عضو جديد وأول موضوع ليا

[furious biker]

السلام عليكم ورحمة الله وبركاته ,,,
-------------------------------------

اولاً أحب أعرفكم بنفسى ...

انا عبدالرحمن محمد سمير .. عندى 21 سنه .. ساكن فى مدينة نصر ودراستى فى شبرا المظلات ((كل يوم بروح من مدينة نصر للمظلات بالبايك )) الحمدلله الموضوع ده خلانى اكتسب خبره مش وحشه فى الطريق والبايكس وكل يوم بتعلم حاجه جديده وبقابل مواقف تضحك ومواقف تحرق الدم والدنيا ماشيه .. إدعـــــــــــولى أخلص السنه دى على خير وأكون طالب فى كلية الهندسه ..

انا بعشق اى حاجه فيها تحدى وسرعه وجنون ومغامره طبعاً .. ده مش صح وعارف انى ممكن تكون النتيجه مش كويسه خالص وتوصل لوفاتى .. كل اللى بتمناه ان ربنا يحسن ختامى ويقبلنى فى جنته ويوميا اول ما بركب البايك بنطق الشهادتين واقول دعاء الركوب (( سبحان الذى سخر لنا هذا وما كنا له مقرنين وإنا إلى ربنا لمنقلبون )) وفعلا الدعاء ده يا جماعه ليه أثر كبير جدا وفعلا بفضل الله ربنا بيسترها معايا من حوادث مميته .. كل اللى بيشوفونى عالطريق بيقولوا عليا مجنون وكتير منهم بيقولولى هو انت حد بيجرى وراك .. الحقيقه يا جماعه مش كده .. كل ما فيها انى بحب ألفت النظر وبحب السرعه والمغامره زى ما قولت .. بتمرن مع نفسى على غرز وعلى السواقه الأفضل .. طبعا سلبيات الطريق والناس كلنا عارفينهم .. زى مثلا انى مينفعش اسوق بسرعه ورا واحده ست او عسكرى جيش او عربيه مقطوره .. الناس دى مبتراعيش ولا بترحم .. كتر خيرهم انهم بيبصوا قدامهم أصلا .. استحاله هنطالبهم يبصوا فى المرايات .. وطبعا مع سواقين التوك توك والميكروباص لازم اكون محترم اوووووووووووى .. مش خوف خالص على فكره ..
انا مبقتش اخاف زى الأول .. انا بقيت بخاف أكتر .. ههههههههههههههههههه
منعا للاحباط مش بفكر أجرى مع حد راكب بايك يابانى ابدا .. الا لو فى الزحمه بعرف اتنطط عليه هههههههههههههههههه
ادعولى ربنا يكرمنى واجيب بايك يابانى وربنا يحفظنا من الطريق وحوادثه
اه نسيت أقولكم .. الحمدلله محدش ساعدنى فى البايك اللى جبته بجنيه واحد , وكمان لما جبت البايك اشتغلت ديليفرى ومش بحس انى بقلل من نفسى لما اقول انى اشتغلت ديليفرى .. مش احسن ما اخد مصروف من اهلى ؟؟!!
وكده كده انا لسه بدرس وشايل نفسى من كل حاجه حتى فلوس الدراسه انا بصرف على نفسى فيها .. للعلم امكانيات أهلى تخلينى اقعد فى بيتى واركب عربيه وادرس فى جامعه خاصه بس انا عاوز اطلع قد المسئؤليه واعتمد على نفسى وانا فعلا بعتمد على نفسى وانا عندى 17 سنه .. افتخر ولا لاء ؟؟!!
ارجوا من الأعضاء يقبلونى صديق وأخ صغير ومجنون ويارب نتقابل عن قرييييب ♥