العودة   مصر موتورز مجتمع السيارات > السيارات الصينية والهندية > شيرى إسبيرانزا CHERY SPERANZA > M11 , M12


إضافة رد
 
أدوات الموضوع
  #1  
قديم 12-12-2010, 11:58 PM
amryosef amryosef غير متواجد حالياً
 
تاريخ التسجيل: Nov 2010
المشاركات: 50
amryosef will become famous soon enoughamryosef will become famous soon enough
افتراضي M 11 ......أخر كلام

بعد التحيه الطيبة ومن تحت عدد 3 بطانية و2 لحاف ودرجة الحرارة اللى وصلت 13 درجة مئويه والهوا اللى بيخبط فى الابواب وباعتذرلكم عن الأخطاء الاملائيه لأنى تقريبا بستخدم يد واحده فى الكتابة والتانيه بدفيها وبحاول أبدل بينهم يعنى واحدة تدفى والتانيه تكتب وكده
أنا كنت فى يوم راجع من يوم عمل طويل مرهق كانت الساعة تقريبا 12 الضهر وانا رحت الشغل الساعة 8 الصبح "يعنى بالصلاة عالنبى 4 ساعات كده" وانا بعدى المزلقان شوفت عربية لونها إسود بس شكلها جميل وجديد اول مرة اشوفها العربيه كانت بتعدى المزلقان بحنيه تقولش عروسه بصيت جوه لقيت تابلوة فخم جديد وصالون واسع وبعدين انا دماغى لفت أيه دى فقلت أبص عالمؤخرة"العربيه طبعا ومحدش يفهم غلط" لقيت مكتوب اسبيرانزا M11 طبعا اتوهمت من شكل المؤخرة التحفه "محدش يفمنى غلط تانى" والعربيه على بعضها كانت حلوة كنت هاوقف الراجل اللى بيسوقها واسئله عليها بعدين خفت يفهمنى غلط اه وعدى اليوم وبالليل وانا عالقهوة مع صديق عمرى اللى لسه عارفة من 15 يوم بنحتسى أقداح الشاى كنت بسئله عالعربيات واللهى راح لوحده قالى ان فيه 2 يعرفهم اشتروا عربيه اسبيرانزا M11 وبيشكروا فيها اووى وقد ايه سعرها حلو وامكانيتها تمام المهم أنا ناوى أصلا اشترى عربيه وكأى شاب مصرى أصيل نويت أشترى عربيه مختلفة فى شكلها وجديده وهى الانوس "حد يعرفها" فدخلت ودورت عالنت ووصلت للمنتدى ودورت عالعروسه "قصدى العربيهM11" ذات المؤخرة التحفة وبعدين وصلت لاحد ملاكها وهو السيد ابو الاسعاد وبعتله رسالة والراجل رد عليا رد جميل وشافى ووافى فقلتله انا لازم أعرضه لكل الناس عشان تستفيد وهو ده رده وربنا يباركله فى عربيته ويديله خيرها ويكفيها شرها وشر عيون الناس

السلام عليكم
اخى الفاضل قرأت عرضك للسيارة إسبيرانزا 11 M وبصراحه العربيه دخله دماغى جدا وعاوز منك نصيحه اخيره بصراحه الكل مخوفنى اللى يقول صينى التانى يقولك سوقها واقف واللى يقولك التوكيل وقطع الغيار المهم بصراحة قلبت المنتديات مالقيتش موديل عربيه الا وطلع فيه القطط الفطسانه حتى الانسر والكورولا فقلت خلاص كده كده هى بتعتمد عالاستخدام بس عاوز نصيحة اخويه اخيرة من صاحب تجربة لأنى بصراحة شفت العربيه فى الشارع كانت مختلفة بصراحة ودخلت دماغى
فاتمنى الرد للاهميه

