|
#1
08-08-2012, 03:23 AM
|
|||
|
|||
افيدونى جزاكم الله خيرا
انا معايا اسكورت 98 زيتك حاسس ان العربية واطية جدا وبتحك فى كل المطبات سواء اخدتها بالجنب او على طول وخصوصا لو كان معايا حد مع انى غيرت مساعدين قدام وزودت بليتين بطاح زيادة علشان ترفع العربية شوية, انا عارف ان مطباتنا عالية وخصوصا بعد الثورة بس مش معقول ان الاسكورت اوطى من الانسر الكريستالة والفيرنا.
الحاجة التانية اول ما بدور العربية صوتها بيعلى وبيوطى وبعدين بيستمر على صوت واحد بس من فترة كدا بدات الاحظ ان صوتها متغير والصوت بيعلى ويوطى فترة كبيرة لدرجة انى بحس انها حتبطل مع انى لسة مغير البوجيهات اللى كانو فيها كانو موتور كرافت الاصلى وكانو كويسين بس هم فيها فقالهم اكتر من 40 الف كيلو والبوجيهات الجديدة بوش. اخيرا التكييف انا غيرت بلية الكومبريسور لانها كانت عاملة صورت جامد من حوالى شهر وشحنت التكييف وغيرت جوانين كدا قالى متاكلين وهما اللى سربو الشحن, ولكن بدأ يظهر صوت تانى واحيانا يظهر واحيانا يختفى لما رحت لمحمود اللى عند الوفاء والأمل قالى ممكن يكون الكومبريسور اللى فيه مشكلة وبيضغط على البلية والنهاردة العربية لوحدها كدا لاقيت التكييف مش بيبرد خالص فغالبا فضى شحنه ايه اللى يخلى التكييف يسرب الشحن كدا لوحدة مرتين فى شهر ومين يقدر يفيدنى فى موضوع الكومبريسور دا لان فيه واحد تانى قالى الكومبريسور بيجيب اخر سيبة لغاية لما ينتهى وهيقعدلة حوالى سنه بس لما تيجى تغيره هتغير معاه السربنتينة وحاجه تانية مش فاكر هيا ايه. العداد بتاع الاسكورت معروف انه بيقلب كل 100 الف كيلو طيب ازاى اعرف اذا كان قالب مرة او اتنين او اكثر ؟ اسف انى اطلت عليكم وارجو افادتكم جزاكم الله خيرا محمود 
|
|
#2
10-08-2012, 09:04 PM
|
|||
|
|||
رد: افيدونى جزاكم الله خيرا
ايه يا جماعة محدش عندة اى معلومة يقدر يفيدنى بيها والا الصيام والحر مأثرين
|
|
#3
10-08-2012, 11:22 PM
|
||||
|
||||
|
رد: افيدونى جزاكم الله خيرا
مشكلة علو العربية
تغيير المساعدين مش حيعلى العربية الحل تغيير السوست او وضع علايات للسوست مشكلة وطيى الماتور ده بسبب الجزء المسئول عن ظبط هواء السلانسيه سواء اتوماتيك شوك او صمام ايدل معرفش فى الاسكورت عبارة عن ايه مشكلة التكيف لو اتنين بتوع تكييف خبرة اكدولك ان الكومبريسور السبب يبقى معندكش تسريب و الكومبريسور فعلا محتاج يتغير و لو عايز زيادة تاكيد بتكبس هوا و تسيبه مدة و تشوف الضغط حيقل و لا لا لتتاكد ان مفيش تسريب و ان الموضوع موضوع كومبريسور معرفة العداد قلب كام مرة و الله اعلم محتاجة رد أمين من المالك السابق
__________________
سبحانك لا علم لنا الا ما علمتنا
|
|
#4
11-08-2012, 12:20 AM
|
|||
|
|||
|
رد: افيدونى جزاكم الله خيرا
التعليق على الاحتكاك فى المطبات
مشكلة سوسته بنسبة 95 % لان السوسته لو قويه مش هيحصل اى احتكاك ولو مركب 3 افراد . حكاية العداد فيمكن الاستنتاج من حالة العربيه الطابلوه/الصلون /فرش الباب/حالة الموتور/سنة الصنع ومش معقول سيارة موديل 1998 ومعدتش ال 100 الف اكيد معديه وتاكد من ان الدهان الخارجى فابريقه ممكن يكون فى احتمال تكون استخدام راقى ومن الاخر لو لسه هتشترى فودراسكورت بلاش ولو اشتريت حاول فى اقرب فرصه تبيع تحياتى ادم 
التعديل الأخير تم بواسطة adamlion ; 11-08-2012 الساعة 12:23 AM سبب آخر: تصحيح لغوى
|
|
#5
12-08-2012, 12:31 AM
|
|||
|
|||
رد: افيدونى جزاكم الله خيرا
هى العربية عاملة 113 الف وحالتها باينة جدا وانا واخدها من مالكها الاول, ولكن السؤال كان ان هل المعيار الوحيد انك تعرف العداد قالب كام مرة هو حالة العربية فقط؟ اما بالنسبة للتكييف ازاى اكبس هوا واشوف الضغط ؟ اسف لو كنت اطلت عليك
|
 |
|
|
