|
#1
06-08-2009, 10:53 PM
|
|||
|
|||
ان شاء الله انا نازل اشتري فيرنا الاسبوع دا وشوية استفسارات مني جزاك الله خيرااا
زاكم الله خيرا اولا
طبعا المنتدي هايل ومفيد جداااا واتمني لكم مواصلة الابداع بالنسبة للاستفسارات ( انا مبتدأ وممكن كمان مش بسوق كويس ) انا ليس من هواة الجري والسرعات يعني اخري 100 كيلوا 1- انا هشتري فيرنا ان شاء الله زيرو بعد صراع شرس مع الافيو ( بموت في شكلها بيجنني والله العظيم )بس اغلي شوية من الفيرنا ياتري موديلات 2009 اللي شغالة زيروا لسة ولا نزلت 2010 ؟؟؟؟؟ عشان انا سمعت ان موديلات 2010 نزلت وناس اشترتها 2- السعر الرسمي للعربية من التوكيل بكام كاش طبعا ومانويل واتوماتيك ؟؟؟ فول اوبشن وهاف اوبشن ؟؟؟؟؟؟ 3- تنصحوني اشتري منين انا نفسي اشتري من التوكيل مباشرة وهل بتفرق التوكيل عن المعارض وتفرق في اية ؟؟؟ سعر مثلا كفاءة ؟؟؟؟ 4- هو توكيل غبور فين واتصل بيهم ازاي عشان احجز واستفسر ؟؟؟؟ اية الاجراءات الحجز وممكن استلم العربية منهم بعد اد اية ؟؟؟ موضوع الاستلام والتأخير فية اللي خلاني افكر في المعارض بدل التوكيل ؟؟؟؟ 5- اية الفرق بين الفول اوبشن والهاف اوبشن ؟؟وهل الفرق بينهم يستاهل الفرق في السعر ؟؟؟؟؟؟ اتمني كتابة كل كماليات السيارة ؟؟ 6- اية افضل الالوان لها انا عن نفسي بفضل الفضي والاسود فقط لا غير وهل الالوان بتفرق في حاجة غير الاذواق الشخصية ؟؟؟؟؟ 7- فترة التليين اعمل فيها اية ؟؟؟؟ واهم النصائح في الفترة دي والتحذيرات ؟؟؟؟ 8- اية اجراءات ترخيص السيارة بعد الشراء مباشرة ؟؟؟؟؟ وما هي الرخصة المؤقتة ؟ واية الداعي لها ؟؟؟؟؟؟ 9- اية الحاجات اللي اهتم بيها وانا بشتري السيارة ؟؟؟؟؟ بس كدا انا عارف اني كترت عليكم في الاسئلة وممكن تكون فيها اسئلة ساذجة بس اعمل اية يارب اللي يرد عليا ربنا يرضي عنة ويرضية في الدنيا والاخرة ويبارك لة فيما اعطي ويرزقة الزوجة الصالحة والذرية الطيبة ويغفر لة ولوالدية ولذوية ويعطية من حيث لا يحتسب من خيري الدنيا والاخرة 
|
|
#2
06-08-2009, 11:34 PM
|
|||
|
|||
|
رد: شاء الله انا نازل اشتري فيرنا الاسبوع دا وشوية استفسارات مني جزاك الله خيرااا
انا اشتريت نيو اكسنت لكن حاحاول ارد على اللى اعرفة ونصحونى بية:
- حاولت اشترى من غبور وكان مطلوب منى دفع المبلغ كاملا ثم انتظر الدور وطبعا ده مش مقبول لكن ممكن الفيرنا تكون متوافرة - انا شفت موديل 2010 ونازل منها الفيرنا و الفيفا ونصحونى بعدم شراء الفيفا والفرنا مانيوال فول اوبشن كانت ب 68000 - الشراء من الوكلاء ارخص بحوالى 500 جنية بس حاول تشترى من وكيل كبير ومحترم لانى سمعت مشاكل زى تبديل البطارية مثلا - اللون الغامق للسيارة فخم طبعا لكن يعطى انطباع بحجم اصغر ويتأثر جدا بالتراب و التنظيف و كمان يظهر فية الخدوش اكتر لكن طبعا دة اختيار شخصى . - بالنسبة للتليين مكتوب لى فى الكتلوج التزم بان ال rpm لا يتعدى ال 3000 والسرعة لا تتعدى 88 كم/ساعة حتى اتمام ال 1000 كم الاولى اما الترخيص فسيادتك تاخد الورق اللى حيديهولك من الوكيل او غبور و كمان فية حاجة اسمها شهادة بيانات من 6 اكتوبر وغالبا واحد من التوكيل بيجيبهالك وهى تكلف 25-50 جنية ( انما انا اتنصب على فى توكيل السقا وخدوا 100 جنية) ما علينا بعد كدة تروح بحسب المنطقة الى ادارة المرور ووهناك الاجراءات سهلة ان شاء الله. وربنا يباركلك فيها ان شاء الله
