برنامجى الانتخابى لرئاسة مصر

[خالدخليفة]

من اجلكم رشحت نفسى لانتخابات الرئاسة القادمة فى مصر
وهذا هو برنامجى الانتخابى
1ــ الغاء الدعم عن جميع انواع السلع واعطااء المواطنين بدلا منها 1000 جنيه (الرقم صحيح الف جنيه ) يوميا يصرفها عن طريق الفيزا من موقع الحكومة على النت
2ــ جعل حجم الرغيف البلدى كبيرا بحيث لايقل قطره عن 45 سم على الاقل ومن يكتشف فيه اى شىء غير مكونات العيش العادية يتقدم ببلاغ الى اقرب قسم شرطة
3ــ ذهاب كل مواطن الى عمله كل يوم باتوبيس خاص تابع لشركة التاكسى الطائر مع دفع اشتراك رمزى
4 ــ رفع جميع مرتبات العاملين بالدولة بحيث يصبح اقل مرتب 10 الاف جنيه شهريا
5 ــ اصدار قانون بعدم جواز التعيين فى اى مكان اخر غيرالدولة بمرتب اقل من 7الاف جنيه شهرى
6 ــ تعيين جميع الحاصلين على جيد فما فوق من خريجى الجامعات فورا
7ــ بالنسبة لخريجى المدراس الزراعية والصناعية يتم تعيين الحاصلين على مجموع فوق ال80% فورا
8ــ رفع جميع مرتبات المدرسين فى مصر لانهم اخطر شخص فى مصر فهم يملكون عقول هذا البلد ولذلك سيكون مرتباتهم كالاتى
مدرس الابتدائى بداية تعيينه 20 الف جنيه (لانه اخطر شخص فى هذا البلد هو الذى يشكل عقول ابناء هذا البلد )
مدرس الاعدادى بداية تعيينه 17 الف جنيه مصرى
مدرس الثانوى 14 الف جنيه مصرى
وتلاتة بالله العظيم اللى هشوفه بيدى درس بعد كده هعدمه فى ميدان التحرير حتى ولو هو من اسوان هجيبه واعدمه فى ميدان التحرير
9ــ تعيين مخبر وظابط مباحث داخل كل لجنة امتحان للقبض على اى شخص يحاول الغش
10 ــ خريجين كلية الزراعة يتم اعطاء كل خريج 50 فدان مع اعطاؤه نص مليون جنيه قرض حسن (من غير فوايد) يسددهم على 10 سنين بشرط ان يبدأ الزراعة فى خلال سنة من استلامه الارض والقرض
11ــ رفع المستوى العلمى فى مصر من خلال توجيه نداء الى كل علماء مصر فى كل بلاد العالم للعودة الى مصر او مساعدة مصر فى انشاء جامعة عالمية بها جميع الامكانيات التى تساعد على النهوض بمصر وعودتها كقوة عظمى تحكم العالم كله واول هذا الطريق هو الاكتفاء الذاتى من الغذاء بجميع انواعه
12 ـــ تقوية الجيش المصرى بحيث يصبح اقوى جيش فى العالم تسليحا لان الفرد المصرى مش محتاج كلام كفاية شهادة النبى (عليه الصلاة والسلام للعسكرى المصرى)
13ـــ محاولة مسح اسرائيل من على الخريطة وان متمسحتـش نبقى نقطع الخريطة من ناحيتهم
14ــ العمل على تحقيق شعار ارفع رأسك يامصرى ويجب ان تفخر بأنك مصرى
15ــ العمل على تنمية وتطويرو تقوية العلاقات بيننا وبين جميع الدول العربية والاسلامية غصب عنهم او بمزاجهم لاننا مش هننفع من غير بعض
16ــ اى ريس ييجى يحكم مصر يجب ان يسلم مصانعه وامواله الى لجنة لادارتها حتى يخرج من الحكم بعد دورتين بالكتير(مفيش حاجة اسمها ريس يقعد على قلبنا لحد م يموت او يغتالوه )
17 ـــ الوزارة تكليف وليست تشريف ولذلك سيتغير اسم مجلس الوزراء الى مجلس خدام شعب مصر واسم الوزير الى خادم الشعب فى مجال النقل مثلا ( وزير النقل سابقا) ويتم تغيير اسم مجلس الشعب الى مجلس عيون الشعب فهم المراقبون لاداء الحكومة
18ــ العمل على زراعة 70% من مساحة مصر وغربلة السكان (احنا عايشين على 4% من المساحة هنخليهم 20 % وال10% هتكون مصانع
واللى اكله من فاسه قراره من راسه
هو احنا يعنى احسن من بلجيكا والدنمارك بتوع الجبنة
19 ــ عدم منح قروض ماليه لاى مستثمر عايز يعمل مشروع يعمل دراسة جدوى واحنا نعملهوله ونشاركه فيه لكن فلوس فى ايده ويطلع نصها بره ويشغل ربعها هنا والربع الباقى محطوط فى البنك ( انسى وخد البنسة بس تجيب حق البنسة )
20 ــ انشاء المصانع سيتم الموافقه عليه والبدء فى انشاء المصنع فى خلال 48 ساعة من تقديم الطلب وصرف كل مايلزم المصنع خلال 48 ساعة اخرى للبدء فى العمل فى خلال 6 شهور بالكتير حسب نشاط المصنع
هذا هو جزء من برنامجى الانتخابى الذى سأتقدم بيه فى الانتخابات الخاصة برئاسة الجمهورية فى عام 2565 اعطانا واعطاكم الله العمر المديد

[ابو جودة]

ينصر دينك يا استاذ خليفااااااااااااااااااااا ااااااااااا

[د0تامر محمد]

هذا هو المفروض أن يكون عليه الحال وأكثر من هذا فى مجالات أخرى وأنا أول المؤيدين لترشيحك لكن المشكلة التوقيت معرفش ظروفى حتكون أيه ؟
2565 سواء ميلادى ولا هجرى أعتقد أنه مش ح يكون هناك حياة على الأرض من الأساس

[zoomaa&mizaa]

للأسف مش هانتخبك لانى أتعودت على كل ما هو عكس ذلك وكدة البرنامج بتاعك مش هيناسب المزاج العام للشعب المصرى اللى أخد على العكننة والهم والغم وبعدين لما تيجى حكومة متسرقش ولاتنهب فينا هنسقف لمين مهو لازم حد يسرقنا علشان نبقى مبسوطين ومتكيفين .

[عادل الشافعى]

هو دة الشعب المصرى وهما دول شباب مصر برغم كل الهم الى عايشين فية برضو بيحلمو . لوبطلنا نحلم نموت