لوحة أجهزة القياس (التابلوه ax

[mzmr]

لوحة أجهزة القياس (التابلوه):

1- عداد السرعة (كم/ساعة)
2- عداد عدد لفات الموتور في الدقيقة RPM
3- عداد كيلومتر كلّي وآخر للرحلات (يمكن تصفيره بالضغط على الزر أسفله)
4- ساعة رقمية (يتم ضبطها بإدارة الزر الذي بجانبها لليمين ولليسار)
5- مؤشر كمية الوقود
6- لمبة انخفاض كمية الوقود (أسفل مؤشر كمية الوقود - تضيء أصفر - عندما تضيء باستمرار يكون المتبقي في الخزان حوالي 5 لتر)
7- مؤشر درجة حرارة مياة تبريد الموتور
8- لمبة تحذير ارتفاع درجة حرارة مياة تبريد الموتور (أعلى مؤشر الحرارة - تضيء أحمر)
9- لمبة تحذير شحن الدينامو (تضيء أحمر)
10- لمبة تحذير انخفاض ضغط زيت الموتور (تضيء أحمر)
11- لمبة تحذير شد فرامل اليد (تضيء أحمر)
12- لمبة تحذير تآكل تيل الفرامل الأمامي (تضيء أحمر)
13- لمبة شد الشفاط (تضيء أصفر عند سحب الشفاط الموجود يسار عجلة القيادة)
14- لمبات إضاءة نور التحديد (تضيء أخضر) والنور الأمامي (تضيء أحمر) والنور العالي (تضيء أزرق)
15- لمبات الإشارات اليمين واليسار والإنتظار (تضيء أخضر)
16- زر تسخين الزجاج الخلفي للسيارة (يمين إطار التابلوه وبه لمبة برتقالي)
17- زر إضاءة لمبة الشبورة الخلفية (يسار إطار التابلوه وبه لمبة برتقالي)
************************* **
لمبة تحذير تآكل تيل الفرامل الأمامي (تضيء أصفر وليس أحمر)
************************* ********
الحرارة الطبيعية للموتور أثناء السير تكون ما بين 90 و 100 درجة مئوية

الثرموثتات الذي يسمح بمرور مياة تبريد الموتور إلى الرادياتير يبدأ الفتح عند درجة حرارة 89 مئوية و يفتح تماما عند 101 درجة مئوية (قبل الفتح تكون دورة التبريد من خلال الموتور فقط بدون المرور على الردياتير)

مروحة الردياتير تبدأ الدوران عند درجة حرارة 97 مئوية وتفصل عن الدوران عند 92 درجة مئوية

كاتلوج ax
Instrukcja_Obslugi_Citroe n_AX_PL_up_by_dunaj2.rar

[momo100010]

طبعا يشرفني انى اكون اول واحد يرد
مشكور جدا
الموضوع دا كان مجنن معظم الاعضاء هنا

[aymangalal]

شكرا على المجهود الجامد ده وانا كنت عملت موضوع بسأل فيه عن شرح للتابلوه بس ياريت لو حضرتك تتكرم وتحطلنا الشرح الجميل على صورة للتابلوه سواء واقعية(من العربية) او من كتالوج لان فى لمبات كتير مطفيه(مش شغاله يعنى) والواحد مش عارف مكانها فين اصلا
بالنسبة للنقطة رقم 14 ممكن شرح اكتر ايه هوه نور التحديد ده(قصدك الصغير)؟؟
انا عندى لما بنور النور الصغير (التابلوه- والفانوس الخلفى بالليل-والفوانيس الامامية بنور ضعيف كده) بيبقى لون اللمبة فى التابلوه اخضر ومدى شكل كشاف ولما اشغل الواطى مش فاكر نفس اللمبة ولا غيرها بتنور اخضر بشكل كشاف فى خطوط مايله والنور العالى لمبه زرقاء شكل الكشاف برضه
بالنسبة للنقطة 17 فين لمبة الشبورة الخلفية دى؟؟؟!!!!
الميكانيكى قالى ان دى بتزود قوة مروحة التبريد وعلى فكرة الزرار ده عندى بينو لوحد ولما ادوس عليه بينطفى وماعرفش بتاع ايه لغاية دلوقتى
معلش برضه استفسار مدور!!!
تحت التارة ع الشمال فى بكرة بتاعة تعلية وتوطية اضاءة العدادات والمفروض جنبيها زرار تانى مكنه فاضى عندى مش عارف بتاع ايه ممكن تقولى؟؟؟
وبرضه تحت الجزء بتاع هوايات الكيييف وتحت الطفاية على طول فى زرارين واحد مرسوم عليه عربية(بتاع ايه؟؟؟) والتانى مرسوم علية كورة ثلج هل ده بتاع تشغيل التكييف؟؟
وبين الزرارين دول فى طبه تحتيها مكان لحاجه مدورة وفى بعض الموديلات بلاقى مكانها مفتاح عامل زى بتاع درجات التكييف المدور 0-1-2-3-4 وفى عربية شوفتها ع النت لقيت واحد مركب عداد فى المكان ده ممكن توضيح بصور لو امكن؟؟؟؟؟؟؟؟
والف شكر

[mzmr]

الاستاذالمحترم aymangalal رابط الكاتلوج اسفل الموضوع فية شرح كل ما في السيارة

[aymangalal]

الف شكر يا باشا
الكتالوج ده انا كنت حملته من ع النت عن طريقك برضه قبل كده
الحقيقة هو ممتاز بس فىه بعض الاختلاف البسيط (لانه موديل GTI) يختلف عن الموديل اللى بنتكلم فيه بتاعنا (دى مش مهمة) المهم بقى واللى خلانى بسأل ان الكتالوج بلغة غير الانجليزى يعنى ايوه الصور واضحة ومعروفة وعندنا كتير زيها فى عربياتنا بس اسم الحاجه دى ايه وبتعمل ايه ؟؟؟؟؟!!!!! ده اللى مش عارف اوصل له لان اللغة تقريبا ...(والله مانا عارف دى ايه؟؟ هى شبه الالمانى!!! وانا ثقافتى هندى ههههههه)
ع العموم الف شكر طبعا لاهتمامك ومبادرتك بالمساعده