|
|
#3
07-08-2009, 12:00 AM
|
|||
|
|||
رد: شاء الله انا نازل اشتري فيرنا الاسبوع دا وشوية استفسارات مني جزاك الله خيرااا
 ...منور المنتدى واهلا بيك عضو جديدا معانا ويارب نقدر نخدمك ونفيدك وتشاركنا بكل جديداولا الف مبروك مقدما وربنا يديك خيرها ويكفيك شرها ثانيا وبسرعة كده احسنت الاختيار باختيارك الفيرنا بدل الافيو ثالثا اسمحلى ارد على كل سؤال من اسئلة حضرتك 1- موديلات 2009 الموجودة طبعا زيرو .... و 2010 لسة مانزلتش فى الفيرنا .... بعد رمضان وعليك خير وفرق السعر مش هايكون كبير ممكن الفين تلاتة بالكتير 2- السعر فى التوكيل الاوتوماتيك فول اوبشن 75000ج ودى بالحجز والاستلام خلال شهر او شهرين لانها مش موجودة تقريبا المانيوال نوعين 1- 1600 cc تقفيل مصرى فول اوبشن 68000 ج هاف اوبشن 65000 ج النوع التانى 1500 cc واسمها فيرنا فيفا ودى تقفيل هندى ويفضل ماتجيبهاش احسن فول اوبشن 67000 ج هاف اوبشن 64000 ج 3- التوكيل مابيفرقش حاجة عن المعارض الا فى فرق سعر بسيط احيانا بيوصل مابين 500 الى 1000 ج اعلى او اقل من التوكيل بس المعارض بتبقى العربية حاضرة فى الغالب والتوكيل احيانا بيسلمك فى وقتها او بعدها بحوالى اسبوعين واحيانا شهر على حسب خط الانتاج 4- توكيل غبور فى عمارات العبور بصلاح سالم وده الرقم المختصر للتوكيل16216 او 22633608 او 22633615 وممكن بدل ال 5 - 6 - 8 وزاى ما وضحت لحضرتك التوكيل ممكن العربية تكون حاضرة وممكن الاستلام بعد فترة من اسبوع لحد شهر بالكتير انما المعارض فى العالب العربية حاضرة والاستلام فى ساعتها 5- بالنسبة للكماليات فى الهاف اوبشن والفول اوبشن بيكون فى الاتى بيان............... الهاف اوبشن ...................الفول اوبشن الزجاج ............يدوى ......................... ....كهرباء سنتر لوك .........لايوجد ......................... ..يوجد ايريال الراديو .....يدوى ......................... ...كهرباء عداد RPM .......لايوجد ......................... ...يوجد الكاسيت ..........عادى ......................... ...cd - mp3 تكييف ..........يوجد ......................... .....يوجد باور ...........يوجد ......................... .....يوجد نور الصالون ... وسط الصالون ..................... المقصورة الامامية - ووسط الصالون والله الفرق مش كبير اوى لو حبيت تركب الحاجات دى من مكان مضمون ومايخليش العربية تخرج من الضمان زاى محلات " عشم نوار " فى مصر الجديدة والفرق والحاجات بتوصل تمنها حوالى من 1500 الى 2000 ج يعنى الفرق من وجهة نظرى مش كبير فالافضل تجيبها فى العربية جاهزة احسن وده رأيى المتواضع طبعا وليك مطلق الحرية 6- افضل الالوان بالترتيب الاسود - الفيرانى - النبيتى - الكحلى - الفضى وطبعا الالوان دى مسألة اذواق فقط ماهاش اى تأثير على سعر