مشاكل اﻹسبيرانزا من وجهة نظرى

[أحمد فاروق سيد]

المشاركة الأصلية كتبت بواسطة hazem_khidr استاذ احمد بالنسبه لمساعدين اللانسر انا سمعت ان عفشه الاسبرانزا نسخه طبق الاصل من عفشه اللانسر كريستاله يا تري الكلام دا صح ولا غلط؟؟

بالنسبة للمساعدين فكلام صحيح 100 %
وباقى قطع الغيار مطابقة بنسبة 80 %
وكل اللى أعرفهم غيروا المساعدين
بيشكروا فيها إلى أبعد الحدود
وأحمد مهران بيغيرهم وبتطلع مليون فى الميه

[mahmooud135]

ياجماعة دة مش كلامى دة كلام مهندس من حماية المستهلك وبيقول ان اكثر العربيات اللى فيها عيوب هى عربيات من بعد 2007 واكد انه يوجد اكثر من 153 قضية مرفوعة على ابو الفتوح 530 قضية من اصحاب التاكسى

[luckyman]

اود ان اقدم خالص الشكر للسيد المحترم حازم خضر على الرد الموضوعى الامين
واحب انى اعمل مداخله بسيطة وهى ان فعلا هناك التشيطيب لا يرتقى بالمستوى ودة يخص جميع السيارات المجمعة محليا كنوعية الدهان
فى حاجة تانية وهى انة شىء رائع انة يكون فى وعى لكن يكون موضوعى وسليم وحقيقى ويكون عادل انما مسؤول من حماية المستهلك يطلع يتكلم عن سيارة بعينها وسايب عربيات مغرقة البلد معيبة معيبة فهذا يطرح عدة علامات استفهام
لان ممكن واكيد كلامة فى شىء من الصحة لكن لما يكون كلامة فية شىء من الصحة وهو حق يراد بة باطل
فيكون الباطل بعينة
للاسف فى مصر حتى الجهات المختصة بحماية الافراد ومنها اجهزة تمثل الامن والامان ليس بحماية المستهلك لكن على مستوى الشرطة حتلاقى فيها عناصر فاسدة وطبعا مش بعمم وتبقى قاعدة لكن بقول بصوت عالى عناصر فاسدة
وعنصر واحد كفيل انة يدمر المؤسسة الامنية او الحماية او اى نوع كان
فعلا انا شايف ان الاسبرانزا 516تتمتع بمنظمة تعليق جيدة جدا
وموضوع النشوفة دة مش عيب
العيب فى البنية الاساسية لشوارع جمهورية مصر العربية اللى بضر وتدمر استثمارات المواطنين
لغاية دلوقتى مصر متعرفش تسفلت طريق زى الناس ولا تعمل حتى فواصل كبارى فضيحة

[hazem_khidr]

اهلا و سهلا لاكي باشا فينك مختفي بقالك يومين ليه؟؟
انا قولت انك سافرت ولا حاجه و الاجازه خلصت.
انا مؤيد رأيك 100%
انا عموما لا احبذ الصيني ولا اميل اليه
لكن اللي بشوفه بقول عليه
العربيه بركبها معقوله مش وحشه و لحد الناهرده بقالها تلات سنين في الشارع او اكتر
لم يظهر عليها علامات الزمن و دا شئ في حد ذاته كويس
لذلك مستغرب من كلام حمايه المستهلك.
يظهر ان ابو الفتوح لسه مغضوب عليه

[luckyman]

حازم انا فعلا سافرت اكتر من 12 يوم وبشارك احيانا من الشغل خالص التحية لك خاصة ولمصر موتورز ولجمهورية مصر العربية
لما تشوف فى الموقع عندنا هنا التوياتا لاند كروزر واللى بيتعمل فيها بهدله وبتتفرم فرم وتشوف بعدها اداء السيارة وسوقتها وردة الفعل برغم طبيعة الصحراء ووعورة الجبال لدرجة ان العربيات مش بتشوف الاسفلت الا لما نغير موقع اللى احنا فية بس تكتشف انا اسف جدا اننا فى مصر موتورز مش بتكلم عن حاجة لها علاقة بالعربيات لا من قريب ولا من بعيد
فعلا مصر عايز سيارات تويوتا لاند كروزر اعتقد وقتها بس شكاوى الناس تختفى طبعا لا تقول لاند روفر ولا رنج روفر ولا مرسيدس ولا يحزنون عندما يتعلق الامر بالبرراى والصحارى والجبال واماكن بركانية اشياء فوق الوصف فعلا شكرا تويوتا سيارة معجزة واحنا هنا الناس لسة بتتكلم عن سيارات اقزام لا محل لها من الاعراب انا مش عارف اية اللى بيحصل فينا دة فى مصر كلنا حتى انا لما بنزل اجازة بنشترك فى معمعة اشباه السيارات ودمت بود