|
المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
أدوات الموضوع |
#1
|
|||
|
|||
ترخيص سيارة معاقين عذاب العذاب
اول حاجة ان قررت انى اكتب الموضوع دع علشان مفيش تفاصيل عنه فى المنتدى
بعد كده خلينا من الاول خالص بعد ما والدى جاب العربية من بورسعيد الكلام ده كان فى شهر 9 اللى فات تحديدا يوم 6/9 بعد كده اكتشفنا الورق بتاع العربية هيروح على محل الاقامة القديمة مرور السلام القاهرة والاقامة حاليا المحلة الكبرى قالو تستنا حوالى شهر وتروح تحول الورق الى مرور المحلة الكبرى والورق وصل مرور السلام 19/10 المهم عمل التحويل مع موظفين استغفر الله ووصل الورق المحلة بعدها بخمسة وعشرين يوم ورحنا مرور المحلة علشان الترخيص قالو مرور السلام بعت الورق بس ناقص ورقة لازم تروح تعمل تحويل تانى ليها وتاخد نفس المدة ولكن بشد وجذب فى مرور السلام عرفنا نجيب الورقة باليد فى يوميها يعنى قلنا نرخص بقا معنديناش خلفية خالص قالو لازم يطلع( رخصة خاصة معاقين )طيب هو معاه رخصة عادية قالك مينفعشى اكنه معندوش رخصة قبل كده خالص وبدانا فى خطوات تطليع الرخصة خلص امتحان الكمبيوتر وجنا فى الامتحان بتاع السواقة والدى سواقته على قده وكان مطلع رخصته من 30 سنة اول مرة وقع ارطاس اداله اسبوع وتانى مرة اسبوع والثالث اسبوع والرابع اسبوع وفى المرة الخامسة جبها والحمد لله فى خلال الفترة ديه كنا عملنا الفحص بالظبط جبت نموذج فحص بيئة وطفاية وفنىحوالى( 13جنيه) والتامين الاجبارى( 320 جنيه 3 سنين) والراجل رجعنا مرة علشان الفاميه فى الازاز اللى ورا بعد كده رحنا قالو هات ملف (جنيه) وعملنا وصل ب(25جنيه) وقال ادفع وتعالى دفعت وراح كاتب على الوصل رقم وقالى اديه للاستاذ اللى جمبى يديك طلب تنزل بيه تحت روحتلو قالى خد الورقة صورها صورتين وتعالى رجعت خدهم وملى ورقة وقال انزل تحت نزلت لاقيت زحمة ما بعدها زحمة خد مينى كل حاجة وظبط الورق فى الملف وقالى هات نموذج 251 مرور (6 جنيه) وقال اطلع فوق الدور الاخير وبعد كده انزل للاستاذ اللة جمبى طلعت ملى شوية حاجات وقال انزل وخد الكتاب الكبير ده للى تحت هياخد الرقم وتيجى تجيبه تانى نزلت زحمة المهم( قولت للفراش الراجل تعبان وميقدشى يقف راح مدخله من الباب للموظف) خد الرقم وطلعت اديتهولو نزلت تانى قالك استنى شوية استنيت حوالى ساعة قالى روح ادفع وتعالى وحات طابع شرطة رحت دفعت( 62 جنيه) وجبت طابع شرطة قالى استنى شوية وقعد واحد يره يراجع الورق بعدها قال روح استلم رخصة العربية استنينا ساعة ونص طلعت الرخصة ورجعت للموظف تانى علشان يعملى ورقة بالنمر بص فى الرخصة وقالى الرخصة نمر قديمة مش جديدة لازم تعمل بصمة وحاجات كده علشان احنا خلصنا ومش هتعرف تستلم النمر النهاردة اطلع فوق وشوف الموظف لو فوق اتصور علشان رخصة القيادة طلعت لقيته مابلنيى مروح ورحت تانى يوم قال صور البطاقة ورخصة العربية كل واحدة صورتين وصورة شخصية وملف وتعالى ورحت خد منى الحاجة وبعد ساعة نادى علشان اتصور واستنيت بعدها كمان ساعة استلمت الرخصة فى خلال الوقت ده كنت نزلت للموظف اللى تحت عملى وصلين للنمر وخد الرخصة رحت لمكان اللوحات عمل اشارة على الوصلين ورحت عملت النمر الراجل جاب النمر وكتبها بالبوية وخد (25جنيه) وقالى روح اتمغها عند اللى بيرفع بصمات روحتلوا قالى بعد الساعة 12 وانا اعملك ايه الشغل كده ولكن النفس ضعيفة قدام الخمسة بصو بقى علشان انا رغاى وانتو قرفتو منى اول لما المعاق يستلم العربية بعدها بيوم يروح يعمل الفحص على طول اللى هو فحص فنى ورفع بصمة وبيئة وطفاية ( ورقهم 13 جنيه) وطبعا رشة خمسات للناس اهو يبقى خلص من حاجة بعد شهر يؤوح يعرف ان الورق وصل بيبقى معاه صور شخصية وصورة للبطاقة يروح هيجهزولو الورق ويمتحن كمبيوتر وبعد كده السواقة بعد كده يروح تانى يوم وده اخر يوم لو لحق او لس يوم وهيمشى زى ما انا قولت فوق من مرور السلام الى مرور المحلة الكبرى ياقلب لاتحزن |
#2
|
||||
|
||||
رد: ترخيص سيارة معاقين عذاب العذاب
يا بختك
انت كدة خلصت الاجراءت بسرعة |
#3
|
|||
|
|||
رد: ترخيص سيارة معاقين عذاب العذاب
|
#4
|
|||
|
|||
رد: ترخيص سيارة معاقين عذاب العذاب
المهم انت رخصت سنه ولا 3؟ واتكلفت كام
لانى مرخص سنه ب 470ج |
#5
|
|||
|
|||
رد: ترخيص سيارة معاقين عذاب العذاب
رخصة المعاقين قالو فى المرور سنة واحدة
اللى صرفته 320 تامين 3 سنين 62 دفعتهم فى الخزنة |
|
|