مشكلة غريبة فى ال 128

[Hisham.Elgazzar]

المشاركة الأصلية كتبت بواسطة WaleedSaed جزاكم الله كل الخير شباب على الرد السريع ده انا هروح له النهارده ان شاء الله بس المارش لو فيه مشكلة فعلا ممكن يفضى البطارية على الاخر كده

لأ متجيش جنب المارش طبعا

انت بتقول انى مش بلاقى اى كهرباء الصبح

يعنى ولا حتى لمبة شغالة
يبقى اه اللى دخل المارش فى الموضوع بس ؟؟؟؟؟
شوف اه اللى بيهرب كهربا من العربية
واكشف على صلاحية البطارية
وشوف العربية فيها قفلة ولا اه اللى بيعمل الكلام ده

[محمدصلاح القاضى]

المشاركة الأصلية كتبت بواسطة Hisham.Elgazzar لأ متجيش جنب المارش طبعا انت بتقول انى مش بلاقى اى كهرباء الصبح يعنى ولا حتى لمبة شغالة يبقى اه اللى دخل المارش فى الموضوع بس ؟؟؟؟؟ شوف اه اللى بيهرب كهربا من العربية واكشف على صلاحية البطارية وشوف العربية فيها قفلة ولا اه اللى بيعمل الكلام ده

بيقولك جاب بطاريه تانيه ياH من واحد صاحبه وبرضه مادرتش

[WaleedSaed]

اشكركم بشده يا شباب على اهتمامكم
انا رحت له امبارح وبعد ما ركب البطارية بعد ما شحنها لقى مفيش بنزين بيوصل للماتور فوصله للماتور و بعدين دارت الحمد لله و رحنا الورشة عنده قلى هنغيرالرداخ بتاع البنزين علشان بيرجع البنزين للصبح و مشكلة الكهرباء طلع فيه مفتاح للمروحة كان شغال هو الى بيخلص الكهرباء فخليته عملى كل حاجة مع الكونتاك و برده غير لى البوجيهات و الكوندينسر و الابلاتين كانوا على الاخر و بس ربنا يكرم هجرب النهارده كده و اقولكم
جزاكم الله خيرا

[sayed2077]

الف مبروك يا اخى على حل مشاكلك
ولو كنت قريت الموضوع ده كانت اغلب المشاكل اللى قبلتك دلوقت ما كنتش قبلتك وارجوا الحاجات اللى ليه معملتهاش تعملها وان شاء الله الموضوع هيفيدك جامد

http://masrmotors.com/vb/showthread.php?t=86781

ومبروك على حل مشاكل العربيه
اخوك فى الله سيد

[WaleedSaed]

الموضوع اتحل الحمد لله و دلوقتى بدور فى اى وقت العربية بتشتغل على طول
جزاك الله خيرا ابو السيد الموضوع شكله مفيد فعلا انا عملت معظم الحاجات دي الحمد لله و العربية احسن كتير دلوقتى
و ان شاء الله اتعلم عليها شوية كده و ابدء اظبت السمكرة و البوية بتاعتها