العربية فى اى حاجة لكن برضه رأيى المتواضع ان الاسود فى العربيات الكبيرة بيكون اشيك عليها اوى من العربيات الصغيرة انا عن نفسى جايب النبيتى وجميل جدا فيها وناس كتير برضه بتشكر فى الفيرانى اوى لانه بجد تحفة فيها وعموما انت وذوق حضرتك " لولا اختلاف الاذواق لبارت السلع " 7- فترة التليين بتكون لمسافة 1000 ك الاولى ودى ماتحاولشى تمشى بالعربية ازيد من سرعة 80 ك / س وماتحملشى حاجات تقيلة فى العربية وماتقطرشى بيها عربية تانية تحافظ دايما على نقلات الغيار فى السرعات المحددة لذلك وماتحرقش على الغيار طبعا انا عارف الجو حر نار لكن لو قدرت ماتشغلش التكييف فى التليين يكون افضل ولو حبيت تشغله يبقى على الوضع التانى وعلى درجة واحد عشان ماتحملش على الموتور فى فترة التليين 8- بالنسبة لاجراءات ترخيص السيارة هى سهلة انت بتاخد خطاب للمرور من المعرض بنوع العربية ورقم الشاسيه ورقم الموتور وموديل العربية يعنى سنة الصنع وبتروح لوحدة المرور اللى تابع ليها السكن وبتصور البطاقة وبتجيب ملف ترخيص وبيتم اخذ بصمة الموتور والشاسيه من المهندس المختص وبتعمل تأمين اجبارى فى مكتب التأمين اللى موجود فى وحدة المرور وبتشترى طفاية جديدة واسأل على المثلث وشنطة الاسعافات فى بعض وحدات المرور بتوزعهم مجانا مع الترخيص الجديد ولو ماكنش بتشتريهم بحوالى 60 ج الاتنين وبتدفع ضريبة الترخيص ورسومه ويفضل ان ترخص 3 سنين طالما هاتشترى كاش عشان تترحم من عذاب ودة المرور فى الترخيص كل سنة وبعد كده بتاخد الرخصة والنمر لو جديدة يبقى مبروك لو مافيش النمر الجديدة بتاخد نمر مؤقتة وبالتالى بتطلعلك رخصة مؤقتة لحد لما تروح تجدد النمر 9- بالنسبة للحاجات اللى تهتم بيها وانت بتشترى العربية بص على قفل الابواب اذا كانت مظبوطة والا فيه باب مفتول - كاوتش الابواب - سجادة الشنطة ولاعة السجاير ووش الكاسيت وشنطة العدة والاستبن والكوريك وجرب العربية شغلها وبطلها كذا مرة وشيك على لمبات التحذير اللى فى التابلوه شغالة والا لا وجرب التكييف بدرجاته طبعا كل ده والعربية واقفة --- احسن تاخدها وتخلع هههههههه ويارب يوفقك لاختيار الاحسن واتمنى اكون جاوبت على اسئلتك ببساطة ووضوح واى حاجة انا وكل المنتدى تحت امرك اللهم ان كنت وفقت فمنك وحدك وان كنت نسيت او اخطأت فاغفر لى فانت الغفار ذو القوة المتين
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب التعديل الأخير تم بواسطة salahabdelnabi ; 07-08-2009 الساعة 12:07 AM
|
|
#5
07-08-2009, 12:16 AM
|
|||
|
|||
|
رد: شاء الله انا نازل اشتري فيرنا الاسبوع دا وشوية استفسارات مني جزاك الله خيرااا
اخي الكريم salahabdelnabi بارك الله فيك واعطاك خيري الدنيا والاخرة
طبعا تفصيل اكثر من رائع ويارب يباركلك في سيارتك بس لو مش هضايقك ممكن لو قدامك صور علي النت فيها الليون الفضي والفيرااااااااااااااااااا اااااااااااااني والاسود والنبيتي ياريت ترفعهم لو مش هتقل عليك فعلا الناس كلها مهووسة بالنبيتي والاسود شكرا ااااا لكم اعضاء المنتدي الكرام التعديل الأخير تم بواسطة year183 ; 07-08-2009 الساعة 12:28 AM
|
 |
|
|
