قبل أن تشتري اسبيرانزا - احذر!

[AbOnOrA]

ميدو باشا حضرتك عضو عزيز علينا واتمنى انك تهدى ومتزعلش كل واحد حر فى رائية وكل واحد من حقة يقول اللى هو عايزة من غير تجريح فى حد او هجوم على شخصية كاتب المشاركة

من حقك تنتقد رأيه لكن مش من حق حد ينتقد شخص حد او يتهمة بحاجة على العام كده

[medomasry]

بص يا ابو نورا انا ها اسكت تقدير ليك ومش لاى حد تانى>>>>>>>>>>>>>>>>> مفهوم طبعا
يعنى علشان خاطر ابو نورا
اما انا ما ادخلتش غير لما هو علق تعليق مش لزيز على مشاركة الراجل الى بيقول رايوا مش اكتر
<><>
<><>
انا اسف لابو نورا بس والاعضاء المحترمين اكيد
im soooooooooooooooory

[AbOnOrA]

شكراً يا ميدو
وصدقنى مفيش عربية تستاهل ان الناس تزعل من بعضها ديه فى الاول والاخر صاج

ptmnlo123per171

[moody]

انا اعتذر لكاتب الموضوع بس كلمة ذله انا مش قاصد بيها اهانه سوري انا قلتها ككلمة عاديه ptmnlo123per1127

بس برضو هرد لانك فهمتني غلط

ببساطة أنا استلمت العربية في شهر يناير في عز الشتاء ، فلم تكن هناك أي فرصة لتجربة التكييف ، وبعدين هو المفروض وانا باستلم العربية الجديدة الزيرو من توكيل محترم أجرب التكييف ! وأجرب المساحات وأجرب الفوانيس ، وفرملة اليد . . . الخ ، انا باستلم عربية زيرو مش عربية مستعملة من سوق العربيات !

انا لما جبت عربيتي الانسر سنة 2005 زيرو مش عاوز اقولك اني بصيت عليها من العتاب وميلت تحت العربيه كمان عشان اشوف يمكن اتخبطت منهم وهما جايبينها للمعرض ولا حاجه وطبعا جربت كل حاجه فيها مع اني واثق انها تمام بس انا دافع مبلغ بالالافات مش هرمي فلوسي في الارض

وده يؤكد كلامي إن العفشة سيئة

برضو مش للدرجه الي انت كتبت بيها المشاركه

وده أيضا يؤكد كلامي إن السحب ضعيف خاصة مع التكييف ، وبعدين هو انت كنت بتحط بنزين 80 لعربية زيرو ؟!! ، وبالمناسبة أنا في الفترة الأخيرة والله العظيم كنت بأحط بنزين 95 وبرضه نفس النتيجة -السحب ضعييييييف

فرق واضح في الاسبرانزا 1600 بالذات لما تحط بنزين 90 او 92 انا عندي الانسر بتقبل ال90 عادي جدا اما الاسبرانزا لا والف لا

وده أيضا يؤكد كلامي عيوب في الكلاكس ودواسة البنزين . . . الخ

برضو هقول ان دا مش عيب هيا فيها تاخير يمكن بسبب الحساسات الي عاملينها او خلافه او يمكن بالكمبيوتر الي بيتحكم في السياره بالكامل

يا عزيزي المشكلة دي موجودة في جميع موديلات 516 سواء شعرت بها أو لم تشعر بسبب وجود خطأ في أبعاد الشاسيه ، الكلام ده من مهندس التوكيل في جسر السويس ، فالحدفة موجوده وانا شعرت بها من أول يوم .

امممممم مش عارف اقول ايه بس انت كده قصدك تقول ان عربياتنا بتحدف واحنا مش دريانين ؟؟؟

يا راجل يا طيب ، انت مقتنع بالكلام ده ؟؟؟؟؟؟؟!!!!!!!!!!

دا بخصوص العضه احب اقولك انها كمان بتحصلي لما الدواسه الي انا حاططها بتاعه التراب بتدخل ورا الدواسات احيانا وانا فعلا لما بغسلها الصنيعي بيحط ورق كارتون على الدواسه عشان المية الي في مكان الغسيل لما ادخل العربيه ويقولي شيلها لما تروح وانا بنسى وبالتالي بتتبرم ورا الدواسات

طيب اذكرلي عربية وحده بس وحده ياباني تصميم موتورها كده!! ، لو التصميم الصيني ده الأصلح أكيد كان من باب أولى الألمان ولهم ما لهم من باع في عالم السيارات ، أو الأمريكان ، أو الطليان ، للأسف مافيش غير الافتكاسة الصينية فقط هي اللي عملت كده !! ، وياريت كده وبس لا والتقفيل مصري !!

