فيرنا اتوماتيك ولا ساجا

[esafegypt]

والله كلها عربيات بلاستيك لو عايز تركب حاجه نظيفة ممكن تدور على اى نوع المانى يكون موديل حديث وهيبق بسعر الفيرنا الجديدة بس هتبق راكب المانى ولو خايف من قطع الغيار الالمانى علشان غالية ومش موجوده كتير عايز اقولك ان القطعة اللى بتجيبها لعربية المانى هتعيش معك فترة اكتر من اى عربية كورى او صينى او اى مكان غبى هههههههه يعنى الفكرة فى ان القطعة عمرها اطول من العربيات الكورى وده عن تجربة صديق ليا

طبعا لو سئلت امال انا معايا فيرنا ليه هقولك علشان انا من محافظة ومش هقدر انزل القاهرة اجيب قطع الغيار بتاع الالمانى هههههههههه علشان كده جبت الفيرنا وامر لله

والله كان اودامى جولف زجاج كهرباء وباور وفرش جديد ومش رشة خالص وكانت جميلة جدا كانت عاملة 41 وتخلص على 39 او38 الف بس المشكلة انى بينى وبين القاهرة 100 كيلوا واى قطعة هحتاججها لازم انزل بس انصح الناس اللى فى القاهرة انهم لو هيشتروا جديد فى حدود ال 60 او 70 الف يشتروا المانى موديل حديث وكده كده قطع الغيار عندكم فى القاهرة مشاء الله فى اكتر من مكان بس عربية حلوة فى المطبات والطرق المصرية الجميلة ههههههههههههههههه

[احمد بدر1978]

المشاركة الأصلية كتبت بواسطة بدر بسيونى بلاش الانوس مع صديق ليا ومش ظريفة

بالعند فيك عربية اللانوس مع قريبى بقالها سنتين تمام اوى تلاقى صديقك مبيعرفش يسوق

[Ahmed Anwer]

الصراحة مقارنة حضرتك وافية

بس عايز أقولك كماليات الساجا أفضل لأن فيها ايرباجز ،، و تقريبا بس مش متأكد أيه بي اس

و كمان عايز اقولك مالهاش لازمة الستار دي لأن الكماليات اللي زايده عن الفيرنا العادية حاجات هابله طاسة عجل و شبكة جديدة و سبويلر و لون التابلوه ( أعتقد ممكن دي اللي تفرق معاك شوف العادية و الستار في معرض و شوف انهه تابولها أحلي )


الرأي الشخصي ليك

لكن لو مش من القاهرة و لو فيه احتمال تغير قريب

يبقي استبعد الساجا ،،، أساسا ،،،

[kae]

أنا مش متأكد من إن الساجا فيها ايرباج اصلا وأكيد مفيهاش abs , الفكرة كلها إن موضوع المستعمل ده أنا كرهته وكمان مش عاوز أجيب جديد والبس في الحيط.

طبعا الالماني والياباني فوق الجميع لكن كل واحد على اد جيبه , حاجة كمان الساجا مش عارف ليه من الصور كده حاسس إن تقفيلها تعبان برضك مش حاجة جامدة أو فارق كتير عن الفرنا !!!! أنا محتار جدا

[kae]

المشاركة الأصلية كتبت بواسطة احمد بدر1978 بالعند فيك عربية اللانوس مع قريبى بقالها سنتين تمام اوى تلاقى صديقك مبيعرفش يسوق

يا عم الانوس من سنة 2000 مفيش أي جديد فيها حتى الموتور زي ماهوا 8 صباب , ماشي برضك هايلة وبقالها زمان في مصر بس كمان متنساش إن الموتور 1500 وتوكيل زبالة , وعافشه ضايعة

وزيد على كل ده إن مفيش منها اوتوماتيك !!!!!!!!!!!!!!!!!!

من الاخر كده الِي في الفئة دي هو يا الساجا أو فرنا علشان كده أنا عملت الموضوع ده علشان الاوتوماتيك مهم جدا ليه واستبعدت البيكانتو علشان المحرك 1100 cc وتعبانة جدا والكماليات او كلام


شكرا يا باشا على النصيحة