الرد
اولا انا اتشرفت برساله حضرتك
ثانيا زي ما حضرتك قولت مفيش عربيه والا ما بيطلع فيها القطط الفطسانه او بمعني اصح لولا اختلاف الازواق لبارت السلع
عن تجربه في عربيات كتير كل عربيه ليها مميزات و عيوب حتي البي ام
بس الي انا دورت عليه عربيه اولا تكون سعرها علي قد فلوسها بمعني اصح جماركها صغيره عشان اضمن ان سعرها علي قدها و ده لقيته في الام 11 لان جماركها الف جنيه بس علي عكس الانسر تمنيه و تلاتين الف جنيه .
كنت بدور علي عربيه تجميع لان انا من عشاق اي حاجه تجميع لان بيبقي ليه مميزات ممتازة عن نفسي مبحبش الحاجه الي كلها صنع شركه واحده لان مفيش حاجه كالمه واكيد لو الشركه دي متميزة في الصاج هتبقي مش كويسه في الموتور و هكذا .
كنت بدور علي عربيه موتورها عزمه كويس لان العزم هوا اساس التسارع والتحمل وده الي لقيته فيها لان عزمها 117 حصان وعلي فكره هوا موتور تصميم الماني بتكنولوجيا نمساويه بتقفيل صيني وده لوحده تجميع وفكر رائع عن وجه نظري وعلي فكره هوا موتور الاوبل بس متعدل فيه طبعا فبقي افضل من الاوبل وعن تجربه .
كنت بدور علي عربيه فيها صاج محترم لقيت فيها دعامات فولاز بالكبوت من قدام و بالابواب .
كنت بدور علي عربيه تقيله في وزنها لقيتها طن و سبعميه و خمسين كيلو يعني اتقل عربيه في مصر في فئتها و غير فئتها والي متقلها كده الدعامات .
كنت بدور علي عربيه فيها بور محترم يقل عليا لسرعات العاليه وده الي لقيته فيها بيقل بتناسب عكسي مع السرعه و دي ميزه مهمه جدا لان عربيه زي السيراتو علي السرعات العاليه بعد ال 140 البور بيفصل ودي مشكله او عربيه زي الكورولا البور مبيقلش خالص و دي مصيبه .
كنت بدور علي عربيه اقتصاديه في بنزينها و اوبشانها حلو وده الي لقيته جدا فيها لانها التانك 58 لتر بيمشيني 750 كيلو واعتقد ده رقم ممتاز .
الي لقيته في سواقتها اولا فرامل ممتازة جدا ومناسبه جدا لوزنها و جهاز ABS و ESB الاتنين ممتازين في توزيع الفرامل علي حسب حموله العربيه يعني لو علي اي دوران هتعرف تفرمل و مرتاح بدون اي دورانات او مشاكل او خوف
بعد الاستمرار في السواقه لقيت ماشاء الله ثبات حتي عند تقفيل العداد والله بوصل لل170 وانا مش واخد بالي انه وصلت لكده خالص بحس لسه علي 100 ببص للعداد بتفاجأ وده من ثباتها الممتاز
عن رائي المتواضع عربيه ممتازة و علي قد فلوسها و الله قليله فلوسها كمان عربيه لزيزه و واسعه بس عيبها الوحيد ان قطع الغيار حتي الان مش كالمه يعني في حاجات مش متوفره و انا متصل بالمهندس بعيسي و المشكله مشكله جمارك مش اكتر البضايع موجوده بس عليها حظر بالجمارك وهتتفك قريب يعني مشكله مؤقته و ده لانها لسه في بدايه سنينها
نصايحي ليك كمل و اشتري العربيه بس العربيه عايزة بنزين اولا نضيف و بنزينه محترمه و متخلطش بنزين و تكون بتتعامل مع عربيه مش دبابه لان في ناس بيتعاملو مع العربيه بعنف شديد و الي اقصده المطبات و هبد الباب اما الفرك و التخميس فهي استاذه لعب بس طبيعي ببالوقت هتتعب زي اي عربيه فاسلوبك الي هحيكم عليها
ولو حبيت تستفسر عن اي حاجه انا تحت امرك
وربنا يباركلك و يباركلك في العربيه الي هتشتريها

اما بالنسبه للدنمو و للموتور الدنمو الموضوع ده اشيع اول ما نزلت باشهر اما دلوقتي اتعالج خلاص و عن نفسي متقابلتش بالموضوع ده نهائي ماشاء الله مفهاش اي مشاكل بخصوص الدنمو
اما الموتور فهو طبيعي جدا بس هوا اول ما بتدور العربيه بيقعد 5 ثواني صوتي تحسه خشن او سقعان انا عن نفسي استغربته شويه عن اي عربيه بس مهواش مشكله لان بعد ال 5 ثواني بيروح نهائي و بيكون موتور ناعم و ملوش صوت خالص وبالاداء مفيش اي مشكله و لا تسقيف ولا اي حاجه بل العكس عن رائي فهو موتور محترم و جداااااا والعزم و القوه بتاعته ماشاء الله ممتازة علي سعر العربيه
ودور و ابحث براحتك و شوف اي الي يناسب احتياجاتك و اسلوب سواقتك و الانسب طبعا لمحفظتك
وانا تحت امرك في اي استفسار وتقبل خالص
تقبل خالص تحياتي
___________
_______
وأتمنى اكون أفدتكم