التويوتا كرولا 2005 بالتحديد لاني كنت بقارن بينها وبين الانسر ايام ما جبتها

مش ممكن بأي حال من الأحوال تقارن الاسبيرانزا بالعيوب الصيني والتي تم تكليل هذه العيوب بالتقفيل المصري ، مش ممكن تقارنها أبدا باللانسر الياباني ؟؟؟!!!!!!! وعموما السيارات كما أي سلعة أذواق وطالما انت مبسوط بعربيتك فربنا يباركلك فيها ويهنيك بيها .

مش انا الي عامل موضوع المقارنه دي بس انا لسخرية القدر امتلك الاتنين فرديت على الموضوع مش اكتر ,, من الواضح ان الناس مش قادره تتقبل الاسبرانزا بالذات بغض النظر عن انها صيني تقفيل مصري والدليل على كده اني لما كتبت مشاركتين ليا في الفرق بين الانسر والاسبرانزا جالي شكر اكتر في العيوب الي كتبتها في حين كانت مرات الشكر مره واحده لما كتبت المميزات الي انا لاقيتها فيها

حتى المالكين لسيارات اخرى صيني بينقدو في الاسبرانزا بالتحديد واغلبية المشاركات (انا سمعت وانا شفت )

مع ان فيه سيارات اخرى صيني زي جيلي الي كان شكلها غلط دي الي نزلت في البدايه خالص وكان فيها العبر الناس مااتكلموش عنها كده والسياره اثبتت فشلها وخلال سنتين تقريبا بقينا مش بنشوفها في الشوارع زي اول ما نزلت ,,

الاسبرانزا رغم انتقادها الا انها من 2006 الى الان في انتشار وتنوع في الموديلات كمان وهي هي نفس شكل 2006 في 2009 مع تلافي العيوب ؟؟

هوا العيب في مين ولا فعلا تكون العربيه بتحدف وانا مش واخد بالي ودي تبقى مصيبه لان كده العربيه تبقى بايظه وانا فاكرها سليمهptmnlo123per184
الاسبرانزا جايبها لاداء معين في عملي مش هينفع اجيب عربيه غاليه في المهمه دي او اشغل عربيتي الشخصيه والحمد لله بتعمل الي عليها وزياده على مدار السنه الي فاتت وطلعت ولا نزلت اهه عربيه مركونه في الشارع كام سنه تتباع ويجي غيرها لاداء نفس المهمه الله اعلم هيبقى ايه نوعها ربنا يستر وماتبقاش اسبرانزا تاني

انا بجد اول مره اكتب في منتديات سيارات وخاصه لما لقيت كلام عن النوع دا بالذات فحبيت انقل تجربتي وانها مش بالقبح دا بس فعلا الاسبرانزا غير مقبوله عندنا فاي حاجه هاكتبها عن الاسبرانزا لصالحها هتتفهم غلط وهندخل في حوارات انا في غنى عنها ,, وان شاء الله هتبقى اخر مشاركه لانها بالعربي لو العربيه كويسه مصلحه ليا ولو وحشه انا الي هدبس فيها فبعد اذنكو ما تتضايقوش لو لقيتو حاجه انا كاتبها عن الاسبرانزا مش عاجباكو لان انا او اي مالك للاسبرانزا هو المستفيد المتضرر

واسمحولي اني اتابع من بعيد لبعيد

والسلام عليكم ورحمة الله وبركاته

[khalidsdk]

أشكر الجميع

ولا داعي للإعتذار ، فكلنا يريد الصالح العام

وعموما كل واحد قال رأيه وقناعته وتجربته بأمانة

وأرجو الاستفادة والتوفيق للجميع

فيه كلمة أخيرة ، على الرغم من العيوب الموجودة في الاسبيرانزا ، لكن العربية بالنسبة لسعرها وإمكانياتها مش وحشة وحتنتشر نظرا لسعرها ، بس اللي حيشتريها يستحملها ويشتريها على عيوبها ، واعتقد إن سعرها لازم حينزل في المستقبل القريب مش بسبب الأزمة العالمية بس لأ علشان بتواجه منافسة شديدة جدا من السيارات الصينية المماثلة وأيضا من الرينو لوجان المغربي اللي من غير جمارك اللي حتنتشر انتشار رهيب وهي بتبتدي من 56 الف جنيه ، فلازم يعيدوا التفكير 100 مره في سعر الاسبيرانزا في الأيام القادمة.