مشكله فى قنطره فيرنا فيفا

[GeeDa]

السلام عليكم ورحمه الله وبركاته

اخواني الكرام

طبعا الموضوع باين من عنوانه

انا طلع عيني فى قصه مسامسير القنطره الى ملهاش حل واتمني اني الاقي حل

انا اشترين فيرنا فيفا 2008 كانت عمله 60 الف ودولوقتي عامله 100 الف
المهم شهر ورا التاني ركبت جنط 15 لقيت العربيه مش مظبوطه وبترعش ع سرعه 80 وخبط ورزع وحاجات غريبه كدة
روحت للعفشجي يكشف .... الصدمه ..!

لقيتو بيقولي العربيه واخده خبطه من تحت ومعمول شغل عك

قلتلو ازاي يعني قالي القنطره ليها مسمرين يمين وشمال المسمرين دول لما اتخبطت اتكسرو ف صاحبها الله يسامحه لحم المسمرين على وش الشاسيه من تحت وركب القتطر وزي الفل
طبعا عملت زيو ولحمت

قابل بقي تغير بليه . طموره .تيل فرامل . كلو شمال شمال شمال بس

طبعا دا + ان العفشه مش مظبوطه

لحد م اتخنقت خاااااااااااااالص

اعمل اية اركب قنطره جديده ولا اسقط المسامير من فوق ولا اعمل اية

طبعا انا من اسماعيلية ف مفتكرش ان فى صنايعي ممكن يعمل الشغل صح


معلش طولت عليكو

[Hisham.Elgazzar]

الموضوع ده ماينفعش فيه لحامات عك وكده
انت محتاج واحد حداد بتاع عفشة يظبط الكلام

[GeeDa]

فيين الكلام دا

وهل المشكله دي تعييب العربيه ..؟

[محمد صالح - المحامى]

انا كان عندى مشكلة بنفس الشكل
انت محتاج 2 صنيعيه جنب بعض .
-----------------------------------------
1 - سمكرى / علشان هيطير المسمارين الى كانوا ملحومين فى القنطرة وهيعمل مكانهم شغل على نضيف
2- عفشجى او مكانيكى علشان يظبط العفشة لان السمكرى هيطلب منك كدا لعدم خبرته فى العفشة
---------------------
مشوار تغيير القنطرة دة هيكلفك كتير بس بصراحة هيبقى حل افضل
--------------------------------------
على العموم بدام انت من اسماعيلية مش هتخسر حاجة تروح للعفشجى يقولك اية افضل الحلول
انا اعرف واحد عند دخلة شارع البحرى من عند طريق بورسعيد جنب القهوة الى فى الاول على ايدك اليمين اسمه ( عزت ) و ( محسن ) الاثنين فى نفس المحل بس بصراحة انا اتعملت معاهم وكانوا محترمين وصنايعية
--------------------------------------
انا صلحت المشكلة بتاعتى فى مكان الميكانيكى والسمكرى كانوا جنب بعض
انا وقفت العربية قدام السمكرى والاثنين اشتغلوا فيها علشان طبعا بعد ما السمكرى هيشتغل مش هتعرف تحرك العربية

[GeeDa]

روحت وقالي مليش ف القصص دي


بجد انا زهقت وللأسف هبيع العربيه