|
||||
|
||||
|
رد: أدب الرحلات
لا هومش كاتب حاجه بس كان كل مشاركه باقتباس فجمعت اربع او خمس مشاركات
و ان شاء الله ناوي اعمل كده في كل مشاركاته هو كروسير بس افوق من اللي انا فيه حيوصل عدد صفحات الموضوع للربع.
__________________
حـازم خـضـر
|
|
#1273
19-10-2010, 05:11 AM
|
||||
|
||||
|
رد: أدب الرحلات
يوم مع جمال
وجمال حبيبى اللذيذ كان فى يوم معنديش شغل كتير وخلصت بدرى وهو مكانش فى سفر معانا فخرج يشوف اكل عيشه على التاكسى وفوجئت بتليفون جالى مين يافندم ادينى الأستاذ خالد السكرتير /نقول له مين الأسطى جمال و..رن الجرس عندى واحد بيقول ان اسمه الاسطى جما ل ابتسمت وقلتله اديهولى ازيك ياجيمى ازيك ياخلودة خير ياجيمى وراك حاجة النهاردة ؟؟؟؟ لا هتخلص شغل امتى بعد ساعة بالكتير خلاص الساعة دلوقت 3 على م تصلى العصر هكون جيت نتفسح سوا ماشى مع ان المدام والاولاد لو عرفو كده هيحقدو عليك لانى مش بتاع خروج ههههههههههههه بس انا حبـيـبـك ماشى ياعمنا وفعلا جالى بعدها بحوالى ساعة كنت قربت اخلص شغل وخلصت وخرجنا هتودينا فين ياجيمى انا هوديك حتة مكان انما ايه 100 % ماشى واحنا ماشيين شاورت لنا واحدة ست كبيرة فى السن بولاق يابنى اتفضلى ياحاجة بينى وبينكم انا اتغظت فسحة ايه دى وسكتت وقلت ف نفسى / رزقه برضه وتلاقيها فى سكتنا ولكن الست مقعدتش ساكتة شد حيلك يابنى عايزة الحق البت (بنتها ) جمال (مش يسكت ؟؟ طبعا لأ ) / مالها ياحاجة الف سلامة عليها مش عيانة يابنى دى اتجوزت واد عايز ضرب الـ......... جمال / ماله فى بالى / انت مالك ياعم انت الست / ده انا صرفت عليهم وجوزتهم لان بسلامتها بتحبه ومدفعش قرش تعريفة لحد م اتجوزها جمال / وبعدين ياحاجة وانا وصلت الى قمة الغيظ ولكن فضلت ساكت الست / ابدا تقوم البت تظبطه ماشى مع واحدة تانية؟؟؟ جمال / عيب طبعا طلقيها منه يخرب عقلك ياجمال وصرخت فيه /انت مجنون ؟؟؟؟ تحرضها على الطلاق ثم انت م سمعتش الطرف التانى جمال / يعنى الست هتكدب ليه ؟؟؟؟ ماهى باين عليها ست محترمة اهى انا فى بالى / ايه الاحراج الادبى ده وقلت / يابنى مقلتش بتكدب بس نقول لها تسمعه وتصالحهم جمال / ياعم دى بتقول لك ماشى مع واحدة تانية مش هينفع صلح وانا تقريب طلعت دخااااااان يابنى انت عايز تخربها ؟؟؟؟؟؟؟؟ الست / سيبه يااستاذ ده بيتكلم صح انا هخرب بيته بس لما اوصل له ونزلت بولاق وانا مسكت جمال نفضته ووضبته لقيته بيضحك وبيقول /اصل انت على نياتك لو انا مهاودتهاش مش هتدفع البنديرة وحصلت معايا قبل كده والزبونة اتخانقت معايا وفرجت عليا الناس لانى قلت لها انتى غلطانة واندهشت وسكتت ولسه هاخد نفسى من الكلمتين دول واحد شاور الهرم اركب انا / هتفسحنا امتى ؟؟؟؟؟؟؟؟؟؟؟؟؟ م انت بتتفسح اهو هى دى فسحتك ؟؟؟؟؟؟؟ ضحك وقال / هنقعد دلوقت ركب زبون الهرم الطالبية يااسطى حاضر قل لى نعم انت مودى الباشا فين ده صاحبى وحبيبى اهلا وسهلا انا / اهلا بيك طيب طالما كده ودينى فندق 3 بيراميدز عينى ياباشا انت ممكن توصل المدام مشوار كده عينى ياباشا فين ان شاء الله الماظة حاضر ياباشا واختفى الرجل داخل الفندق وخرج بعد حوالى 5د قايق ومعاه واحدة واضح جدا انها مش المدام وانها الجيرل فريند شكلها لايختلف كثيرا عن الراقصات انت هتركب دى ياجمال؟؟؟ يعنى هيا هتبات هنا ؟؟؟؟؟؟؟؟ههههههههههه اتفرست وسكتت وهااااااااااااات يارغى مع جمال وانا هتــنـقـط وصلناها الماظة وهيا نازلة كام يااسطى (بمياصة ) اللى تدفعيه دفعت 100 جنيه وقالت / حلال عليك (برضه بمياصة ) وغمزت لى ومشيت بوقاحة ودخلت العمارة اطلع ياجمال واقف ليه ؟؟؟؟؟ اصلها حلوة اوى ياخلود يمكن تعوز حاجة وفجأة الحق ياخلود دى بتبص لى وبتشاور جمال / فى حاجة؟؟؟؟ شاورت عليا وقالت / انا عايزة خدمة من الاستاذ جمال غمز لى / ايوه ياعم الله يسهل لك اختشى ياجمال وقلت لها وانا مازلت داخل التاكسى / افندم انزل كلمنى انت خايف؟؟؟؟؟ (برضه بمياصة ) جمال مبتسما ابتسامة بلهاء / آجى انا ؟؟؟ لا ......مش هتعرف تقوم بالخدمة دى انا / خير عندى جن فى الدولاب وعايزاك تقرا عليه قرآن لانى خايفة اطلع الشقة وحدى آسف مبطلعش شقق جمال بنفس الابتسامة البلهاء / أنا بعرف أقرا قرآن كويس بغضب وشخطت فيه / قلت لك انا عايزة الاستاذ انا ركبت التاكسى وقلت / اطلع ياجمال خليك شوية ياخلود كده تحرجها ؟؟؟ امشى ياجمال جمال بهزار / انت خايف تطلع الشقة ؟؟؟؟ والله شكلك مبتعرفش !!!هههههههههههههههه انا بغضب / مبعرفش ايه ؟؟ انت مجنون؟؟؟؟؟؟؟؟؟ جمال بخبث / أقصد مبتعرفش تقرا قرآن هههههههههههههههههه ومشينا وتركناها واقفة امام العمارة انا / انت هتودينا فين بيومك الأبيض ده ماشى ياعم فى مكان حلو هنا وفوجئت بيه بيركن تحت كوبرى الكيلو 4.5 طريق السويس ودخل على واحد بيعمل شاى فارش فى الشارع تحت الكوبرى وحواليه سواقين تاكسى كتير واقفين حواليه ايه ده ياجمال ده اجدع واحد بيعمل شاى كشرى وهنقعد فين ؟؟؟؟ متخافش على البدلة ونادى على الراجل هات شلتة للباشا والراجل مشكورا جاب شلتة وقعدنا على الرصيف هيا دى الفسحة ياجمال ؟؟؟؟؟؟ ده مكان جميل ايه الجميل فيه ؟؟؟؟؟؟ شوية الشاى دول هههههههههههههه وشربنا الشاى ومشينا روحنى البيت استنى بس عايز ايه اقعد معايا تونسنى اونسك ده ايه ؟؟؟؟؟؟؟؟؟؟ ياعم انا همشى والله م انت ماشى وهزعل لو مشيت وبصراحة كلمة هزعل رجعتنى اعمل ايه ؟؟؟؟