|
|||||||
| اوبل Opel المانية الاصل امريكية الجنسية حيث تنتمى حاليا الى جنرال موتورز وتسمى فى بعض الدول باسم فوكسهول من اشهر موديلاتها اوبل استرا اوبل فيكترا و كورسا |
 |
|
|
أدوات الموضوع |
|
|||||||
| اوبل Opel المانية الاصل امريكية الجنسية حيث تنتمى حاليا الى جنرال موتورز وتسمى فى بعض الدول باسم فوكسهول من اشهر موديلاتها اوبل استرا اوبل فيكترا و كورسا |
|
|
|
أدوات الموضوع |
|
#1
20-05-2012, 03:57 PM
|
||||
|
||||
اشتريت اوبل كورسا 95 .. عنوان عادي جدا انما اللي جرالي مش عادي خاااالص الحمد لله
 شهــــــــــــــــــاده للتاريخ بقالي اسبوعين مش قادر ابوح بيها ( يعني اسيح ) بس خلاص مضطر ابع ابع بدل مطق يجرالي حاجه  اشتريتها بالظبط يوم عيد ميلاد المخلوع الهي يحرقه مطرح ما هو قاعد قادر يا كريم اوبل كورسا 95 1200 اتوماتيك زي الفل ما شاء الله  ...... ................ ....................... ......................... .. بعد اما اشتريتها وخلصت مع صاحبها وخدتها ومشيت ب ربع ساعه كرسي المكنه وقع علي الكوبلن كسره .... ايوه بربع ساعه بالظبط .... ...  البيه المكانيكي الظالم اللي كان مركب الفتيس الاتوماتيك مكان الفتيس الاصلي المانيوال بتاعها مغيرش كرسي المكنه .... لا راح مأيف القديم علي الوضع الجديد وخلااص ووالفتيس طبعا مكنش مظبوط ولا المكنه وخدت بالي وكله عمال يلق ويحدف وانا بجربها انا وصاحبي اللي كان معيا بس للامانه الفتيس الاتوماتيك اللي راكب تحفه منا اصلي شاريها من تاجر قطع غيار الماني مستورده ... فيه اكتر من كده الحمد لله لله قدر الله ما شاء فعل .... محدش عارف الخير فين اتصلت بواحد حبيبي جه بعربيه نص نقل بجنزير حديد قطرها لحد ورشه الميكانيكي وكان يوم جمعه وطبعا اكيد هتبات عنده عادي الحمد لله بتحصل مع اي حد ..... تاني يوم العصر كده روحت جبت الكوبلن وكرسي جديد للمكنه بدل اللي اتكسر ورجعنا للمكيانيكي ولسه هيشتغل النور راح قطع في المنطقه كلها .. يقطع شويه صغيرين لالالالا وليه يقطع شويه صغريييين زي كل مره اد ايه بقي ؟ .. ساعتين ونص قولت الحمد لله خير ... الدنيا ليلت علينا والحمد لله النور جه جه يشتغل خلاص اهوو بقي داخل يجيب جون هووووب ..... لقيته بيقولي يا استاذ الكوبلن ده قافش ومش هينفع يركب !!! يادي الغم ياسيدي مش كنت تكتشف ام القفشاااان ده قبل ما النور يجي كنا كسبنا وقت ولا يعني لازم تمرمط اهلي معاك !!!  كان معايا واحد حبيبي تاني بعربيته اتمرمط معايا الصراحه روحنا لنفس محل قطع الغيار الاستيراد ندور علي كوبلن يمين مش قافش  لقينا عنده اكتر من 30 كوبلن شمال !!!! وولا واحد يمين !! في سري الحمد لله خير قدر الله ما شاء فعل ... اعوذ بالله من الشيطان الرجيم خير خير ..... الراجل بصلي كده وهو وشه احمر من الاحراج منا لسه متنيل شاريها مباقاليش ساعات مش كانت تعملها معاه هو مش معايا  قالي بص هتروح لفلان بتاع العفشه يقلبلك الشمال ده يمين وهيبقي زي الفل راجل تباعنا وهيظبطه توكلنا علي الله وروحناله .. لقيناه قافل .... روحنا لغيره ... برده قافل ...  والدنيا ليلت اوي لحقنا واحد تالت وهو بيقفل واتعمل الحمد لله ... ملحوظه : ( كل ده بنلف بعربيه صحبي ) .. الملحوظه دي هتيجي في سؤال علل في الامتحان الحمد لله المصلحه قضيت واتقلب ومش قافش وتمام التمام ... الساعه داخله علي 10 بالليل عايزين ننجز بقي والميكانيكي واكل دماغي تليفونات ... واحنا راجعين العربيه اللي معانا قطعت بنزين عربيه بورا !!!!  اه والله قطعت بنزين ... ااااه كتير والله كتير .. بس برده الحمد لله محدش عارف الخير فين ... المشكله بقي كانت ساعتها ان فيه ازمه بنزين غبيه في دمياط والبنزينات كلها بالضبه والمفتاح ولحد دلوقتي برده مش لاقين امه ... بعتنا جبنا بنزين مع واحد صاحبنا رابع ... ما علينا  اشوفها بتمشي بقي قبل متشل يارب روحت اتصلت بواحد صاحبي هو احنا وصلنا للصاحب الكام في الليله الزرقا دي ؟ الخامس باين ...كان مستنيني علي القهوه يجي يخدنا وحضنا العربيه القاطعه بنزين في جمب وخلعنا جري علي الميكانيكي عايزين نخلص بقي روحتله وانا حاطط ايدي علي قلبي ما هو كده معتش فاضل الا انها تنفجر بيا قبل مركبها منا اصلي مسوقتهاش غير نص ساعه مفيش حاجه حرقت دمي في الليله دي كلها غير انه انه انه مخدش في تركيب الكوبلن اللي طير عليا اليوم كله وقفه عنده ..... غير بالظبط ربع ساعه  والحمد لله قدر الله ما شاء فعل تمت 
|
|
#2
20-05-2012, 04:14 PM
|
|||
|
|||
|
رد: اشتريت اوبل كورسا 95 .. عنوان عادي جدا انما اللي جرالي مش عادي خاااالص الحمد لله
ههههههههههههههه العربيه دي لو تمت معاك سنه وانت سليم بوس ايدك شعر ودقن ههههههههه بهظر معاك يا باشا الف مبروووووووووك
|
|
#4
20-05-2012, 04:34 PM
|
||||
|
||||
|
رد: اشتريت اوبل كورسا 95 .. عنوان عادي جدا انما اللي جرالي مش عادي خاااالص الحمد لله
والله يا اخي اسوء حاجة في الدنيا دي المستعمل
 حتشوف الي عمرك ماشوفتو وربنا يسترها معاك ويجعلها اخرالاعطال 
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
#5
20-05-2012, 04:52 PM
|
||||
|
||||
|
رد: اشتريت اوبل كورسا 95 .. عنوان عادي جدا انما اللي جرالي مش عادي خاااالص الحمد لله
ياعم عادى والحمد لله إنها وقفت على الخامس وماكملتهمش دستة أصحاب ------------ مبروك العربيهوالف سلامه للكورسا
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/  
|
|
|
|
