حد سمع عن سرقة بطارية سيارة قبل كده؟؟؟

[Toyota Corolla]

أنا الأسبوع ده و أنا نازل بالليل من البيت لقيت الكبوت نص مفتوح يعنى مرفوع صابعين وال Lock مقفول بس البطارية كانت موجودة و كل حاجة سليمة بس احتمال أكون فتحته من غير قصد و ما أخدتش بالى

[suleiman]

انا معايا عربية ١٢٧ واتسرقت البطارية منها من امام البيت نزلت ادور العربية الظهر لقيت الكبوت مفتوح ومفيش بطارية
عرفت بعد كده ان الحرامية بيرفعوا الكبوت رفعه بسيطه وبيشدوا سلك الكبوت علشان ينفتح القفل وكان الحل باذن الله بسيط
رحت اشتريت حوالي متر الا ربع مواسير بتاعت الفريون اللي كانت بتظهر علي ظهر التلاجات بتاعت زمان ولحمته في جسم العربية بداخل الكبوت وبعدين رحت لبتاع الابواب ومشي سلك الكبوت من الاول للاخر داخل مجري الانبوبه بتاعت الفريون
وبكده لما يجي الحرامي يرفع الكبوت ويحاول يشد سلك القفل يلاقي مفيش سلك لكن انبوبة نحاس بتاعت الفريون

[Mido Madrid]

من شهرين كده عدي حراميه سرقم 3 بطاريات كلهم بتوع فيات مع ان فى الشارع كان فيه لانسر وهوندا سيفيك واقفين مقربلهمش وكنت مستغرب اشمعنا الفيات

[Toyota Corolla]

المشاركة الأصلية كتبت بواسطة Mido Madrid من شهرين كده عدي حراميه سرقم 3 بطاريات كلهم بتوع فيات مع ان فى الشارع كان فيه لانسر وهوندا سيفيك واقفين مقربلهمش وكنت مستغرب اشمعنا الفيات

عشان تقريبا الفيات هو من السهل الوصول لسلك الكبوت تقريبا عشان الكبوت بيترفع حتى صغيرة بسهولة و بيمدوا ايديهم من تحتيه ،بينما العكس فى السيارات الميتسوبشى و الهوندا و الحديثة لازم تتنى الكبوت عشان تعرف تفتحه و احتمال بعد ما تتنيه كمان ما تعرفش تفتحه و هم بيخافوا من الانذار أساسا فا بيروحوا للأسهل

[myson medo]

معلش ربنا يعوض عليك

كل حاجة بتتسرق دلوقتى

الواحد خايف يسرقوا الهوا كمان اللى فى الجوووووووووو