التعديل الأخير تم بواسطة amryosef ; 13-12-2010 الساعة 12:07 AM
رد مع اقتباس
  #2  
قديم 13-12-2010, 05:56 PM
الصورة الرمزية mostafaelsamahy
mostafaelsamahy mostafaelsamahy غير متواجد حالياً
 
تاريخ التسجيل: Nov 2010
المشاركات: 73
mostafaelsamahy is a jewel in the roughmostafaelsamahy is a jewel in the roughmostafaelsamahy is a jewel in the rough
افتراضي رد: M 11 ......أخر كلام

توكل على الله وهاتها العربيه انا بشوفها بتهبل بسم الله ماشاء الله تحفه
__________________

SaMa7y
رد مع اقتباس
  #3  
قديم 16-12-2010, 08:23 PM
aboelesaad
Guest
 
المشاركات: n/a
للاهمية رد: M 11 ......أخر كلام

اولا احب ارحب بدكتورنا الغالي

ثانيا بالنسبه لكتابه الموضوع فاحب اوضح ان الدكتور عمرو قالي انه هياخد رسالتيا لخاصه و يكتبها موضوع عام و انا رحبت بده و معنديش اي اعتراض لانه في منفعه عامه
وشكرا استاذنا احمد فاروق علي الاهتمام

بالنسبه للموضوع
تقبل خالص تحياتي و بالتوفيق يارب في قرارك و بالعربيه المستقبليه باذن الله ولو احتاجت اي حاجه انا تحت امرك و بالتوفيق

كان ليا تعليق علي رسالتي

انا كتبت

جهاز ABS و ESB الاتنين ممتازين في توزيع الفرامل

معزره العربيه فيها ABS و EBD وليس ESB
كانت غلطه مطبعيه يا دكتور

وحبيت اوضح خطأي

تقبل خالص تحياتي
رد مع اقتباس
  #4  
قديم 16-12-2010, 09:20 PM
اهلاوي اهلاوي غير متواجد حالياً
 
تاريخ التسجيل: Apr 2010
المشاركات: 11
اهلاوي is on a distinguished road
افتراضي رد: M 11 ......أخر كلام

على فكرة يا جماعة انا والحمد لله جبت العربية في 1/12/2010 من سمير ريان لونها نبيتي تحفه ، على فكره انا من الصعيد مش عايز اقولكم في كل بنزينه ، وفي كل شارع لازم شخص واتنين يسألوني العربيه دي وضعها ايه وبكام ، على فكره كمان العربية زادت بقت ب 71900 جنيه وان شاء الله حعمل ليكم تقرير وافي عن العربية ، بس فعلا العربية روعة في كل حاجه
رد مع اقتباس
  #5  
قديم 17-12-2010, 12:11 AM
amryosef amryosef غير متواجد حالياً
 
تاريخ التسجيل: Nov 2010
المشاركات: 50
amryosef will become famous soon enoughamryosef will become famous soon enough
افتراضي رد: M 11 ......أخر كلام


المشاركة الأصلية كتبت بواسطة aboelesaad مشاهدة المشاركة

اولا احب ارحب بدكتورنا الغالي

ثانيا بالنسبه لكتابه الموضوع فاحب اوضح ان الدكتور عمرو قالي انه هياخد رسالتيا لخاصه و يكتبها موضوع عام و انا رحبت بده و معنديش اي اعتراض لانه في منفعه عامه
وشكرا استاذنا احمد فاروق علي الاهتمام

بالنسبه للموضوع
تقبل خالص تحياتي و بالتوفيق يارب في قرارك و بالعربيه المستقبليه باذن الله ولو احتاجت اي حاجه انا تحت امرك و بالتوفيق

كان ليا تعليق علي رسالتي

انا كتبت

جهاز ABS و ESB الاتنين ممتازين في توزيع الفرامل

معزره العربيه فيها ABS و EBD وليس ESB
كانت غلطه مطبعيه يا دكتور

وحبيت اوضح خطأي

تقبل خالص تحياتي
يابشمهندس احنا هنراجع وراك يعنى EBS ولا EBD ولا حتى KFC ولا يهمك
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:21 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017