مشاكل اﻹسبيرانزا من وجهة نظرى

[emad7759]

المشاركة الأصلية كتبت بواسطة mahmooud135 السلام عليكــم ورحمـة الله و بركاتــة ،، ارجو من السادة المشرفين والاعضاء الاطلاع على هذا الموضوع و ابداء الراى حتى يطمأن جميع ملاك السيارة ال 516 يوم الجمعة بتاريخ 15/6/2010 كان على احدى القنوات الخاصة بالسيارات موضوع مهم و هو ظهور عيب تصنيع فى السيارة الاسبرانزا و هم 22 عيب و تم رفع دعوة قضائية على شركة ابوالفتوح بسبب هذه العيوب و من اهمها :- 1- قواعد الماتور 2- الدينمو 3- دخول مياه زرقاء داخل الكابينة 4- علبة البيئة 5- الفرامل 6- البطاحات 7- الطنابير 8- طلمبة البنزين 9- مقصات العربية 10- نوع سير الكاتينة المستخدم 11- عدم عمل الاى بى اس 12- ضعف التكييف 13- عدم صلاحية عمود الدريكسيون 14- رضائت خامات التابلوة والدليل على ذلك تقشير عصا الفتيس و الباقى مش فاكره و كان من اهم ذكر النقاط هى ان وسائل الامان ضعيفة جدا فى العربية وعدم خضوعها للاختبارات الاوربية وكان المتحدث فى هذه العيوب شخص تم تقديمة على انه يعمل فى حماية المستهلك و عند حديثة كان يخص بالاكثر السيارة ال 516 والسيارة ال 620 و اخص ملاك التاكسى و ابداء من موديلات المالكى من 2008 الى 2010 ارجو من السادة المشرفين والاعضاء ابداء الراى فى هذا الشان علشان انا من ساعتها و انا الضعط عندى علي حتى يطمئن جميع ملاك اسبرانزا هام و عاجل<!--colorc--><!--/colorc--><!--sizec--><!--/sizec--><!--fontc--><!--/fontc-->

فعلا اغلبيه العيوب دى موجوده بالفعل

انا معيا اللام 11 تم تغير ديناموة لانه فصل لحاله ولما رحت علاشان اغيره

وجت عربيا 516 برده الديناموه بيفصل فيها بدون ابداء اسباب

ولما عملت معاهم مشكله بسبب معرفه ليه الديناموه فصل لوحده وايه السبب


قال المهندس الخامه فيها عيوب

والجديد ان التابلوه عندى هيتم تغيره وعربيتى عندهم دخلت فى 15 يوم ولم استلمها


وكل ماتصل يقوله بكره ومش عارف بكره ده هيجى امتا


ولله الرجل اللى قال على العيوب دى ماكذب فى شىء


واللى مش مصدق يعمل زياره الى مركز ابو رواش ويشوف بعينه

كميه المشاكل اللى فى الاسبرانزات كلها

ولله العظيم حرام الوحد يدفع فيه ربع جنيه


حزبنا لله الوكيل فى اللى كان السبب فى ان الواحد يجيب اسبرانزا

[tarek elbadry]

المشاركة الأصلية كتبت بواسطة luckyman حازم انا فعلا سافرت اكتر من 12 يوم وبشارك احيانا من الشغل خالص التحية لك خاصة ولمصر موتورز ولجمهورية مصر العربية لما تشوف فى الموقع عندنا هنا التوياتا لاند كروزر واللى بيتعمل فيها بهدله وبتتفرم فرم وتشوف بعدها اداء السيارة وسوقتها وردة الفعل برغم طبيعة الصحراء ووعورة الجبال لدرجة ان العربيات مش بتشوف الاسفلت الا لما نغير موقع اللى احنا فية بس تكتشف انا اسف جدا اننا فى مصر موتورز مش بتكلم عن حاجة لها علاقة بالعربيات لا من قريب ولا من بعيد فعلا مصر عايز سيارات تويوتا لاند كروزر اعتقد وقتها بس شكاوى الناس تختفى طبعا لا تقول لاند روفر ولا رنج روفر ولا مرسيدس ولا يحزنون عندما يتعلق الامر بالبرراى والصحارى والجبال واماكن بركانية اشياء فوق الوصف فعلا شكرا تويوتا سيارة معجزة واحنا هنا الناس لسة بتتكلم عن سيارات اقزام لا محل لها من الاعراب انا مش عارف اية اللى بيحصل فينا دة فى مصر كلنا حتى انا لما بنزل اجازة بنشترك فى معمعة اشباه السيارات ودمت بود