بحبه رغم حركاته اللى بتطلع من نافوخى وبعد الشاى ركبنا التاكسى مشينا وواحدة شاورت عباس العقاد ؟؟؟ تعالى ركبت وهاااااااااات ياكلام وجمال معاها هااااااااااات ياكلام واحد شاب صغير / العباسية ؟؟؟ اركب / انت رايح الجامعه ايوه الشاب / شد حيلك يااسطى عايز الحق المعاد بتاعى جمال / الموزة بتاعتك ؟؟؟ انا / ايه اللفظ ده ياجمال الشاب / هو بيتكلم صح فعلا الموزة بتاعتى ؟؟ وانا اتغظت / ايه الكلام الفارغ ده جمال / تعرفها من امتى ؟؟؟؟؟ الشاب / من كام شهر بس مستعصية عليا لحد دلوقت جمال / شوف غيرها الشاب / مش قبل م اخد حقى منها وانا اتـفـلـقـت وقـلت بغيظ / نزلنى ياجمال ضحك وقال / خلاص هسكت الشاب / الباشا ماله ؟؟؟؟ زعلان من حاجة؟؟؟ وكمل كلامه / المهم بقى البت دى .................. قاطعته / ممكن تقعد ساكت ؟؟؟؟؟؟؟ بقلة أدب / انا حر محدش يقول لى اسكت انا اقول اللى انا عايزه ثم وجه كلامه لجمال / جرى ايه يااسطى قول لصاحبك ميتحشرش وانا اتفرست اكتر وروحت قايم عليه / متحشرش ياقليل التربية يامهزء والله م اسيبك وروحت ضاربه بالبوكس فى وشه وناولته التانى والواد خرج دماغه من الشباك وصرخ / الحقووووووووونى انا مخطوووووووووف الحقوووووووووونى جمال راح واقف وقال له / معلش حقك عليا انا وانا اتجننت / انت بتعتذر لـ ....ده وروحت نازل وفتحت باب التاكسى الخلفى ومسكت الواد من دراعه ونزلته بالعافية ورميته بره التاكسى وركبت وسبناه عمال يزعق ويشتم اطلع ياجمال زعل / ياعم خالد عملت كده ليه؟؟؟؟؟؟؟؟ اقف ياجمال ياعم انا بكلمك عادى هتزعل ليه ؟؟؟؟ انا / آدى بنديرة الحيوان اللى انا ضربته ده ودفعت له 10 جنيه وقتها كانت كتير من عباس العقاد للعباسية (من 10 سنين ) استنى بس ايه فى ايه كتير كده ليك 4 جنيه هههههههههههههههههه انفجرت فى الضحك ضحك وقال /اركب بس بعد عدة محاولات ومحايلات ركبت وادانى ال10 جنيه وحلف م ياخدها وقال / عيب والله م اخد حاجة طيب اعتـقـنـى انا عايز اروح بـيـتـنـا والله م اسيبك انت منورنى النهاردة ومشينا شاورت بنت شكلها طالعة من كبارية وبعدين فى اليوم ده بقى ؟؟؟؟؟؟؟؟ مدينة نصر ؟؟؟ اركبى روحت نازل مسكنى من ايدى وضحك وقال / والله م تنزل ركبت وقالت البنت / والله يااسطى عندى مشكلة عايزة اخد رأيك فيها انت والاستاذ جمال بلا تردد / خير وانا اتحرق دمى وقلت ف بالى / احنا مالنا بس وايه الاسرار دى ؟؟؟؟الناس م بقـتـش تختشى وبتحكى اسرار البيوت لاى حد ؟؟؟؟ البنت / بحب واحد من 3 سنين وهو بيحبنى جدا.......واتقدم لى كذا مرة ووالدى رفضه جمال / ليه ؟؟؟؟ بيقول عليه صايع هو مبيشتغلش ؟؟؟؟؟ لأ بس هو بيدو ر على شغل يكون كويس ومرتبه كويس ومريح انا / ولحد م يلاقى الشغلة التفصيل دى هيصرف على نفسه ازاى ؟؟؟ وهيصرف عليكى ازاى؟؟؟؟ البنت / مهو بياخد مصروف من والده بغيظ / طيب هيتجوزك ازاى ؟؟؟ المهم انه يتقدم لى وبعد كده ربنا يسهل طيب مهو والدك عنده حق جمال خائفا من غضب الزبونة / عنده حق ازاى بس بتقول لك بيحبو بعض بجنون واكمل كلامه وسألها سؤال خبيث / انتى رايحة له البيت ؟؟؟ أيوه علشان اشوف هنعمل ايه ؟؟؟؟ و سأ ل سؤال اخر اكثر خبثا / ووالده ووالدته موجودين فوق ؟؟؟؟ لأ هما مسافرين جمال بكل خبث / كويس علشان تعرفو تـنـاقـشـو مستـقـبلكو براحتكو وابتسمت البنت وانا اتجننت وقلت / ازاى تروحى له البيت وهو لوحده فيه بوقاحة /طيب وفيها ايه هو هيخطفنى ؟؟؟؟؟؟؟؟؟ انا بغيظ / لا العفو هتقرو قرآن سوا وبغتاتة / الاستاذ لذيذ خالص انا فعلا بفكر نقرا قرآن انا وهو ونصلى جماعة بعد كده انا / انت بتـتـريقى يابنت الرفضى ؟؟؟؟ (شتيمة انقرضت من سنة 1923) انزلى ياصايعة جمال ضاحكا / اهدى بس هيا متقصدش تتريق عليك دى حتى باين عليها بنت ناس (وغمز لها ) البنت / انا اسفة يااستاذ مقصدش ازعلك انا بهزر معاك وصلنا على م اعتقد مصطفى النحاس ونزلت ودفعت مبلغ كويس واعتذرت لى ومشيت ودينى البيت ياجمال لا والله ده انت يومك لذيذ والله ايه الشئون الاجتماعية دى ياجمال ؟؟؟؟؟؟؟؟؟؟؟ وانت طول النهار حلال (بتشديد اللام والالف ) العقد (بضم العين وفتح القاف ) والمشاكل ؟؟؟؟ هههههههههههههه هو التاكسى كده ده انا مرة طلقت 3 ف يوم وقومت كام واحد على جيرانهم او قرايبهم وزمانهم فى السجن بعد م سمعو كلامى و قتلوهم ههههههههههههههه يخرب عقلك ياجمال ايه اللى بتعمله ده ادينى بتسلى وبسلى الزباين وشاور واحد خليجى وقال بعنطظة حلوان ياولد اركب ياباشا انا هركب بالعداد عاجبك والا لأ ماشى ياحاج وانا اتغظت من هذه العنطظة وسكتت الخليجى / صار لى ساعة ونص واجف على رجلى بوجف تاكسى كل م اجول لواحد هركب بالعداد يسيبنى ويمشى ايش هادا وايش جيمته (قيمته) العداد طالما مو بتستخدموه عنده حق طبعا لكن هنشرح له ايه ؟؟؟ وفجأة صاحبنا الخليجى بقلاطة قال / جول لى نكتة ياولد جمال / حاضر مرة قـبـضو على نكتة ماشية فى الشارع ليه ؟؟؟ ليش موتت واحد من الضحك ههههههههههههه سخيفة لكن الخليجى ضحك وقال / جول واحدة تانى عينى مرة مدرسة بتقول للاولاد فى الحضانة اللى هيعد من 1 الى 10 هديله بوسة فقام ولد من الاولاد وقال ولو عديت لحد 100 هتعملى معايا ايه ههههههههههههه اسخف من اللى قبلها لكن صاحبنا الخليجى فطسان على روحه من الضحك جول تانى ياولد جول تانى واستمر جمال فى نكته السخيفة لحد م وصلنا حلوان ونزل الراكب ووشه