من الاخر الاكسنت تنفع لواحد زي دا

[mohamed selem]

المشاركة الأصلية كتبت بواسطة sherifabden بس هوا قالي انه مش هامه اي حاجة غير بس انها بتكون سريعة وشكلها حلو بس وشكرا على ردك

سيدي الفاضل ..
لو علي الشكل . دي ازواق انا واحد مبحبش شكل العربيه
اما موضوع السرعه فهو لو محدث سواقه يعني متعلم السواقه جديد فاكيد هيحب الجري لانو مش مندمج مع الطريق ميعرفش ان الطريق الي بيحدد سرعتك مش انت الي بتحدد سرعه الطريق
هاتلي في مصر طريق تجري عليه فوق 120 وانت مطمن . لازم هتلاقي مطبات هوا .. نقر .. الخ وما خفي كان اعظم
اما بقي لو هو محتاج عربيه فعلا حوت جري يبقي يشوفلو هوندا سيفك موديل مثلا 2008
ابن عمي جاب العربيه هوندا سيفك 2008 عامله 64 الف كيلو بعد الكشف عليها في التوكيل بـ 115 الف وهي تاني فئه اوتو كامله بدون فتحه سقف
انا اول مره بحياتي اجيب بعربيه 180/190 من غير محس اني وصلت للسرعه الرهيبه دي ولولا اني بصيت بالصدفه علي العداد كانت جابت اكتر
علاوه علي كدا فهي شكلها مقبول جدا جدا عن الار بي

[shooter22522]

طب قولو على جين2

[miro2010alex]

استاذى الفاضل / بعد التحية
انا معايا الاكسنت الـ RB وهى بصراحة عربية معقولة و مش وحشة - على فكرة انا الفئة اللى معايا الهاى لاين اتوماتيك + جنوط سبور + اير باج + فتحة سقف - العربية جربتها فى السرعة العالية - المعقولة 140 KM - فهى ثابتة الى حد كبير و نصيحة بلاش النيتروجين للكاوتش تماما لانه بيخلى العربية دى تبقى خفيفة جدا الى جانب ان الجزء الخلفى بتاعها بينط فى المطبات
اما بالنسبة لارتفاع العربية فى المطبات فهى متوسطة يعنى لو مطب صناعى كبير حتحك فيه و خصوصا مع التحميل و الوزن الزائد برده انا فى النقطة دى انا شايفها معقولة بالنسبة الى عربية مش عائلية انما تصلح لاسرة صغيرة
ارجو انى اكون افدتك و اذا فيه اى استفسار اخر فساكون فى الخدمة انشاء الله

[sherifabden]

المشاركة الأصلية كتبت بواسطة shooter22522 طب قولو على جين2

قولتله على كل العربيات (اوبترا / صني / سكالا / ريو /جين 2 / بيرسونا ) وهوا برضه منشف دماغه
وشكرا على الرد

[Hisham.Elgazzar]

مبروك مقدما لصديقك وعقبالك بإذن الله