جبت جولف 4 وعايز مساعدتكم

[mohamed ibiza]

المشاركة الأصلية كتبت بواسطة luckyman انا قرات مداخله الاخ ابيزا وشفت حضرتك بتنصحة بزيت موبيل ديلفاك طبعا حرام اوى لمحرك زى الجولف فى بيئة زى مصر يتحط فيها الزيت دة هو مخصوص للشاحنات ومحركات الديزل والباصات والمحركات البحركة ومولدات زى الكاتبلر ازاى بقى يحطة فى محرك بنزين ضغطة خفيف برجاء تحرى المعلومة وشكرا لك

كلامي بقوله عن تجربه و لو مكنتش جربته مكنتش قلتله عليه و مش مجربه في عربية واحده بس لا في الاتنين الابيزا و ال 280

[luckyman]

المشاركة الأصلية كتبت بواسطة mohamed ibiza كلامي بقوله عن تجربه و لو مكنتش جربته مكنتش قلتله عليه و مش مجربه في عربية واحده بس لا في الاتنين الابيزا و ال 280

انا مش بشكك فى كلامك ايوة انت مجربة بس هو لو انت عملتة فهعو قرار خاطىء بالتاكيد اية يخليك تتجة لموبيل ديلفاك وهو مخصص لتزييت محركات الديزل والمحركات الكبيرة للشاحنات والحافلات الخ من انواع مركبات النقل الثقيل طبعا دة زيت غير مخصص لسياراتك ويوصى بة لمحركات الديزل حسب خصائصة ومواصفات الزيت الخ

[mohamed ibiza]

هقولك ليه ..

هو فعلا مخصص لكل ده و مكتوب عليه كمان ..

بس الزيت ده اتقل من اي زيت تاني و كثافته اعلي و فعلا بيخلي الموتور صوته ناعم جدا و بيعمل تليين ممتاز بين اجزاء الموتور

اما فكرة انا حطيته ليه .. انا دلوقتي مش بستخدمه في الابيزا لانه 5000 كيلو بس و انا العدد ده بيخلص معايا بسرعة فا مش كل شوية هعد اغير زيت و فلتر لكن بستخدمه في ال 280 بأستمرار .. بس فكرة انا حطيته ليه انا حطيته عشان بحرق كتير و بقرص كتير و الزيت ده بجد بيعد و مش بيتحرق بسهوله و كثافته مش بتقل بسرعة زي الزيوت التانيه .. عشان كده حطيته بس مش اكتر انا حاليا بستخدم في الابيزا فيسكو 2000 10 الاف كيلو بيعد و حلو و كل حاجة بس بينزل من العربية كثافته اقل من الديلفاك كتير ..

[luckyman]

مع احترامى لوجة نظرك لكن المعيار ديما انى عايز زيت ثقيل او كثافة عالية او مش خفيف وبيحرق والكلام دة لانة عربيتك مخصص لها طلمبة لضخ الزيت بمواصفات زيت معين له نطاق تعمل من خلالها كمان عندك مجارى وقنوات دوران دورة الزيت فة البلوك الخاص بالمحرك كله مخصص لدرجة سيوله الخ معينة ربما يؤثر ذلك على المدى الطويل انت كدة بتدخل فى اسمة ميكانيكا الموائع فلويد ميكنك الموضوع مش بالاحساس الشخصى
بص ابسط الامور عندك حاجة اسمها طبقة الزيت او الاويل فيلم دى طبقة رقيقة جدا بتدخل بين الاجزاء المتحركة وعلشان تقدر تتشكل وتكون مناسبة لازم تختار الزيت المخصص لنوع الماكينة دة زيت تقيل على المضخة وكبسها اتمنى انى اكون قدرت اوصل المعلومة لان دى مش نتيجة احساسيس والرؤية بالعين دى اختبارات معملية دقيقة لافضل اداء وتقبل تحياتى

[mohamed ibiza]

المشاركة الأصلية كتبت بواسطة luckyman مع احترامى لوجة نظرك لكن المعيار ديما انى عايز زيت ثقيل او كثافة عالية او مش خفيف وبيحرق والكلام دة لانة عربيتك مخصص لها طلمبة لضخ الزيت بمواصفات زيت معين له نطاق تعمل من خلالها كمان عندك مجارى وقنوات دوران دورة الزيت فة البلوك الخاص بالمحرك كله مخصص لدرجة سيوله الخ معينة ربما يؤثر ذلك على المدى الطويل انت كدة بتدخل فى اسمة ميكانيكا الموائع فلويد ميكنك الموضوع مش بالاحساس الشخصى بص ابسط الامور عندك حاجة اسمها طبقة الزيت او الاويل فيلم دى طبقة رقيقة جدا بتدخل بين الاجزاء المتحركة وعلشان تقدر تتشكل وتكون مناسبة لازم تختار الزيت المخصص لنوع الماكينة دة زيت تقيل على المضخة وكبسها اتمنى انى اكون قدرت اوصل المعلومة لان دى مش نتيجة احساسيس والرؤية بالعين دى اختبارات معملية دقيقة لافضل اداء وتقبل تحياتى

والله يا باشا انا مش مهندس ميكانيكا عشان افكر في كل ده قبل ما اعمل حاجة معينه و برضه فيه حاجة الزيت ده نازل universal مش كاتبين عليه انه يستخدم لموتور طلمبة الزيت بتاعته بتضخ بنسبة كذا ولا الكلام ده..ده نازل عشان يستخدم كزيت موتور لاي موتور !

و طبيعي ان البلوك فيه مجازي للزيت بس برضه الشركة المصنعه منزلتش تحذير مع العربية بتقول فيه تستخدم النوع ده من الزيت فقط لا غير لانك لو مستخدمتوش عربيتك هتبوظ علي المدي الطويل او القصير !! و الا كانت عربيتي باظت علي مدار 16 سنة الموتور دخل فيه انواع زيوت كتير مختلفه عن بعضها و طبعا كثافتها مختلفه اظن 16 سنة مدة كبيرة تكفي ان لو اللي حضرتك بتقول عليه كان ممكن يحصل كان زمانه حصل !!

في النهاية انا بقول تجربتي للحاجة دي و الناس عارفه ان انا مش صاحب مصنع عربيات او زيت و عامل اختبارات و تجارب علي الحاجة قبل ما اقولها انا جربت و الحمد لله لم يصبني ضرر من التجربة اللي مازالت مستمرة حتي الان و بقول رأيي كمالك سيارة و مستخدم عادي يا جماعه الحاجة دي كويسه و مسببتش ضرر والله اللي حابب يعملها بيعملها اللي مش حابب يعملها مش بيعملها عادي جدا ..و الموضوع مش بالاحساس ولا برؤية العين الموضوع ان انا حطيت الزيت مشيت بيه عدد الكيلوات المخصص بتاعه و غيرته مرة و اتنين و تلاته الي اخره و لقيت ان الزيت بينزل كويس و مش مائع و الموتور و الطلمبه لم يتضرروا !! يبقي دي تجربة عملية مش عملية احساس !!!

مشكور علي نصايحك الغالية ..