احمممممممممرررررررررررر من الضحك كام ياولد ورينى العداد جمال شاور على العداد والراجل لقى مكتوب 9.99 جنيه (وقتها كان العداد فيه خانة للقروش والملاليم ) لكنه قرأها 999 جنيه واخرج من جيبه 1000 جنيه وقال بغباء يحسد (بضم الياء )عليه / خلى الجنيه مقابل النكت ههههههههه والله مصيبة انت هههههههههههههه وجمال حط ال1000 جنيه فى جـيـبـه وراح طالع بسرعة قبل الراجل الخليجى م يكتشفها وشاور جماعة مع بعض المنيب ؟؟؟؟ مش هنروح البيت النهاردة اصبر بس ده انت وشك حلو عليا جمال للركاب / هتدفعو 30 جنيه ؟؟؟؟ وانا استغربت المشوار كله لايساوى اكتر من 10 جنيه (وقتها) الغريبة انهم وافقو وركبو كلهم حوالى 5 اتحشرو فى الكنبة اللى ورا وطبعا اشتغل الرغى على ودنه و5 بيرغو مع جمال وبيناقشوه فى حاجات غريبة وعجيبة دى مفروض اسرار يااخواننا (فى بالى طبعا مش علنا ) وعند مزلقان السكة الحديد جمال / نازلين فين يابهوات عدى المزلقان وعدينا المزلقان ادخل لحد آخر الشارع حاضر يمين حاضر شمال حاضر بس هنا شكرا وطلعوله 40 جنيه وقالو / ال10 الزيادة دى علشان دخلت جوه شوية متشكرين يااسطى العفو وضحكت وقلت / سبحان الله فى الرزق ويادوب عدينا المزلقان بتاع المنيب الزيتون ؟؟؟؟؟؟؟؟؟؟ ضحكت ............... اخيرا هروح بيتنا جمال / 40 جنيه ماشى ويادوب مفيش 300 متر وواحد تانى السيدة عائشة (رضى الله عنها / انا اللى قلت كده مش الزبون ) اركب ودفع 10 جنيه ونزل تحت كوبرى السيدة عائشة (رضى الله عنها ) ووصلنا الزيتون و..نزل الراكب وكان بينى وبين البيت حوالى 5 دقايق مشى على رجلى انا هنزل انا كمان والله ابدا ده انت وشك حلو خليك شوية ياعم سيبنى فـلقـتـنى انت وزباينك اللى بيحكولك اسرار بيوتهم ههههههههههههههههههههههههه هو انت شفت حاجة دول كانو مؤدبـيـن علشان خاطرك باندهاش / كمان ؟؟؟؟؟؟؟؟؟؟؟؟ ايوه طب متورينيش وشك لمدة شهر مقدرش اومال اوقع مين فى كل مصيبة ومصيبة انقـح من اللى قبليها ههههههههههههه ووصلنى البيت ودخلت البيت متعجبا على احوال الناس اللى بيحكو ادق اسرار البيوت ببساطة كده ملحوظة هناك الكثير من الركاب حكو حكايات لو قلتها هنا لقام المسئولون عن المنتدى بتحويلى الى النيابة بتهمة اثارة الغرائز وافساد الاخلاق والحض على الرذيلة ههههههههههههههههه التعديل الأخير تم بواسطة خالدخليفة ; 19-10-2010 الساعة 05:50 AM
|
|
#1274
19-10-2010, 05:13 AM
|
||||
|
||||
رد: أدب الرحلات
معلش جت فيك انت
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#1275
19-10-2010, 05:16 AM
|
||||
|
||||
رد: أدب الرحلات
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
 |
|
|
