سالمة يا سلامة رحنا و جينا بالسلامة (و عادت وزتى بالسلامة)

[حازم شاهين]

الحمدلله

للتعرف على تفاصيل الحادث

إستلمت النهاردة السيارة بعد 77 يوم من الحادث الذى تعرضت له فى رمضان الماضى منها 39 يوم كانت فيه السيارة مركونة فى التوكيل و أيام لإصلاح الفعلية بلغت 38 يوم

استلمت السيارة اليوم و مازال فيها بعض الملاحظات و الأشياء المطلوب إستكملها لكن بعدالعيد إن شاء الله

وسأحكى اليوم عن تجربة الإصلاح

طبعا أول ما حصلت الحادثة نقلتها للتوكيل على طول لكن للأسف مقايسة التوكيل كانت فوق فوق المبالغ فيها بمراحل قدرو الإصلاحات بحوالى 63 ألف جنية و بعد الفصال و الجدال و أربع زيارات للتوكيل وصلنا لـ 38 ألف جنيه و طبعا المبلغ ده خارج إمكاناتى خالص فكان قرارى لا للتوكيل لكن القرار ده كلفنى حوالى 2500 جنيةتكلفة المقايسة و النقل من و إلى التوكيل و الأربعة زيارات


كنت قد اتفقت مع ونش من بورسعيد لنقل السيارة فى اليوم التالى لكنه اتصل بى ليلا ليخبرنى أنه سينقل ميكروباص للقاهرة فى هذه الليلة و أنه يمكن استغلال ذلك والعودة بالسيارة مما سيوفر فى التكلفة حوالى 400 جنيه فوافقت طبعا و خرجنا من بورسعيد و الونش يحمل ميكروباص قديم حوالى الساعة 11 مساء و كان الطريق خالى والجو جميل جدا وتم تسليم الميكروباص الساعة 3 فجرا تقريبا ثم توجهنا إلى مركز الصحراوى فوصلنا إليه حوالى الساعة الرابعة و النصف فجرا و قفنا فى قهوة(غرزة)بجواره حتى الصباح و فى تمام الثامنة دخلت للمركز و بدأت إجراءات استلام السيارة وإنتهت الإجراءات تماما الساعة العاشرة و وصلنا لبورسعيد حوالى الساعة 3 عصرا كانت رحلة قاتلة .

بمجر د وصول السيارة للورشة إنقض عليها خمسة من الصنايعية و لم يمر اليوم إلا و كانت مقدمة السيارة على الشاسية فقد قاموا بحل كل شىء و قد ندمت فى تلك اللحظة على 39يوم قضتها السيارة فى التوكيل بدون أن يضرب فيها مفك واحد.

فىاليوم التالى قام السروجى بفك الصالون بالكامل ما عدا التابلوه و بدأ السمكرى فى عمل الزرجينات إبتداء من بعد الظهر، كما تم لحام فارغة الفتيس فى نفس اليوم و تم حصر جميع التلفيات فى السيارة و تحديد قطع الغيار الرئيسية المطلوبة ، و إكتشف السمكرى أن الرفرف الخلفى الشمال كان متمعجن قبل كده (معنى كده إنه إتخبط أو إتطبق فى المصنع أو أثناء النقل و عدلوه )



قمت بالبحث عن قطع الغيار و كان معى السمكرى و الميكانيكى و كنا فى البداية نرغب فى شراء ربع أمامى كامل إستيراد إلا أننا لم نجد و أو لم نستطيع الإستدلال على تجار قطع غيار الشيرى إستيراد ، كما أن خامات قطع الغيار المنتشرة فى السوق أقل فى الجودة من الأصلية بشكل و اضح ، و فى النهاية تم شراء قطع الغيار الأغلى و الأفضل بقدرالإمكان .


كانوجود السمكرى معى أثناء شراء قطع الغيار مفيد حيث أفاد رأية فى تمييز و فحص قطع الغيار و كذلك حتى لا يكون عنده حجة فى عدم تقفيل السيارة بالجودة المطلوبة لكن وجوده معى سبب مشكلة أنه عرف مقدار ما دفعته و أدرك أنى دفعت راضيا ثمن أغلى للحصول على جودة أعلى فطلب منى أجر مبالغ فيه جدا و كان ذلك سبب جدال إستمر حوالى يومين من شد و جذب و نقاشات و فصال .



إنتهت أعمال السمكرة بعد 15 يوم تم فيها الإستعانة بسيارة سليمة لمراجعة القياسات بالبلدى طبعا لأن جهاز ضبط السشاسية موجود فى التوكيل فقط طبعا ،ثم تم تركيب العفشة و تسلم الدوكو السيارة لمدة ثلاث أيام تم خلالها رش الحوض و الصدر



وقام الميكانيكى بعد ذلك بإعادة تسقيط الموتور و ملحقاته و استغرق عملة أسبوع أخر ودى كانت أكتر مرحلة كانت مخوفانى من الأول يا ترى الموتور هيدور يا ترى الكمبيوتر إتأثر يا ترى فيه حساسات باظت ياترى ...يا ترى..... و فعلا فى البداية لم تدورالسيارة خالص فاكتشفنا أن ضفيرة الكهرباء متأثرة و فيها قطوعات كتير و جبنا كهربائى صلح الضفيرة و احدة واحدة لغاية ما دارت العربية و لله الحمد بدون أى لمبة منورة فى التابلوة .



وبعد ذلك رجعت العربية للسمكرى تانى فركب الرفارف و الكبوت و لإكصدام و بعدين تبادل الدوكو و السمكرى العمل فى العربية لعلاج كافة العيوب اللى بتظهر و أخيرا دخلت العربية الفرن يوم السبت الماضى و بعد ذلك أنهى السروجى تقفيل السيارة و إعادتها كما كانت بقدر الإمكان .

تبقت بعض الأعمال النهائية سيتم إستكمالها تباعا بعد العيد و أهمها ظبط الزوايا والإتزان و الترصيص

شحن التكييف و تشغيله و أخيرا تركيب بعض الحليات و الكاوتشات و الفبر

بقى أن أقول لكم أن تكلفة الإصلاح بلغت حوالى 17 ألف جنيه حتى الأن مقارنة بـ 38 ألف جنية أخر عرض من التوكيل.

طبعاأكيد فيه فرق برضة فى شغل التوكيل أكيد مش كبير قوى



و كل سنة و انتم طيبين

[AHMEDCAR]

يسعدنى و يشرفنى انى اكون اول واحد يباركلك ياباشا الف مبروك عودتها بالسلامه و يارب يكفيك شرها يارب و يعطيك خيرها باذن الله

[islam_galal]

ألف ألف مبروك
الحمد لله علي كل حال و ربنا يباركلك فيها
كل سنة و انت طيب و تعيد يالوزة علي خير

[رياح التغيير]

حمد لله عالسلامة وربنا يحفظك ويباركلك فيها يارب ويديك خيرها ويكفيك شرها

[Dr. Bolbolan]

حمدلله على السلامه وكل سنه وانت طيب !

و ده مبلغ معقول جدآ ! بس نصيحه ! اعمل حاجه لله مرتين !

مره علشان سلامتك ! و مره للعربيه !

Dr. Bolbolan ptmnlo123per122