العربيه قلت بأصلها معايا النهارده

[احمد عبد المقصود سيد]

ماشى بالعربيه فى امان الله و فجأه بطلت . لغاية ما وقفت ركنت وكنت بجوار بنزينه . دورت مفتاح الكونتاكت كذا مره . المارش يعمل و لكن لا تدور استحضرت فى دماغى كل ما قرأته فى المنتدى عن اسباب العطل المفاجىء . سلوك البوجيهات . البوبينه . وصول البنزين الى الكربراتير . دون جدوى . دخلت البنزينه اسأل عن ميكانيكى و لكن تطوع احد الذين تصادف وجودهم للكشف عن سبب العطل . و بعد محاولات سألنى عن فيوز و سلك كهربا . ركب الفيوز و عمل توصيله بالسلك من البطاريه الى البوبينه . و دارت العربيه . و لكن قلى اذهب بها الى كهربائى . لأن السياره لن تفصل بعد قفلها من الكونتاك و لكن بعد فصل السلكه من البطاريه . مشيت بيها الى البيت و ركنتها و فصلت السلكه من البطاريه لغاية ما اروح للكهربائى .. يا ترى أيه اللى حصل ؟؟

[elwasty]

مفيش كهرباء واصلة للموبينة قام هو وصلها كهرباء مباشرة من البطارية ادي كل الحكاية محتاج كهربائي يراجعلك على الوصلات بتاعة الكهرباء بس

[احمد عبد المقصود سيد]

انا فعلا رحت لكهربائى و قولت له على اللى حصل . نزل تحت العربيه و فك الجزء اللى تحت الدركسيون و قعد يقطع و يوصل فى الاسلاك لغاية ما اشتغلت . وقاللى لازم تجيبلى العربيه فى يوم من الصبح اظبط لك اسلاك الضفيره . و كان السبب زى ما قال فصل فى اجزاء الضفيره و خد غشرين جنيه .و شكرا لمشاركتك .