|
جولف GOLF من أنجح موديلات الشركة الألمانية بدأ إنتاجها عام 74 و بيع منها أكثر من 25 مليون نسخة حتى الآن |
|
أدوات الموضوع |
#1
|
|||
|
|||
جبت جولف 4 وعايز مساعدتكم
انا الحمد لله اخيرا جبت جولف 4 والعربيه ممتازه انا حبتها مريحه وماتورها اداءه حلو رغم انو 1400 سى سى بس كنت عايز اسال كام سؤال كده للجولفتيه عشان عايز احافظ على العربيه
1-ايه احسن زيت للموتور 2- ايه البنزين اللى استعمله 90 ولا 92 مع العلم انى جربت الاتنين ومش لاقى فرق معاها والراجل كان بيقولى انو كان بيحط 90 3- ايه الاكسسوار اللى ممكن اركبه للعربيه مع العلم انها سلفر وياريت لو حد يقولى على الاسعار دى بالتفصيل والقيها فين 4- احسن ميكانيكى وياريت رقم التليفون 5-احسن كهربائى وبرضوا ياريت رقم تليفونو 6-العربيه 1400 سى سى هى كام حصان واخرها فى الشد كام معلش طولت بس انا اصلى لسه جديد <!-- google_ad_section_end --> |
#2
|
|||
|
|||
رد: جبت جولف 4 وعايز مساعدتكم
فيه زيوت كتير كويسه
bp visco زيت كويس جدا موبيل 1 كويس طبعا و موبيل xhp و موبيل دلفاك بس موبيل دلفاك تقيل شوية يعني بيتحط للمحركات الديزل و المحركات البنزين الكبيرة توتال كوارتز 5000 ممتاز ممكن تحط 90 عادي بس كده كده الفرق تافه في السعر بينهم و 92 انضف من 90 و انت انجكشن فا حط 92 احسن ممكن طقم جنوط 16 هيخليها حلوه اوي و انت تقريبا مقاسك الاصلي 15 ممكن تجيب جنط 15 و تركبه علي كاوتشك لو مش عايز تكبر المقاس و ممكن فانوسين امامي معدلين (عدسات) بيدولها شكل حلو اوي و طقم زينون معاهم هتبقي تحفه محمد سمير في جسر السويس ورا حديقة بدر متخصص فولكس و سيات و اودي لكن اسعاره غاليه بس هو محترف فيه كهربائي في الهرم ممتاز في الاريزونا تحديد اسمه الحاج سعيد شغال في جميع انواع العربيات مرسيدس فولكس ميتسوبيشي بي ام مازدا شيفروليه اوبل كل دول شفتهم عنده و انا مجربه بنفسي و متخصص تكييف برضه عنوانه 14 شارع حسني متولي الاريزونا تليفون المحل 358 78 746 العربية 75 حصان علي ما اتذكر ممكن تجيب فلتر هوا اسبور سيموتا او k&n و تعملها Intake و تركبه و بوجيهات ngk iridium او بوجيهات split fire بالسلوك بتاعتهم و علبة شكمان ماركة محترمة هتحس ان العربية سحبها فرق و هتدي صوت رياضي جميل كده و اهلا بيك في مصر موتورز و مبروك عليك الجولف |
#3
|
||||
|
||||
رد: جبت جولف 4 وعايز مساعدتكم
الف مبروك العربية ومحمد قالك علي المفيد وربنا يديك خيرها ويكفيك شرها
|
#4
|
|||
|
|||
رد: جبت جولف 4 وعايز مساعدتكم
هى العربيه دى اخر سرعتها كام
|
#5
|
|||
|
|||
رد: جبت جولف 4 وعايز مساعدتكم
حسب حالة الموتور
جرب و انت هتعرف ! |
|
|