|
#1
21-07-2012, 05:48 PM
|
||||
|
||||
ديك رومى بورده حمراء
  هانعمله روستو فى الفرن المقادير ديك رومى بحجم مناسب (حوالى 7 كيلو)-بصل مقطع شرائح رفيعه - عصير 5 ليمونات - عصير برتقاله - 4 فصوص مستكه - 4 ورقات لاورو - 5 فصوص حبهان - ملح - فلفل اسود - نصف ملعقه صغيرة قرفه 3 شرائح جزر الطريقه التتبيل من قبلها بيوم نغسل الديك الرومى جيدا ونتركه يتصفى نحضر التتبيله ندعك البصل الشرائح مع الملح والفلفل والقرفه جيدا ونضيف عصير الليمون والبرتقال ناخد الديك ونتبله من كل الجهات وبين الجلد واللحم فى الصدر ومن قلبه ...نضع داخله ورقتين لاورو وفصين مستكه و3 فصوص حبهان نضعه فى وعاء عميق مقلوب على وجهه يعنى الصدر لاسفل ليتشرب جيدا من التتبيله ثانى يوم نشيل الديك من التتبيله ونصفيه من السوائل ونشيل كل البصل اللى على جلدة من برة فى صينيه واسعه نسخن سمن ومعه فص مستكه لتشويح الديك نبدا نشوح الديك فى السمن من كل الجهات ومن عند الرقبه بحيث ياخد لون جميل من كل الجهات بالتساوى الخطوة دى مهمه جدا جدا فى قفل مسام الديك والحفاظ على طراوة لحمه فى السوا فى الفرن وايضا بتخلى مافيش اى زفارة ولا اى شىء مش مرغوب يطلع منه نحضر صينيه الفرن اللى هانسوى فيها الديك تكون صينيه حجمها مناسب وعاليه الحواف نبطنها بالفويل نضع فيها فصين مستكه وفصين حبهان وورقتين لاورو وبصل مقطع شرائح ومدعوك بالملح والفلفل والقرفه وعصير ليمون نضع فوقها الديك بعد ما شوحناه ونضع على صدر الديك على العظمه المرتفعه منه 3 شرائح جزر وذلك حتى لا يلتصق جلد الديك بالفويل ولما نيجى نفتح عليه الجلد يتقطع والمنظر النهائى يكون مش جميل ... مهم جدا ان الديك يستوى ويفضل سليم من برة ...لا يتكسر من الوسط ولا جلدة يتقطع نضع نصف كوب ماء فى الصينيه ونغطى الصينيه بالكالمل بالفويل نضعها على البوتاجاز لتبدجا تغلى ندخلها الفرن على حرارة 220 مئويه اسفل الفرن مهم جدا علشان نعرف سوا الديك كل كيلو جرام من الديك محتاج نصف ساعه سوا فى الفرن يعنى الديك اللى وزنه 7 كيلوجرام محتاج 3 ساعات ونصف فى الفرن لكن لاننا مغطيينه بالفويل فالحرارة بتكون محكمه داخله فبنقلل نصف ساعه من اجمالى الوقت المطلوب للسوا فى الفرن يبقى محتاجين 3 ساعات فى الاجمالى كل نصف ساعه نفتح على الديك ونشربه من السوائل اللى بتنزل منه.....ليه؟ اولا: علشان يفضل لحمه طرى وجلدة ما يتقطعش ثانيا : علشان يتشرب بالطعم من السوائل دى ويكتسب لون جميل . بعد مرور ساعتين ونصف نكشف الفويل من على الديك نتركه يكمل نضجه فى النصف ساعه الاخيرة وهو مكشوف الخطوة دى مهمه علشان جلدة يبقى كرانشى ولونه محمر وجميل بعد نهايه النضج ممكن تفتحى له الشوايه على خفيف لزيادة تحمير الوجه حسب رغبتك طلعيه من الفرن انقليه بحرص على صينيه تانيه غطيه على خفيف بالفويل و ثقبى الفويل ثقوب كتير بالسكين علشان البخار يطلع علشان ما الديك يبطل نضج وكمان يحافظ على جلدة كرانشى ... واتركيه يهدا من حرارة الفرن الديك الرومى لا يقطع ابدااااا وهو ساخن حتى لا تخرج منه سوائل ويجف لحمه الديك بيكون كامال النضج تماما بععد الفترة الكبيرة دى فى السوا فى الفرن لكن طبيعه لحم الديك كدة ان بيبقى فيه سوائل شفافه وهو ساخن فلو قطعناه وهو ساخن هاتخرج السوائل دى وبيفقد الكثير من طعمه المميز و يجف لكن لما ننتظر لحد ما يبقى فاتر هاتلاقى السوائل دى نشفت واحتفظ الديك بطراوة اللحم ومذاقه رائع ننتظر الى ان تفتر حرارة الديك يعنى ممكن نضع يدنا عليه يكون فاتر طريقه التزيين والتقطيع لوازم التزيين خضار سوتيه : جزر - بطاطس - بسله - فاصوليا (او حسب المتاح) بقدونس مقطع -وردة من الطماطم -ليمونه كبيرة مقطوعه نصفين مشرشرة او شرائح ليمون. ورق فويل ازاى تعملى وردة تزيين رجل الديك نقطع من الفويل شريط طوله حوالى 20 سم وعرضه حوالى 15 سم مثلا ...