ارجو الاجابة من ملاك ال 516 بصدق !! هل العربية بتحتاج صيانة اكتر من غيرها وقطع غيارها ومصنعيتتها اغلى من غيرها ؟؟؟؟

[drasd]

السلام عليكم

رغم اقتانعي بال 516 الا انني كعضو في هذا المنتدى الرائع او كانسان مصري عادي دا ئما ما اسمع الراي والراي الاخر والاختلاف ليس الغرض منه الجدل العقيم بل الجدل الغرض منه الوصول للحقيقة
لذلك ارجو من ملاك السيارة المثيرة للجدل 516 على السؤال المطروح في العنوان
بصدق وبكل وضوح :

هل العربية بتحتاج صيانة اكتر من غيرها

وقطع غيارها بتبوظ او بتحتاج تغيير اكتر من غيرها

ومصنعيتتها اغلى من غيرها ؟؟؟؟

في انتظار الرد

[ابوجهاد]

متابع معاك وياريت حد يرد بمي يرضي الله
لانني منذ فتره وانا بدرس البي واي دي لحين رد البنك
والان وقبل الرد بايام قليله تم تغير اتجاهي الي 516 لظروف اقتصاديه
ايه راي الاخوه الافاضل

[osa92003]

اولا انت المفروض تقارن العربيه بمثيلتها فى السعر والكماليات المتوفره بها العربيه بالمقارنه بنفس السعر تتفوق على الكل فى كل شئ :
موتور 2 كامه 16 صباب باحدث انظمه سنسور وحساسات عاليه جدا
فرامل abs و abd
صالون واسع وبه كل كل الكماليات مافيش حاجه ناقصه خالص
والعديد من الكماليات اللى عايزه شرح كتير
نيجى بقى سعادتك اللى قالق حضرتك وهو العيوب
اول عيب ممكن تلاقيه هو عيوب التقفيل المصرى وده موجوده فى كل العربيات المصرى ومافيش عربيه فى مصر كلها مافيش عيب لكن فى عيوب بسيطه وفى عيوب بتكون جامده شويه بس للامانه التوكيل بيتصرف معاها تماما
العفشه ناشفه شويه بس ده ميزه علشان الثبات فى الطرق السريعه
لكن فى المجمل العربيه ممتازه جدا وفيها كل شئ بس ياجماعه ارجوكم تعرفوا لومعاك مرسيدس او بى ام ومش بتراعى الصيانه ومس بتاخد بالك من العربيه ومطلع عين اهلها عمرها مهاتعيش معاك
قطع الغيار متوفره جدا جدا وفى كل شى فى الرخيص وفى الغالى والغالى بيعيش والرخيص بيبوظ بسرعه زى كل قطع غيار العربيات فى مصر هتروح تسال على اى قطعه غيار هيقولم فى صينى وتركى وايطالى وكورى والمانى ......

[stonecoldmido5]

المشاركة الأصلية كتبت بواسطة osa92003 اولا انت المفروض تقارن العربيه بمثيلتها فى السعر والكماليات المتوفره بها العربيه بالمقارنه بنفس السعر تتفوق على الكل فى كل شئ : موتور 2 كامه 16 صباب باحدث انظمه سنسور وحساسات عاليه جدا فرامل abs و abd صالون واسع وبه كل كل الكماليات مافيش حاجه ناقصه خالص والعديد من الكماليات اللى عايزه شرح كتير نيجى بقى سعادتك اللى قالق حضرتك وهو العيوب اول عيب ممكن تلاقيه هو عيوب التقفيل المصرى وده موجوده فى كل العربيات المصرى ومافيش عربيه فى مصر كلها مافيش عيب لكن فى عيوب بسيطه وفى عيوب بتكون جامده شويه بس للامانه التوكيل بيتصرف معاها تماما العفشه ناشفه شويه بس ده ميزه علشان الثبات فى الطرق السريعه لكن فى المجمل العربيه ممتازه جدا وفيها كل شئ بس ياجماعه ارجوكم تعرفوا لومعاك مرسيدس او بى ام ومش بتراعى الصيانه ومس بتاخد بالك من العربيه ومطلع عين اهلها عمرها مهاتعيش معاك قطع الغيار متوفره جدا جدا وفى كل شى فى الرخيص وفى الغالى والغالى بيعيش والرخيص بيبوظ بسرعه زى كل قطع غيار العربيات فى مصر هتروح تسال على اى قطعه غيار هيقولم فى صينى وتركى وايطالى وكورى والمانى ......

واللة بالامانة هي ممتازة بالنسبة لسعرها و قطع الغيار اللي بتتغير فيها نفس اللي بتتغير في العربيات التانية زي تيل الفرامل و الطنابير و ده نفس المسافة اللي بتمشيه اي عربية تانية ( تقريبا 30 الف كيلو)
و بالنسبة لصيانتها هي مفهاش شغل معقد اوي فاي ميكانيكي مش فاهم حاجة ممكن يظبطها و نصيحة ابعد عن التوكيل رغم الضمان
وللامانة هي عفشتها ناشفة جدا جدا بس اللي هيركبها هياخد عليها

[hamdy ali]

بسم الله الرحمن الرحيم
السلام عليكم
السيارة الاسبرنزا ما لها وما عليها
1- لها بودى متين
2-تكيف جميل
3- صالون فسيح
ما عليها
1- محرك ضعيف فى السرعات الاول والثانى
2-المحرك اعطالة كثيرة خاصة فى الكتينه والفيوزات وبوابة الهواء سريع الاتساخ والحرارة لاتقل عن 90 درجه
وهدا عيب يستهلك المحرك سريعا
3- عفشة رديئةوكبالن سريعة الاستهلاك
4- اكسسوار غالى الثمن وفى الغالب ليس اصلى بسبب كثرة الموستوردين لقطع الغيار
ادا فرح بها بسبب شكلها وحزن حين استخدمها( والتاكس خير دليل)
ومن هنا اقول لاتئما على نفسك من الاعطال الغير متوقعة فى اى وقت
احب ان اعرف بنفسى بعد ماكتب حمدى على عملى صيانة السيارات الحديثة منها الاسبرنزا516
وما كتبت من واقع عملى وليس ما اسمع عن هده السيارة واخيراهدا ما اعلم والله بكل شيئ عليم