السلام عليكم
معاك حق يا استاز محمد انا ركبت التويوتا لاند كروز بس دة كان فى جيبوتى عربية يدربلها سلام
غول ماشى على الارض ليهمها اسفلت ولاصحرة ولاجن ازرق

[luckyman]

المشاركة الأصلية كتبت بواسطة tarek elbadry السلام عليكم معاك حق يا استاز محمد انا ركبت التويوتا لاند كروز بس دة كان فى جيبوتى عربية يدربلها سلام غول ماشى على الارض ليهمها اسفلت ولاصحرة ولاجن ازرق

فعلا والله اسوأ عربية تويوتا فى العالم انضف من السيارات الزيرو فى مصر
يا اخى كفاية قفله الباب ودقة التوجية الخ من براعة معهودة لدى اللاندكروزر
انا مش فاهم واتجنن الناس شايفة العيوب والبلاوى الموجودة برغم ان كتير فى منها مبالغ فية ورغم كدة محطوطة ضمن الولويات الناس
الناس نفسها فى الصين بتتوجة نحو سيارات مجمعة فى الصين لشركات كبرى وعالمية
معظم الشركات الصينية الى الناس بتتكلم فيها وعليها انتاجها محدود سواء كان المصدر والمستهلك فى السوق المحلى كلها سيارات لم تتعدى 250 الف وحدة فى بلد كلصين رقم عيب ذكرة
انا مش فاهم الشعب المصرى اية هى اسس اختيارة وازاى بيفكر ولية بيعمل كدة فى نفسة كاننا فى فترة حرب والاستيراد ممنوع
او كان العربيات الصينى بتتباع ببلاش
هى لية مصر حقل تجارب لكل السيارات الفاشله فى العالم
والغريب استماتة الناس فى الدفاع
وناس تانية تقول فرحة الجديد
لما تحاول تنبة الواحد من عربية او تقول سلبيات العربية كانك بتشتم مراتة مش فاهم فين العملانية والموضوعية والمنطق فى اختيار السيارة الجديدة
المفروض لانى اقول مش مبروك على العربية
مبروك الصين والشركات الصينة السوق المصرى المفتوح على مصرعية
يا جماعة فى اداوات تسمى بالادوات العقلية تستخدم فى اشياء كثيرة
الذاكرة
الرؤية
السلوك
الصبر
الطبع
يعنى لو استخدمنا ان شاء اداءة واحدة وكلها تستند للواقع اكيد الواحد يخاف على فلوسة واستثمارة
للاسف كان الاختيار الصيحيح والتروى مضيعة للوقت والتهور والاندفاع نحو اسماء مغمورة كانها هى الفرصة الوحيدة لاقتناء سيارة اسف للاطاله

[cmatcho]

انا ها ارد علي موضوع واحد وهو سير الكاتينه
السير يا اخونا والله وانا شفته بنفسي
السير انجليزي صنع في انجلترا
اظن مفيش جوده افضل من كده
العربيه دي للا سف مظلومه في مصر مننا
العربيه استخدام 45000 من
13/7/2008
الحمد لله بدون تغيير اي شيء ومع الاستخدام الشاق

[السيد العيسوى]

الحقيقه هذا الوصف الرائع استفدنا منه كثيرا
بجد احسن شئ رايته فى منتدانا هى تجربة الشخص مع سيارته
ولك الشكر