نثنيه اتنين بالطول يبقى مستطيل رفيع ونبدا نقصه على مسافات متساويه 1 سم تقريبا من الطرف المفتوح بحيث لا نصل الى الاخر نلف الشريط على رجل الديك من اسفل ...هاتطلع وردة جميله مشرشرة ملفوفه حول عظمه الساق ونكرر العمل للرجل التانيه ازاى نعمل مروحه ذيل الديك ناخد قطعه من الفويل حوالى 40 سم طول وعرض نتنيها على 2 نبدا نتنيها على شكل مروحه عرض كل كسرة فيها حوالى 4 سم مثلا لما ننتهى من تنيها على سكل كسر نمسكها من تحت ونبدا نفردها من فوق (زى مروحه اليابانيات) ازاى نعمل وردة الطماطم نختار واحدة طماطم متوسطه وبسكين رفيعه وحاميح نبدا نمشى بيها تحت جلد الطماطم فى اللحم على خفيف ونعمل شريط طويل لافف الطماطمه كلها ناخد الشريط ونلفه على شكل وردة وممنك نثبت فيه عود خله اسنان بالطول علشسان ما تتفكش ونثبت فيها من النص زيتونه وده شكله بعد التزيين   تنفيذ التزيين فى السرفيس نضع وردة الطماطم عند رقبه الديك وجنبها من الناحيتين بقدونس مفروم كانه ورق اخضر للوردة نبدا فى ترتيب الخضار السوتيه حول الديك بنظام ويفضل ان يكون كل صنف لوحدة بالتبادل مع مراعاة تناسق الالوان ...يعنى مثلا : جزر ....بسله ....بطاطس ....فاصوليا...جزر ....بسله ....بطاطس ....فاصوليا وهكذا منها تنسيق ملفت للنظر ومنها اتاحه الفرصه لمن سيتناول هذا السوتيه انه يختار الصنف اللى يعجبه نضع مروحه الذيل الفويل فى بطن الديك ونسندها على سيقان الديك ونفردها بترتيب و نظام ونظبط شرشرة الفويل فى وردة رجل الديك نستكمل التزيين بحلقات الليمون على مسافات متناسقه انتهينا من التزيين ازاى نقطع الديك صح؟ بسكين كبيرة وحاميه جدا فى يد وفى اليد الاخرى الشوكه الطويله الخاصه باللحوم والرومى فى سرفيس الملاعق تقطيع الصدر ثبتى الديك بالشوكه وابداى قطعى الديك من عند الصدر بميل من عند عظمه الوسط الى الجناح بميل لان الياف الصدر طويله فلو قطعتيه بالطول بمحاذاة الجناح هاتكون القطعه الناتجه اليافها طويله ويكون صعب مضغها وتتحشر بين الاسنان اما لو قطعتيه بالعرض بميل خفيف لاسفل القطعه الناتجه هاتكون اليافها قصيرة وناعمه وسهله جدا فى التناول ...بتدوب فى الفم انقلى الشرائح بالشوكه فى طبق جانبى لتقطيع الفخذ و الساق ثبتى الديك بالشوكه فى يدك اليسرى وابداى بالسكين افصلى الساق من عند المفصل وارفعيها بالشوكه فى طبق جانبى وكملى تقطيع الفخد ايضا فى شرائح مائله الف هنا وشفا منقوووووووووووووول 
|
|
#2
22-07-2012, 01:23 AM
|
||||
|
||||
رد: ديك رومى بورده حمراء
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/  
|
|
#3
22-07-2012, 02:13 AM
|
||||
|
||||
رد: ديك رومى بورده حمراء
 :lov eu:
|
|
#4
22-07-2012, 08:33 PM
|
||||
|
||||
|
رد: ديك رومى بورده حمراء
ما شاء الله لا قوة إلا بالله
سلمت يداك عزومة 7 نجوم
|
|
#5
25-07-2012, 03:11 AM
|
||||
|
||||
رد: ديك رومى بورده حمراء
العزومه متغلاش على اعضاء منتدى مصر موتورز
|
 |
| أدوات الموضوع | |
|
|
