هل شراء الأوبل المستعمل في هذا الزمان جــــــــــــــــنـــــــ ـون

[didos]

على راى المثل اللى مايعرفش يقول بطيخ
يعنى اه الامانى غالى واه مصاريفه عالية واه له ناس معينة بس هيا اللى بتبيع حاجته او تشتغل فيه
بس قصاد كده انت مستمتع بكل حاجة فى العربية ابتداء من صوت قفلة الباب لحد فرملتك وانت ماشى 200 بس طبيعى انك تسمع الكلام ده فى بلد الزلمكة وال 128 وال 504 وبس انا عن نفسى شايف ان الاوبل فيكترا تحفة ونادرا ما تحتاج صيانة لو حالتها كويسة ولكن اقتناء سيارة ليس له دخل بمعاك ثمنها ولا لا بل الكلام كله اذا كان دخلك يسمحلك بتغطية صيانتها فى حالة حادثة ولا فتحت بقها لا قدر الله ودى حاجة بتاعتك

وخلاصة لو ظروفك مش مناسبة هات حاجة سكودا فيليشيا a4 و مش هاتحس انك نزلت من الالمانى والفروق بينها وبين الفيكترا طفيفة

[samirayad]

على راى المثل اللى مايعرفش يقول بطيخ

أنا عاوزك تعرف بس

أن إللى ميعرفش

بيقول عدس ..........مش بطيخ

[didos]

المشاركة الأصلية كتبت بواسطة samirayad أنا عاوزك تعرف بس أن إللى ميعرفش بيقول عدس ..........مش بطيخ

اصلى مش بحب العدس

واوعى تفتكر انى بتتريق على ايا من الردود انا المقصود بجملتى الناس بناعة "قالوله " و "اصلى سمعت " والكلام ده وده السبب الاساسى اللى بيخلى عربية 128 ثمنها اغلى من الهوندا والاودى من نفس الموديل وشايف ان الراجل لو حابب الفيكترا وحاتحقق طموحه ومعاه مصاريفها خلاص يتوكل على الله بس يحرص للحصول على حالة عالية

[ahmed1981]

لو عايز تريح نفسك يبقى زيرو وبلاش مستعمل
المشكلة إن مفيش حاجة زيرو معقولة في حدود ال 50 ألف

حاول تجيب حاجة كسر زيرو قريبة من هذا المبلغ

المستعمل عذاب والله حتى لو مرسيدس عذاب عذاب

[M.khodary]

انا مع المهندس احمد فى موضوع المستعمل ده انه عذاب وجيب عربيه على الزيرو احسن
عموما ده عن تجربه علشان احنا جبنا عربيه اوبل اتوماتيك مو98 لكن متعذبين فى قطع الغيار وابسط حاجه مثلا المرايا الى كل شويه تتغير بالمئات وكل شويه نصلح حاجه فيها لدرجه اننا ركنها وبنقول التاكسى ارحم بدل البهدله وعلى فكره احنا اشترينا العربيه دى ب60000 يعنى مش رخيصه ورغم كده مش مريحانا على الرغم اننا كلنا فى البيت بنموت فى اى منتج المانى اصلا من اول القلم السنون الrotring لحد العربيه الopel